20 قىركۇيەك, 2019 news
ابىش كەكىلباەۆتىڭ 80 جىلدىعىنا ارنالعان شارالار جازۋشىنىڭ كەزىندە تۇرعان ۇيىنە ورناتىلعان مەموريالدىق تاقتانىڭ اشىلۋ راسىمىمەن جالعاستى. تاقتا مەدەۋ اۋدانى نازارباەۆ كوشەسىندەگى ء118-ۇيدىڭ شىعىس جاعىنا ىلىنگەن.
الماتى قالاسى اكىمىنىڭ ورىنباسارى ەرجان باباقۇماروۆ مەموريالدىق تاقتانىڭ بولاشاق ۇرپاققا ماڭگىلىك ەسكەرتكىش ەكەنىن ايتتى.
&ndash؛ قۇرمەتتى اعايىن, ءقادىرلى قاۋىم! بارشاڭىزدى كورنەكتى قوعام قايراتكەرى, قازاق ادەبيەتىنىڭ كلاسسيگى ءابىش كەكىلباەۆتىڭ قۇرمەتىنە ارنالعان مەموريالدىق تاقتانىڭ اشىلۋىمەن قۇتتىقتاعىم كەلەدى. ءابىش اعامىز ءوزىنىڭ شىعارمالارىمەن قازاق ادەبيەتىن جاڭا دەڭگەيگە كوتەردى. ءتول ادەبيەتتىڭ قالىپتاسۋىنا بار عۇمىرىن ارناپ, وشپەس ءىز قالدىردى. ۇلتقا قىزمەت ەتۋدىڭ جارقىن ۇلگىسىن كورسەتىپ, سارقىلماس مول رۋحاني مۇرا قالدىردى. ونىڭ تۇلعالىق كەلبەتى جىلدارمەن جاسارىپ, عاسىردان عاسىرعا جالعاسىپ, ۇرپاعىمەن, ۇلتىمەن جالعاسا بەرەدى. ونىڭ ونەگەلى ءومىرى مەن عيبراتتى عۇمىرى حالقىمىزدىڭ ەسىندە ماڭگى قالادى. ءقادىرلى قاۋىم, وسىنداي ارداقتى ازاماتتارىمىزدىڭ ەسىمىن ۇرپاققا جەتكىزۋ ءبىزدىڭ پارىزىمىز. ءابىش اعامىزدىڭ ارۋاعىنا تاعزىم ەتىپ, ورناتىلعان مەموريالدىق تاقتا بولاشاق ۇرپاققا ماڭگىلىك ەستەلىك بولسىن, ەلىمىز امان, وتانىمىزدىڭ مەرەيى ارتا بەرسىن دەگىم كەلەدى, &ndash؛ دەدى قالا اكىمىنىڭ ورىنباسارى.
شارا بارىسىندا قازاقستاننىڭ حالىق جازۋشىسى ءابدىجامىل نۇرپەيىسوۆ, اقىن ەسەنعالي راۋشانوۆ ءابىش كەكىلباەۆ تۋرالى ەستەلىكتەرىمەن ءبولىستى. اقىن تەمىرجان مەدەتپەك جازۋشى تۇرعان پاتەر بولاشاقتا مۋزەي ۇيگە اينالار دەپ تىلەكتەستىك ءبىلدىردى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر