10 قىركۇيەك, 2019 ايماقتار
قر سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنتى جامبىل وبلىسى اكىمدىگىنىڭ جولاۋشىلار كولىگى جانە اۆتوموبيل جولدارى باسقراماسىمەن بىرلەسىپ وبلىس اۋماعىنداعى جول جوندەۋ ماسەلەلەرى جونىندە جيىن وتكىزدى.
جيىنعا جولاۋشىلار كولىگى جانە اۆتوموبيل جولدارى باسقارماسىنىڭ باسشىسى مەن جاۋاپتى ماماندارى, جامبىل وبلىسى بويىنشا جول اكتيۆتەرى ساپاسىنىڭ ۇلتتىق ورتالىعى, مەردىگەر كومپانيالار, ارنايى مونيتورينگتىك توپ جانە بۇقارالىق اقپارات قۇرالدارى وكىلدەرى قاتىستى.
جيىن بارىسىندا مودەراتور &ndash؛ دەپارتامەنت باسشىسىنىڭ ءبىرىنشى ورىنباسارى راۆيل تولەباەۆ وبلىستاعى ورتاشا جوندەۋدىڭ جانە جول استى جوندەۋ جۇمىستارىنان كەيىنگى جول جابىندىلارىن قالىپقا كەلتىرۋ ساپالارىنىڭ تومەنگى دەڭگەيدە ەكەندىگى ايتتى.
جوبا جەتەكشىسى قايرات مەكليسوۆ بايانداماسىندا تاراز قالاسىنداعى سوعىلىپ جاتقان جولداردىڭ ساپاسى, قاۋىپسىزدىك شارالارىن قامتاماسىز ەتپەگەنى, سانيتارلىق جانە تەحنيكالىق نورمالاردى ساقتاماعانىنا توقتالسا, قاتىسۋشىلار تاراپىنان نىساندار بويىنشا جۇمىستاردى ۋاقىتىلى ورىنداماۋ ماسەلەسى تالقىلاندى. جامبىل اۋداندىق ماڭىزى بار جولداردىڭ ساپاسىنا توقتالىپ, ونداعى كەمشىلىكتەر ايتىلدى.
جاۋاپتى ماماندار مەن مەردىگەر كومپانيالاردىڭ وكىلدەرى جول ساپاسىنا قاتىستى جاۋاپ بەرىپ, اياقتاۋ ۋاقىتتارىن ايتتى.
سونىمەن قاتار, كەزدەسۋدە «؛ۇلتتىق جول اكتيۆتەرى ساپاسى ورتالىعىنىڭ»؛ رمك ديرەكتورىنىڭ ورىنباسارى ق.مىرزاەۆ, تەكسەرۋ كەزىندە جول جوندەۋ نەگىزگى كەمشىلىكتەرىن اتاپ, تەحنولوگيانىڭ ساقتالمايتىندىعىنا كوز بۇردى.
جيىنعا, جول جوندەۋگە قاتىستى ۋاكىلەتتى ورگان باسشىلىعى, ۇلتتىق جول اكتيۆتەرى ساپاسى ورتالىعىنىڭ»؛ باسشىلىعى, مەردىگەرلەردىڭ وكىلدەرى, تاراز قالاسىنىڭ كوممۋنالدىق قىزمەتتەردى جۇزەگە اسىرىپ جاتقان مەكەلەردىڭ باسشىلىعى قاتىستى.
جيىن سوڭىندا قاتىسۋشىلار جولداردى جوندەۋ جۇمىستارىندا باستى باعىتتارعا جانە ۇسىنىستارعا توقتالدى. اتاپ ايتقاندا, تاپسىرىس بەرۋشى جانە مەردىگەر اراسىنداعى جۇمىس كەستەسىن ۇلتتىق جول اكتيۆتەرى ساپاسى ورتالىعىمەن كەلىسۋ, جۇمىستىڭ ءار ءبىر كەزەڭىندە ورتالىق قىزمەتكەرلەرىن قاتىستىرۋ, جاسىرىن جۇمىستار جۇرگىزۋ كەزىندەگى اكتىگە ورتالىق قىزمەتكەرلەرىن قوسۋ جانە ولارعا ءبىر داناسىن ۇسىنۋ, تاپسىرىس بەرۋشى جانە مەردىگەر اراسىنداعى كەلىسىم شارتقا, مىندەتتى تۇردە اتقارلىتىن جوندەۋ جۇمىستارىن جۇمىس كەستەسىنە سايكەس جۇرگىزۋدى كوزدەۋ تۋرالى جانە ول كەستەدەن اۋىتقىعان نەمەسە ساقتاماعان جاعدايدا ايىپپۇل ءوندىرۋدى قاراستىرۋ تۋرالى تالاپتىردى ەنگىزۋ جايى تالقىعا سالىندى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر