"؛پەداگوگ مارتەبەسى"؛ تۋرالى زاڭ جوباسى: ءمۇعالىمنىڭ مۇددەسى قانشالىقتى ەسكەرىلدى؟

قر ءبىلىم جانە عىلىم ءمينيسترى اسحات ايماعامبەتوۆ ماجىلىستە ءمۇعالىمنىڭ مارتەبەسى تۋرالى زاڭدى تانىستىردى دەپ جازادى ؛qamshy.kz اقپارات اگەنتتىگى sputniknews.kz-كە ؛سۇيەنە وتىرىپ.

زاڭ جوباسىندا ۇستازداردىڭ قويعان تالاپتارىنىڭ ىشىندە زەينەتكە ەرتە شىعۋ, ەكى ەسەلەنگەن كولەمدە ساۋىقتىرۋ جاردەماقىسىن تولەۋ, پەداگوگتارعا ارنالعان جەڭىلدەتىلگەن يپوتەكا سىندى تۇستارى ؛بيۋدجەت مۇمكىندىگىنە بايلانىستى مۇددەلى مەملەكەتتىك ورگاندار ماقۇلداماعان. ؛

اسحات ايماعامبەتوۆ: "زەينەتاقى شوتىندا بەلگىلى ءبىر جيناعى بار ازاماتتار ءۇشىن زەينەتكە ەرتە شىعۋ مۇمكىندىگى قاراستىرىلعانىن بىلەسىزدەر. ال مۇعالىمدەرگە قاتىستى ايتار بولسام, بىرەۋلەرى 20 جىلدان كەيىن, ەندى ءبىرى 35 جىلدان كەيىن زەينەتكە شىعارۋ كەرەك دەيدى. بىر-بىرىنە قاراما-قايشى پىكىرلەر ايتىلۋدا. قازىرگى زاڭ جوباسىندا مۇنداي نورما قاراستىرىلماعان", - دەپ ءتۇسىندىردى. ؛

زاڭ جوباسى مۇعالىمدەر ءۇشىن بالاباقشادان ءبىرىنشى كەزەكتە ورىن بەرۋ ماسەلەسىن, "قازاقستاننىڭ ەڭبەك سىڭىرگەن ۇستازى" مەملەكەتتىك ماراپاتىنىڭ جاڭا ءتۇرىن ەنگىزۋ سىندى ۇسىنىستارى ماقۇلداندى. اسكەري قىزمەتكە شاقىرۋدى كەيىنگە قالدىرۋ, اۋىلدىق جەردە جۇمىس ىستەيتىن مۇعالىمدەردىڭ ەڭبەكاقىسىن ارتتىرۋ, "ۇزدىك پەداگوگ", "جوعارعى وقۋ ورنىنىڭ ۇزدىك وقىتۋشىسى" گرانتتارى سياقتى قولدانىستاعى بارلىق الەۋمەتتىك كەپىلدىكتەر قولداۋ تاپتى. ؛