ءۇش كامەرا, جاڭا پروسەسسور: apple جاڭا iphone-دى تانىستىردى
  • usd 468.56

  • eur 497.56

  • rub 7.3

  • cny 67.18

29 ناۋرىز, 19:37:10
الماتى
+35°

11 قىركۇيەك, 2019 news

قازاقستاننىڭ سىرتقى ساۋداسىندا قىتاي ەكىنشى ورىنعا شىقتى

2019 جىلدىڭ 7 ايىنىڭ قورىتىندىسى بويىنشا قازاقستان مەن قىتاي اراسىنداعى تاۋار اينالىمى 8 ملرد دوللاردان استى. بۇل سوڭعى ون جىلداعى رەكوردتىق كورسەتكىش.

 ؛

وتكەن جىلعى سايكەس كەزەڭمەن سالىستىرعاندا ەلدەر اراسىنداعى ساۋدا 31,2 پايىزعا وسكەن. جىل باسىنان بەرگى 7 ايدا قىتايعا ساتىلعان تاۋار باعاسى 4,6 ملرد دوللاردى قۇرادى. اتالعان سيفرلار 2018 جىلعى كورسەتكىشتەن ءبىر جارىم ەسەگە ارتىق. ال قىتاي يمپورتى وتكەن جىلعىدان 14,2 پايىزعا جوعارى. رەسمي دەرەككە ساي, قازاقستان قىتايدان 3,4 ملرد دوللارعا تاۋار ساتىپ العان, ؛دەپ حابارلايدى qamshy.kz اقپارات اگەنتتىگى ؛365info.kz ؛سايتىنا سىلتەمە جاساپ.

ادەتتەگىدەي, قازاقستان ەكسپورتىنىڭ نەگىزىن شيكىزات قۇرايدى. 2011-2016 جىلدارى ەكسپورتتالعان تاۋارلاردىڭ باسىم كوپشىلىگى مۇناي بولعان ەدى. 2017 جىلدان باستاپ سۇيىق وتىن كولەمى قىسقارىپ, العاشقى ورىنعا مىس شىعا باستادى. 2019 مىس كەنى تولىقتاي كوشباسشىلىق ورىنعا جايعاستى. قازاقستان 7 ايدا قىتايعا 1,2 ملرد دوللاردىڭ مىسىن ەكسپورتتاعان. قىتايعا مىس ساتۋ وسىمەن ءتورتىنشى جىل قاتارىنان ارتىپ كەلەدى. سونداي-اق بيىل تاۋ-كەن سالاسىنىڭ ونىمدەرىن ەكسپورتتاۋ دا جوعارى وسىمگە يە.

ال قىتايدان ەلگە كىرەتىن تاۋارلار ءتۇرى ءارالۋان. جىل باسىنان بەرى 841 تاۋار ءتۇرى يمپورتتالعان. يمپورتتىق تاۋارلار اراسىندا تەلەفون مەن ەسەپتەۋىش تەحنيكا جەتەكشى ورىندا. ءبىراق ولارعا دەگەن سۇرانىس بىرتىندەپ تومەندەپ كەلەدى. بۇل ۆەتنام مەن ءۇندىستان سىندى نارىقتاردىڭ ەلگە ەنۋىمەن تۇسىندىرىلەدى.

سونىمەن قاتار قىتايلىق كومپيۋتەر, نوۋتبۋك, پلانشەت سىندى اپپاراتتارعا دا سۇرانىس 20 پايىزعا دەيىن تومەندەگەن. بۇعان سەبەپ رەسەي مەن چەحيادان كەلەتىن يمپورت كولەمىنىڭ ارتۋى. ؛

ەسەسىنە قىتايلىق ويىنشىقتار مەن اياق كيىم ەكسپورتى ەسەلەپ وسۋدە. رەزينا مەن پلاستماسادان جاسالعان ۇلگىلەر 88,6 ملن دوللاردى قۇراسا, اياق كيىپ بۇيىمدارىن اكەلۋ 44,8 ملن دوللارعا جەتكەن.

ويىنشىقتار ىشىندە ءۇش دوڭگەلەكتى ۆەلوسيپەدتەر, قۋىرشاققا ارنالعان اربالار, قۋىرشاقتاردىڭ ءوزى, ساموكاتتار, پەدالدى اۆتوكولىكتەر, باسقاتىرعىش ويىنشىقتاردىڭ ۇلەسى باسىم. بۇل سالاداعى يمپورت 79,6 ملن دوللارعا جەتكەن. بۇل بىلتىرعى كورسەتكىشتەن ەكى ەسەدەي جوعارى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر