• usd 378.65
  • eur 430.07
  • rub 6
  • cny 55.1
23 قىركۇيەك، 00:10:48
كەكىلباەۆقا ارنالعان كەش

10 قىركۇيەك، 2019 news

بوجكو: ەشكىمدى رەنجىتكىم كەلگەن جوق، ءبىراق...

قازاقستان ءماجىلىسىنىڭ دەپۋتاتى ۆلاديمير بوجكو "حالىق مەملەكەتكە تىزەرلەپ، العىس ايتۋ كەرەك" دەگەن ءسوزى جايلى پىكىر بىلدىردى ؛دەپ جازادى qamshy.kz اقپارات اگەنتتىگى ازاتتىقتىڭ دەرەگىن نەگىزگە الىپ.

ماجىلىس وتىرىسىنان شىققان بوجكو "ەشكىمدى رەنجىتكىم كەلگەن جوق. ءبىراق ماسىلدىققا قارسىمىن. وسىنى ايتقىم كەلگەن" دەدى.

دەپۋتات ءجۋرناليستىڭ "جەلىدە بوجكو مىرزا ايتقان ءسوزى ءۇشىن حالىقتان كەشىرىم سۇراۋى كەرەك دەگەن پىكىر ايتىلىپ جاتىر. بۇعان نە دەيسىز؟" دەگەن ساۋالىنا ول "تاعى قايتالاپ ايتامىن، ماسىلدىققا قارسىمىن. سوندىقتان سولاي ايتتىم" دەدى.

ماجىلىس ءتوراعاسىنىڭ ورىنباسارى ۆلاديمير بوجكو 3 قىركۇيەكتە قازاقستان حالىقتارى اسسامبلەياسىنىڭ وتىرىسىنان كەيىن جەرگىلىكتى tengrinews.kz سايتىنا بەرگەن سۇحباتىندا "بيلىكتىڭ نە ىستەپ جاتقانىن كورىپ، ءتۇسىنۋ كەرەك. ءۇش جىلدىڭ ىشىندە الەۋمەتتىك كومەك 17 ەسە وسكەن. وسىدان-اق تۇسىنۋگە بولادى. وسى ءۇشىن مەملەكەتكە تىزەرلەپ، العىس ايتۋ كەرەك. ادام جۇمىس ىستەمەيدى، كەيىن "بۇعان ءبارىن بەر" دەپ شىعا كەلەدى. ونداي ادامدى "ستويلوعا" (مال قوراداعى ورىن - رەد.) قوياتىن قوعام پىكىرى بولۋ كەرەك" دەگەن.

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر