14 قىركۇيەك, 2019 ءدىن
داريعا نازارباەۆا الەمدىك جانە ءداستۇرلى دىندەر ليدەرلەرى سەزىنىڭ حاتشىلىعى وتىرىسىنا دايىندىق تۋرالى جانە ءدىني فورۋمنىڭ ماڭىزىنا توقتالىپ, ۇلتارالىق جانە ءدىنارالىق ۇيلەسىمدى ساقتاۋ جانە ونى نىعايتۋ قاجەتتىگىن دە اتاپ ءوتتى دەپ حابارلادى سەناتتىڭ ءباسپاسوز قىزمەتى. ؛
كەزدەسۋ بارىسىندا يمامدار تاپ بولىپ وتىرعان وزەكتى ماسەلەلەر &ndash؛ جالاقىنىڭ تومەندىگى, سونداي-اق بىلىكتى كادرلار دايارلاۋ جايى دا تالقىلاندى. باس ءمۇفتي بيىل ءبىر جارىم مىڭنان استام تەولوگ دايارلانعانىن, الايدا ولاردىڭ ء800-ى ەڭبەكاقىنىڭ تومەندىگىنە بايلانىستى ماماندىعى بويىنشا جۇمىس ىستەمەيتىنىن ايتتى. سەرىكباي قاجى وراز وسى ماسەلەنى شەشۋگە جاردەمدەسۋ تۋرالى ءوتىنىشىن جەتكىزدى. ءتوراعا بۇل ماسەلە زاڭ شىعارۋشىلار نازارىنا ۇسىنىلىپ, تالقىعا سالىناتىن حابارلادى.
باس ءمۇفتي نۇر-سۇلتان قالاسىندا "حاسەكي" ۋنيۆەرسيتەتىنىڭ فيليالى قۇرىلىپ, وندا تەولوگ-ماگيسترانتتار دايارلاناتىنىن جەتكىزدى. داريعا نازارباەۆا بۇل شەشىمنىڭ ماڭىزدىلىعىنا نازار اۋداردى.
كەزدەسۋ بارىسىندا قازاقستانداعى ءدىني ماماندار ءتىزىلىمى مەن مۇسىلمانداردى جەرلەۋدىڭ ءبىرىڭعاي ستاندارتىن جاساۋ, حالىققا ءتۇسىندىرۋ جۇمىستارىن جۇرگىزۋ, سونداي-اق قمدب جۇمىسىندا سيفرلىق تەحنولوگيالاردى ەنگىزۋ ماسەلەلەرى تالقىلاندى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر