18 قىركۇيەك, 2019 ادەبيەت
مۇزافار ءالىمباي ؛(1923-2017 جج.) &mdash؛ قازاقستاننىڭ حالىق جازۋشىسى, مەملەكەتتىك سىيلىقتىڭ لاۋرەاتى, قازاق ادەبيەتىندە سوعىس سۇراپىلىن باستان كەشكەن قالامگەر, بالالار اقىنى.
«؛جارلىنىڭ ؛جانى جومارت»؛. بارىممەن بولىسسەم, بارلار ماعان دا بىردەڭەسىن قيار دەپ ويلايدى بايعۇس جارلى. سونىسى دا سۇڭعىلىلىق! ؛ ال تاستاي قاتىپ قالعان تاس ساراڭعا تارىققان ساتتە كىم قارايلاسار؟
***
«؛ۇيدى داۋىل كەزىندە ەمسە, بۇرىن تىگەدى»؛. ءار ءىستىڭ ءوز ىعى بار. سونى ءبىلۋ كەرەك. نەنى نەدەن كەيىن قولعا العان دۇرىس. مىنە, سونى انىقتا. سوندا بارلىق ءىسىڭ ساتىمەن جۇرەدى.
***
«؛ار زاماننىڭ ۇلگىسى وزىنە قىمبات»؛. ءار ءداۋىردىڭ, كەزەڭنىڭ ءوز سالتى, ءداستۇرى بار. ونى كوزبەن كورگەندەر سونى جوعارى سانايدى, اسپەتتەيدى, ۇرپاعىنا ۇلگى ەتىپ ايتىپ وتىرادى. ول زاڭدى دا. ساباقتاستىڭ دەگەن وسى شىعار, ءسىرى.
***
؛«؛كوڭىل قوناقاسى بولمايدى»؛. ۇيگە كەلگەن جولاۋشىنى سىلدىر سوزبەن سىيلاعان وتاعاسىعا كىمنىڭ كوڭىلى كونشىسىن؟ كوڭىلىڭ اشىق ەكەنىن بىلدىرگىڭ كەلسە, بىردەن داستارقانىڭدى جاي, قازانىڭدى كوتەرىپ, ءدامىڭدى قوناعىڭنىڭ الدىنا تارت.
***
«؛ساۋدا ءتىلى شولاق»؛. حان بازاردا قالاعان نارسەڭدى الۋ ءۇشىن نەمەسە ؛ قولداعىڭدى وتكىزۋ ءۇشىن ساتارمانمەن دە, الارمانمەن دە تاق-تاق, ناق-ناق سويلەس. ءسويتىپ, ۋاقىتىڭدى تەككە وتكىزبەي, پايدالى ءىس تىندىرعانىڭ ءتيىمدى. ؛ بوس ءسوز سول بازاردا سەنى بوس قالدىرادى.
***
«؛قۇداي قۇراعاندى پەندە شاشىپ تاۋىسا المايدى»؛. بۇل ءسوزدىڭ ماعىناسى بىلاي سياقتى. بىرىنشىدەن, اللانىڭ ىسىنە ادام ارالاسا المايدى. قۇداي ىسىنە كيلىككەن كۇناكار بولادى. ەكىنشىدەن, ادال جولمەن جينالعان دۇنيە بەرەكەلى كەلەدى, مول بولادى, سارقىلىپ نەمەسە تاۋسىلىپ قالمايدى.
***
«؛جامان سىرىڭدى بىلمەسىن, باۋىرىڭدى تىلمەسىن»؛. اۋزىڭا يە بول, كىم كورىنگەنگە ويىڭدى ايتىپ, سىرىڭدى جايما. كەزدەيسوقتا كەزدەسكەنمەن جالپىلداپ اڭگىمەلەسە بەرمە. مىنە, سوندا سوزگە قالمايسىڭ, وسەككە ىلىگىپ, ازاپ شەكپەيسىڭ.
***
«؛جەردەن تابىلسا, اسپانعا سەكىرمە»؛. يەگىنىڭ استىنداعىنى قايداعى ءبىر قيالدان ىزدەپ دال بولاتىندارعا قالاي قايران قالماسسىڭ؟! وندايلار ءوزىن عانا ەمەس, وزگەلەردى دە شارشاتادى, اۋرە-سارساڭعا سالادى. سوندىقتان دا ولارعا اياعىڭنىڭ استىنداعىنى جەر تۇبىنەن ىزدەمە دەپ اقىل ايتقان ءلازىم.
***
«؛كەدەي كۇرىشىن تاپسا, ىدىسىن تاپپاس»؛. كەمباعالدىڭ قاشان ءتورت قۇبىلىسى تەڭ بولعان. ءبىرى جەتسە, ءبىرى جەتپەي جۇرەدى ەمەس پە. بۇل ءسوز, مىنە, وسىدان شىققان عوي.
وقي وتىرىڭىز, ؛&diams؛مۇزافار ءالىمباي: اعا ۇرپاق تاجىريبەسىن اتتاپ وتەمىن دەگەن الىسقا بارمايدى
&diams؛مۇزافار ايتقان ءماندى ءسوز: «؛مايمىلدىڭ ميى ويناۋعا جەتكەنمەن, ويلاۋعا جەتپەيدى»؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر