21 قىركۇيەك, 2019 تاعايىنداۋ
مەملەكەت باسشىسىنىڭ وكىمدەرىمەن اسكەري-اۋە كۇشتەرىنىڭ قولباسشىسى, "شىعىس" وڭىرلىك قولباسشىلىعى اسكەرلەرىنىڭ قولباسشىسى, شىۇ قىزمەتىنىڭ ماسەلەلەرى جونىندەگى ۇلتتىق ۇيلەستىرۋشى تاعايىندالدى دەپ حابارلايدى ؛qamshy.kz اقپارات اگەنتتىگى اقوردانىڭ سايتىنا سىلتەمە جاساپ.
قازاقستان پرەزيدەنتى قاسىم-جومارت توقاەۆ ءبىرقاتار ءاۋىس-تۇيىس جۇرگىزدى. مەملەكەت باسشىسىنىڭ وكىمدەرى اقوردا سايتىندا جاريالانعان.
اتاپ ايتقاندا پرەزيدەنتتىڭ وكىمىمەن ؛داۋرەن جۇماتايۇلى قوسانوۆ قازاقستان رەسپۋبليكاسى قارۋلى كۇشتەرى اۋە قورعانىسى كۇشتەرى اسكەري-اۋە كۇشتەرىنىڭ قولباسشىسى قىزمەتىنەن بوساتىلدى. ونىڭ ورنىنا اسكەري-اۋە كۇشتەرىنىڭ قولباسشىسى بولىپ ؛نۇربولات ەركەبايۇلى توپاەۆ تاعايىندالدى.
"نۇرلان مۇساقانۇلى قاشاعانوۆ "شىعىس" وڭىرلىك قولباسشىلىعى اسكەرلەرىنىڭ قولباسشىسى قىزمەتىنەن بوساتىلدى", - دەلىنگەن وكىمدەردىڭ بىرىندە. قاشاعانوۆتىڭ ورنىنا ؛اسان قۋانىشۇلى ءجۇسىپوۆ "شىعىس" وڭىرلىك قولباسشىلىعى اسكەرلەرىنىڭ قولباسشىسى لاۋازىمىن يەلەنگەن.
سونداي-اق مەملەكەت باسشىسىنىڭ وكىمىمەن ؛قازاقستان رەسپۋبليكاسى سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى ەرلىك شاكىرۇلى ءالي قازاقستان رەسپۋبليكاسىنان شانحاي ىنتىماقتاستىعى ۇيىمى قىزمەتىنىڭ ماسەلەلەرى جونىندەگى ۇلتتىق ۇيلەستىرۋشى قىزمەتىنە تاعايىندالدى.
ايتا كەتسەك, بۇعان دەيىن توقاەۆ ماڭىزدى ساياسي ءاۋىس-تۇيىس جۇرگىزىپ, مەملەكەتتىك حاتشى, پرەمەر-مينيستردىڭ ورىنباسارى, سىرتقى ىستەر ءمينيسترى مەن يندۋستريا جانە ينفراقۇرىلىمدىق دامۋ مينيسترلىگىنىڭ باسشىسىن تاعايىنداعان بولاتىن.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر