19 قىركۇيەك, 2019 ايماقتار
اعىمداعى جىلدىڭ 19 قىركۇيەگىندە پوليسيا دەپارتامەنتى باسشىلارىنىڭ, اكىمدىك وكىلدەرىنىڭ, سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنتى, ۇكىمەتتىك ەمەس ۇيىمدار, باق وكىلدەرى جانە بلوگەرلەردىڭ قاتىسۋىمەن جامبىل وبلىسىنىڭ پوليسيا دەپارتامەنتى جانىنداعى فرونت-كەڭسەسىنىڭ اشىلۋ سالتاناتى ءوتتى دەپ حابارلايدى ؛qamshy.kz اقپارات اگەنتتىگى ؛جامبىل وبلىسى پوليسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
ىشكى ىستەر ورگاندارىن جاڭعىرتۋ جونىندەگى 2019-2021 جىلدارعا ارنالعان جول كارتاسىن جانە قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ قازاقستان حالقىنا جولداۋىندا بەلگىلەنگەن ماقساتتاردى ىسكە اسىرۋ اياسىندا ازاماتتار ءۇشىن بۇل كۇنى بىردەن بەس فرونت-كەڭسە, ونىڭ ىشىندە ەكەۋى اۋداندىق پوليسيا بولىمدەرىنىڭ جانىنان اشىلدى.
ناتيجەسىندە بۇگىنگى تاڭدا جامبىل وبلىسىندا 14 فرونت-كەڭسە جۇمىس جاسايدى. وندا اكىمشىلىك پوليسيا, كوشى-قون جانە جەرگىلىكتى پوليسيا قىزمەتىنىڭ ماماندارى تۇرعىنداردىڭ سۇراقتارىنا جاۋاپ بەرىپ, ءتۇرلى ماسەلەلەردى شەشۋگە قاتىستى قاجەتتى كومەك كورسەتەدى, سونىمەن قاتار حالىققا كورسەتىلەتىن مەملەكەتتىك قىزمەتتەر بويىنشا اقپارات بەرەدى.
سونداي-اق فرونت-كەڭسە قىزمەتكەرلەرى وزدەرىنىڭ تىكەلەي مىندەتتەرىن ورىنداۋمەن قاتار, ازاماتتاردىڭ قۇقىق قورعاۋ ورگاندارىنىڭ جۇمىسىن جاقسارتۋ جونىندەگى ۇسىنىس-پىكىرلەرىن تىركەيدى. قۇقىق قورعاۋ ورگاندارىندا بۇرىن-سوڭدى مۇنداي ازاماتتاردى قابىلداۋ فرونت-كەڭسەلەرى بولماعانىن ەسكەرسەك, دەپارتامەنت باسشىلىعى وبلىس تۇرعىندارى ءۇشىن بۇل جاڭاشىلدىقتىڭ تيگىزەر پايداسى مول بولاتىنىنا سەنىم ارتادى.
جاڭا فرونت-كەڭسە ءوز جۇمىسىن باستاعاننان كەيىن پد باستىعى پوليسيا پولكوۆنيگى ارمان ورازاليەۆ ازاماتتاردى جەكە قابىلدادى, بۇدان كەيىن وسى كۇنى تاراز قالاسىنىڭ پوليسيا باسقارماسى مەن №2 قالالىق پوليسيا بولىمىندە اشىلعان جاڭا فرونت-كەڭسەلەرمەن تانىستى.
بۇگىنگى تاڭدا فرونت-كەڭسە قىزمەتكەرلەرىنە بارلىعى 5000-نان استام ادام جۇگىنگەن, ولاردىڭ بارلىعىنا ۋاقتىلى قۇقىقتىق كومەك كورسەتىلدى, ءاربىر وتىنىشكە ازاماتتار تولىققاندى جانە كاسىبي جاۋاپ الدى.
وسىلايشا, پوليسيانىڭ حالىقپەن جۇمىس جاساۋداعى ەنگىزىلگەن جاڭاشىلدىق ءۇردىسى قوعامدىق ديالوگتى ۇيىمداستىرۋدى ايتارلىقتاي جاقسارتىپ, ازاماتتاردىڭ قاجەتتىلىكتەرىنە قاتىستى اشىقتىق پەن جەدەل دەن قويۋ قاعيداتتارىن ىسكە اسىرۋعا مۇمكىندىك بەرەدى.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر