• usd 378.65
  • eur 430.07
  • rub 6
  • cny 55.1
23 قىركۇيەك، 00:44:19
كەكىلباەۆقا ارنالعان كەش

10 قىركۇيەك، 2019 ايماقتار

مەرەيلى مەرەكە قارساڭىندا ارداگەرلەر ارداقتالدى

جامبىل وبلىسىنداعى جاڭاتاس شاھارى كەڭەس داۋىرىندە فوسفور وندىرىسىمەن تانىلعان، كەنشىلەر قالاسى بولعان. توقىراۋ جىلدارى رەڭى قاشقانىمەن سوڭعى جىلدارى قايتا شىرايى كىرىپ، ارلەنىپ كەلە جاتقان شاعىن قالا بيىل ىرگەتاسى قالانعانىنا 50 جىل تولۋىن تويلاۋدا. وسىعان وراي سارىسۋ اۋدانىنىڭ اكىمى قاناتبەك مادىبەك قالانىڭ 50 جىلدىق مەرەكەسى قارساڭىندا قالانىڭ وسىپ-وركەندەۋىنە ۇلەس قوسقان جاستارى 80-نەن اسقان بۇگىندە قاريا بولىپ، اقىلشىمىزعا اينالعان ازاماتتاردىڭ ۇيلەرىنە بارىپ ارنايى ماراپاتتادى.

ماراپاتتاۋ بارىسىندا 84 جاستاعى، 30 جىلدان استام عۇمىرىن تاۋ-كەن سالاسىنىڭ تاۋ قوپارۋ، جارۋ جۇمىسىنا ارناعان ەلتاي سادىبەكوۆ اقساقالدىڭ وتباسىندا بولدىق. ارنايى قۇتتىقتاپ، ومىراۋىنا جاڭاتاس قالاسىنىڭ 50 جىلدىعىنا ارنالىپ جاسالعان مەرەكەلىك توسبەلگىسىن قاداپ، اڭگىمە دۇكەن قۇردى.

13 پەرزەنت ومىرگە اكەلىپ، نەمەرە، شوبەرە ءسۇيىپ باقىتتى قارياعا اينالعان اعامىزدىڭ جانۇياسى تاۋ-كەن سالاسىندا قىزمەت ەتەدى ەكەن. سەكسەننىڭ سەڭگىرىنەن اسسا دا اعامىزدىڭ ءالى دە ايتارى، بولاشاق ۇرپاققا بەرەرى كوپ ەكەن. مەرەكەلىك سالتاناتقا شاقىرىپ، سىي-سياپاتىمىزدى كورسەتكەن باسشىلارعا باتاسىن بەرىپ، العىسىن جەتكىزدى. سودان سوڭ 1961 جىلدان باستاپ زەينەتكە شىققانعا دەيىن "بەلاز" جۇرگىزگەن مارات يساەۆتىڭ شاڭىراعىندا بولدىق. 30 نەمەرە،9 پەرزەنت ءسۇيىپ وتىرعان 80 دەگى مارات يساەۆتىڭ جارى رىمجان اپامىز ەكەۋى ءالى دە بولسا تىڭ، ءبىزدى ەسىك الدىنا شىعىپ اۋدان اكىمىن قۋانا قارسى الدى. 1961 جىلدان بەرى قاراي تاۋ-كەن سالاسىندا بەلازدى ۇرشىقشا يىرگەن مارات اعامىز زەينەت جاسىنا شىقسا دا، ەلدىڭ ەرتەڭىنە الاڭداپ، بولاشاقتى باعىمداپ، جاستارعا، بالالارىنا دۇرىس تاربيە بەرىپ كەلە جاتقاندىعىن سوزىنەن اڭعاردىق.

ماراپات پەن سىي-سياپاتقا تولى كۇننىڭ جالعاسى ءقادىرلى قۇرلىسشى وجىراي تۇرسىنبەك جانە قۇرلىسشى ماريا ستەپانوۆا سىندى قاريالارىمىزدىڭ وتباسىنا بارۋعا ۇلاستى. ۇزاق جىلدار سىلاقشى، سىرلاۋشى بولعان ماريا ستەپانوۆنا اۋدان باسشىسىنىڭ ىستىق ءىلتيپاتىنا قاتتى قۋاندى. قاريالارىمىز جاس بالاداي قۋانىپ، قالادا ورىن الىپ جاتقان جاقسى جاڭالىقتار ءۇشىن العىستارىن ءبىلدىرىپ جاتتى.

ايتا كەتەيىك، 1964 جىلدىڭ 20 ءساۋىر كۇنى «؛قاراتاۋحيمقۇرىلىس»؛ ترەسىنىڭ قۇرىلىس باسشىسى رومان يللە بولاشاق سالىناتىن قالانىڭ العاشقى قازىعىن سالتاناتتى جاعدايدا قاقتى. وسى ساتتەن باستاپ قۇرىلىس وراسان قارقىنمەن جۇرە باستايدى. ال، 1969 جىلى 25 ماۋسىمدا رەسپۋبليكامىزدىڭ ءبىرىنشى باسشىسى دىنمۇحاممەد قوناەۆتىڭ جاڭاتاس پوسەلكاسىنا قالا ستاتۋسى بەرىلگەندىگى جونىندە جارلىعى شىقتى.

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر