• usd 468.56

  • eur 497.56

  • rub 7.3

  • cny 67.18

28 ناۋرىز, 16:42:24
+35°

تارازدا تۇزەۋ مەكەمەسىنىڭ قابىرعاسىنان بەلگىسىز تۇيىنشەك لىقتىرعان ازامات قولعا ءتۇستى. وقيعا جامبىل وبلىسى بويىنشا قىلمىستىق-اتقارۋ جۇيەسى دەپارتامەنتىنە قاراستى جد-158/2 مەكەمەسىندە بولعان.


18 قىركۇيەك كۇنى تۇنگى ساعات 22:00 شاماسىندا №5 جانە №6 بەكەتتەردىڭ اراسىندا ورنالاسقان №4 بەكەت ماڭايىندا مەكەمە اۋماعىنا نەگىزگى قابىرعادان لاقتىرۋ ارقىلى سىرتتان بەلگىسىز زات تۇسكەنى حابارلانعان. وقيعا ورنىنا تەكسەرۋشىلەر اسكەري ناريادى دەرەۋ جونەلتىلىپ, ولار اتالعان اۋماقتان جاپسىرما لەنتامەن (سكوچ) ورالعان تۇيىنشەك تاپقان.


وسى ۋاقىتتا مەكەمەنىڭ سىرتقى جاعىندا, اتالعان اۋماققا جاقىن ورنالاسقان گيپس زاۋىتىنىڭ ماڭايىندا ەۋروپالىق ءناسىلدى, 20 مەن 25 جاس ارالىعىنداعى بويى 172-175 سانتيمەتر شاماسىنداعى بەلگىسىز ازامات قولعا تۇسكەن. ءوزىن يزا دەپ تانىستىرعان ول جوعارىدا اتالعان تۇيىنشەكتى ءوزىنىڭ دوسى ءۇشىن لاقتىرعانىن ايتقان. الايدا, ونىڭ ءاتى-جونىن ايتۋدان ۇزىلدى-كەسىلدى باس تارتقان.


جۇرگىزىلگەن №374 ساراپتاما ناتيجەسىنىڭ قورىتىندىسىنا سايكەس تۇيىنشەكتىڭ ىشىندە سالماعى 92,5 گرامم بولاتىن «؛كەپتىرىلگەن ماريحۋانا»؛ ەسىرتكى زاتى بار ەكەنى انىقتالىپ وتىر.


اتالعان فاكت سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە تىركەلگەن. سونداي-اق, ورىن العان جايت تۋرالى جامبىل وبلىسى بويىنشا قىلمىستىق-اتقارۋ جۇيەسى دەپارتامەنتىنە, وبلىستىق پروكۋراتۋرا مەن ۇلتتىق قاۋىپسىزدىك كوميتەتى دەپارتامەنتىنە حابارلانعان.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر