10 قىركۇيەك, 2019 news
الماتى اكىمى ب. ساعىنتاەۆ الاتاۋ اۋدانىنىڭ تۇرعىندارىمەن كەزدەسۋدەن سوڭ ءبىرقاتار ماسەلەلەر شەشىلدى. بۇل تۋرالى الماتى اكىمدىگىنىڭ ءباسپاسوز ورتالىعىندا وتكەن بريفينگتە اۋدان اكىمى شاحمەردەن رىسپاەۆ حابارلادى, دەپ جازادى ؛qamshy.kz اقپارات اگەنتتىگى.
مىسالى, نۇركەنت ىقشاماۋدانى مەن قوجابەكوۆ كوشەسىنىڭ بويىنا جاياۋ وتپەلى جول جاسالدى, ال ۇاك مەن مەن شاپاعات ەلدى مەكەنىندەگى جانسۇگىروۆ كوشەسىنىڭ قيىلىسىنا باعدارشام ورناتىلدى, اتلەتتەر اۋىلىنا 2 شەكتەۋ بەلگىسى قويىلدى.
زەردەلى ىقشام اۋدانىندا جاۋىن ليۋكتارى جابىلدى, شوپتەر شابىلدى, كوشە جارىعى ورناتىلدى, كولىك بەكەتتەرىنە پاندۋستار جاسالىپ, جىلۋ جۇيەسىنىڭ جۇمىسى رەتتەلدى.
العاباس ەلدى مەكەنىندەگى قاڭعىباس يتتەرگە, قالامپىر كوشەسىندەگى قوقىسقا قاتىستى ماسەلەلەر شەشىلدى. توميريس, دارحان, ۇلجان-1, ازتم ىقشام اۋداندارى مەن سترەلەس كوشەسىنە سۋ جانە كارىز جەلىلەرىن سالۋ جۇمىستارى اياقتالدى. نۇركەنت ىقشاماۋدانىندا جولدار مەن تروتۋارلار قالپىنا كەلتىرىلدى.
جالپى, قالا اكىمىنىڭ تۇرعىندارمەن كەزدەسۋىندە ايتىلعان 161 سۇراقتىڭ 36-ى تولىق شەشىلدى, ء82-سى بويىنشا جۇمىستار جاسالۋدا, 26-ى قوسىمشا زەرتتەۋدى قاجەت ەتەدى. 17 سۇراققا تۇسىندىرمە بەرىلدى. تۇرعىنداردىڭ وتىنىشتەرى بويىنشا جۇمىستار جالعاسۋدا.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر