• usd 389.52
  • eur 429.21
  • rub 6.07
  • cny 54.94
19 قازان، 20:21:35
نازارباەۆ: "؛نۇر وتان"؛ حالىقتى مازالايتىن ماسەلەلەرگە ارالاسپايدى

20 قىركۇيەك، 2019 news

كەكىلباەۆقا ارنالعان كەش

اباي اتىنداعى وپەرا جانە بالەت تەاترىندا ءابىش كەكىلباەۆتىڭ 80 جىلدىعىنا وراي وتكەن كەشكە حالىق كوپ جينالدى. تەاتر فاەسىندە جازۋشى كىتاپتارىنان جاسالعان كورمە دە كوپشىلىكتى قىزىقتىردى.

كونسەرتتە جازۋشىنىڭ تۋعان جەرى ماڭعىستاۋ وبلىسى اكىمىنىڭ ورىنباسارى قانىبەك جۇماشەۆ وبلىس باسشىسى سەرىكباي ترۇموۆتىڭ قۇتتىقتاۋىن وقىپ بەردى.

&ndash؛ اسسالاۋماعالەيكۋم، ءقادىرلى الەۋمەت! بۇگىنگى مەرەيتويعا ارنالعان ماڭعىستاۋ جۇرتشىلىعىنىڭ ىستىق ىقىلاسىن قابىل الىڭىزدار! ارنايى ماڭعىستاۋ وبلىسىنان كەلىپ، وڭتۇستىك استانامىزدا باستالعان ءابىش اعامىزدىڭ مەرەيتويىنا قاتىسىپ وتىرعان جايىمىز بار. ماڭعىستاۋ وبلىسىنڭ اكىمى سەرىكباي ترۇموۆتىڭ جولداعان ىقىلاسىن وقىپ بەرۋگە رۇقسات ەتىڭىزدەر.

"قۇرمەتتى باقىتجان ءابدىرۇلى، ءقادىرلى اعايىن! عيبراتتى عۇمىرىندا اسا كورنەكتى جازۋشى، ساليقالى ساياساتكەر، ءىرى مەملەكەت جانە قوعام قايراتكەرى رەتىندە ەلگە تانىمال قازاق قوعامىندا ء"ابىش الەمى" دەگەن تۇتاستاي تۇجىرىم قالىپتاستىرعان ءابىش كەكىلباەۆتىڭ اتىن قاستەرلەپ، ۇلگى ەتۋ ماقساتىندا ءبىلىم الىپ، عىلىم يگەرىپ، قىزمەت جولىن باستاعان، كەمەلىنە كەلىپ، قالىپتاسۋ كەزەڭدەرىنىڭ كۋاسى بولعان الماتى قالاسىندا 80 جىلدىق تويىنا وراي ۇيىمداستىرىپ جاتقان شارالارىڭىز قۇتتى بولسىن! تاۋەلسىز قازاقستان تاريحىندا قازاقتىڭ، الەمنىڭ ادەبيەتىندە، ۇلت رۋحانياتىنىڭ، مادەنيەتىنىڭ جىلناماسىندا مەملەكەت پەن قوعامنىڭ قالىپتاسۋ، دامۋ ءداۋىرناماسىندا ءابىش كەكىلباەۆتىڭ ەسىمى ماڭگى جازىلعان. ونى ەندى ەشقانداي ۋاقىت جەلى وشىرە الماق ەمەس. ارتىندا تامىرلى حالقى، ماڭگىلىك ەلى بار. ءابىش اعا دۇنيەدەن وزعان جىلدارى ءبىز وسىنى سەزىندىك، وسىنى كوردىك. مەرەيتويعا وراي قازان ايىنىڭ 10-12 كۇندەرى ارالىعىندا ماڭعىستاۋ وڭىرىندە دە حالىقارالىق دەڭگەيدە ءبىرقاتار شارالار وتكىزىلەدى! سوعان وزدەرىڭىزدى قۇرمەتتى قوناق رەتىندە شاقىرامىز!".

كەشتە بەلگىلى جازۋشى تولەن ابدىك كەكىلباەۆ شىعارماشىلىعىنا قىسقاشا شولۋ جاساپ، ونىڭ قامتىعان ماسەلەلەرى مەن كوتەرگەن تاقىرىپتارى تۋرالى تولعامدى وي ايتتى.

شارانىڭ نەگىزگى بولىگىندە ءتۇرلى ونەر ۇجىمدارى ءبىر جارىم ساعات بويى سازدى كونسەرت قويدى.

پر

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر