• usd 468.56

  • eur 497.56

  • rub 7.3

  • cny 67.18

29 ناۋرىز, 16:57:53
الماتى
+35°

19 قىركۇيەك, 2019 news

كرەديتى كەشىرىلمەگەندەر نە ىستەۋى كەرەك؟

مەملەكەت نەسيەلىك امنيستيا اكسياسىن 2019 جىلعى 31 جەلتوقسانعا دەيىن سوزدى

قىركۇيەكتىڭ باسىندا بانكتەر تۇرعىنداردىڭ قارىزدىق جۇكتەمەسىن تومەندەتۋ تۋرالى پرەزيدەنت جارلىعىن جۇزەگە اسىرۋدى باستادى. وعان 1 ماۋسىمداعى جاعداي بويىنشا جالپى قارىزى 3 ملن تەڭگەگە دەيىنگى 6 كاتەگورياعا كىرەتىن قازاقستاندىقتار ەنگەن بولاتىن. ءبىراق تالاپتارعا ساي كەلسە دە كرەديتى كەشىرىلمەگەن ازاماتتار از ەمەس. سوندىقتان ۇكىمەت ءتىزىمدى تولىقتىرۋ ءۇشىن اكسيانى جىل سوڭىنا دەيىن سوزدى, ؛دەپ جازادى qamshy.kz اقپارات اگەنتتىگى.
 ؛
ەڭبەك جانە الەۋمەتتىك قورعاۋ مينيسترلىگى ؛الەۋمەتتىك كومەك ساياساتىن دامىتۋ دەپارتامەنتىنىڭ باسقارما باسشىسى اياجان جانعابىلوۆا جۇيەدەگى قاتەلىك نە سەبەپتى كەتكەنىن ءتۇسىندىرىپ, ەندى نە ىستەۋ قاجەتتىگىن ايتتى.

مينيسترلىك قاعازباستىلىقتى ازايتىپ, ەلدى دۇرلىكتىرمەۋ ۇشىن ؛كرەديتى كەشىرىلەتىن ازاماتتاردىڭ ءتىزىمىن ارىزسىز ءتارتىپ بويىنشا جاساعان. التى كاتەگورياعا كىرەتىن ازاماتتاردىڭ بارلىعى جۇيەدە بولعان. ويتكەنى ولاردىڭ بارلىعى الەۋمەتتىك تولەم الادى.

الايدا 2008 جىلعا دەيىن نەكە قۇرعاندار مەن بالاسى دۇنيەگە كەلگەندەر اراسىندا ارحيۆتىك دەرەكتەرى سيفرلاندىرىلماعاندار بار بولىپ شىقتى. ياعني احاج (زاگس) بازاسىندا بالا يا نەكە قاتىناسى تۋرالى دەرەك تابىلماعان.

نەسيەسى وتەلمەگەن تۇلعالار ؛احاج ورگاندارىنا جۇگىنىپ, وتباسى مارتەبەسىن رەتتەۋى ءتيىس. وتباسى مارتەبەسى تۋرالى دەرەكتى ەلەكتروندىق-سيفرلىق قولتاڭبا ارقىلى ەلەكتروندىق ۇكىمەت پورتالىنان بىلۋگە بولادى. نەمەسە تاۋلىك بويى ىستەيتىن 111 نومەرىنە قوڭىراۋ شالسا, وپەراتور وتباسى ستاتۋسىن انىقتاپ, ارى قاراي نە ىستەۋ كەرەكتىگىن ايتىپ ؛ بەرەدى.

كرەديتى كەشىرىلەتىن ازاماتتار قاتارىنا كەلەسىدەي الەۋمەتتىك ستاتۋسى بار ازاماتتار كىرەدى:
 ؛
- كوپبالالى وتباسىلار (18 جاسقا دەيىنگى 4 نەمەسە ودان دا كوپ بالاسى بار وتباسىلار)؛

- اسىراۋشىسىنان ايىرىلعانى ءۇشىن وتەماقى الاتىندار؛

- مۇگەدەك بالالارى بار وتباسىلار, بالا كۇننەن مۇگەدەكتەگى بار 18 جاستان اسقاندار؛

- مەملەكەتتىك الەۋمەتتىك كومەك الاتىندار؛

- جەتىم بالالار؛

- اتا-انا قامقورلىعىنسىز قالعان بالالار, اتا-اناسىنان كامەلەتكە دەيىن ايىرىلعان 29 جاسقا دەيىنگى ازاماتتار.

جوعارىدا اتالعان كاتەگوريالارعا كىرەتىن ەرلى-زايىپتىلاردىڭ ەكەۋىنىڭ دە بورىشتىق جۇكتەمەسى ازايتىلادى.

ەسكەرتە كەتەلىك, جالپى قارىزى 3 ملن تەڭگەدەن اساتىنداردىڭ, قارىزدارى كوللەكتورلىق ۇيىمدارعا ءوتىپ كەتكەن تۇلعالاردىڭ كرەديتى كەشىرىلمەيدى. سونداي-اق كەشىرىلەتىن كرەديت 2019 جىلعى 1 ماۋسىمعا دەيىن الىنعان بولۋى ءتيىس.

 ؛

 ؛
"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر