astana hub it-ستارتاپتاردى دامىتۋ باعدارلاماسىنا قاتىسۋشىلاردى قابىلدايدى

astana hub حالىقارالىق تەحنوپاركى it-ستارتاپتاردى دامىتۋ ءۇشىن قازاقستانداعى جالعىز اكسەلەراتتاۋ باعدارلاماسىنا قاتىسۋعا وتىنىمدەردەردى قابىلداۋ باستالدى دەپ حابارلايدى qamshy.kz اقپارات اگەنتتىگى. ؛

اكسەلەراتتاۋ باعدارلاماسىنىڭ نەگىزگى ماقساتى - ستارتاپ يەلەرىنە ءوز بيزنەستەرىن كەڭەيتۋگە, جوبانى دامىتۋعا ينۆەستيسيا مەن كليەنتتەر تارتۋعا كومەكتەسۋ. باعدارلاما بارىسىندا ءار جوباعا جەكە ترەكەر تاعايىندالادى, ول ستارتاپقا گيپوتەزالاردى قالىپتاستىرۋعا, ءىس-شارالار جوسپارىن جاساۋعا جانە كومپانيانىڭ بيزنەس-پروسەستەرىن قۇرۋعا كومەكتەسەدى.

ۇيىمداستىرۋشىلاردىڭ ايتۋىنشا, باعدارلاما باستاۋ الىسىمەن, ستارتاپتار ءۇشىن كاسىبي ساراپشىلار ءار جوباداعى بيزنەس-يدەيانىڭ ومىرشەڭدىگىنە, ونىڭ تەحنولوگيالىق, ەكونوميكالىق جانە ماركەتينگتىك نەگىزىنە دياگنوستيكا جاسايدى. باعدارلاما 3 اي بويى جۇمىس ىستەيدى.

astana hub ءباسپاسوز قىزمەتىنىڭ حابارلاۋىنشا, وسى ۋاقىتقا دەيىن 78 ستارتاپ اكسەلەراتتاۋ باعدارلاماسىنان وتكەن. ال ستارتاپتار تارتقان ينۆەستيسيا كولەمى 1 ميللياردتان استام تەڭگەنى قۇرايدى.

وسىلايشا, اكسەلەراتتاۋ باعدارلاماسىنىڭ تەك ءتورتىنشى لەگىنە قاتىسۋشىلار 47 ميلليون تەڭگەدەن استام ينۆەستيسيا تارتىپ, 149 جۇمىس ورنى اشىلدى. باعدارلاماعا قاتىسۋ ءۇشىن http://astanahubstartups.tilda.ws/accelerator سايتىندا ءوتىنىش قالدىرۋ قاجەت. ءاربىر لەككە ستارتاپتارردىڭ شەكتەۋلى سانى قابىلدانادى.