• usd 378.65
  • eur 430.07
  • rub 6
  • cny 55.1
23 قىركۇيەك، 00:49:03
كەكىلباەۆقا ارنالعان كەش

10 قىركۇيەك، 2019 ايتتى-ەي، باۋىرىڭ!

"؛قوشتاسۋ وتە قيىن"؛: مۇحتار جاكىشەۆتىڭ قىزى ايگەرىمنىڭ جەتى جىل بۇرىن جازعان حاتى

الەۋمەتتىك جەلىدە مۇحتار جاكىشەۆتىڭ قىزى ايگەرىمنىڭ وسىدان جەتى جىل بۇرىن جازعان حاتى پايدا بولدى ؛دەپ جازادى qamshy.kz اقپارات اگەنتتىگى. حاتتىڭ تولىق ءماتىنىن جۋرناليست بەللا ورىنبەتوۆا ءوزىنىڭ فەيسبۋك پاراقشاسىنا جاريالادى.

"وكىنىشكە قاراي اكەمدى سيرەك كورەمىن، ادەتتە جىلىنا ەكى رەت. كەيدە بۇيىرىپ ودان ءجيى كورىپ قالامىن. ۇنەمى جاڭا جىلدا جانە اكەمنىڭ تۋعان كۇنىندە بارامىز. اكەممەن وتكەن ءاربىر ساعات ءدال كەشە عانا بولعانداي ەسىمدە. ءبىزدىڭ كەزدەسۋىمىزدى بەينەجازبا سياقتى كوز الدىمدا كۇندە اينالدىرىپ وتىرامىن.

سوڭعى رەت 2012 جىلى 3 قاڭتاردا كوردىم. مەن ءۇشىڭ ەڭ اۋىر مينۋتتار - ەسىك اشىلىپ ار جاعىندا اكەم تۇرعانىن كۇتۋ. ءار كەز ىشىمدە قۋانىش بۋىرقانىپ، جۇزىمدە شات كۇلكى، كۇتۋ بولمەسىندە ارى-بەرى ءجۇرىپ تاعات تاپپايمىن... العاش رەت كورگەندە ابدىراپ قالدىم... الدىمدا ءىنىم تۇرعانداي، تەك شاشى سيرەك... جۇدەپ 10 كگ ارىقتاپتى. اكەم قالجىڭداپ "سيزو ارىقتاۋدىڭ ەڭ جاقسى باعدارلاماسى، ونىڭ ۇستىنە مەملەكەت ەسەبىنەن" دەپ قويادى.

كەزدەسۋدە ءبارىمىز اۋزىمىز جابىلماي سويلەيمىز، اكەم قۋانىپ ءبارىمىزدى ءۇنسىز تىڭدايدى. اكەمنىڭ ارىق قولدارى دىرىلدەپ، قىسىمنان ماڭدايى ىسىپ تۇراتىنىن شەشەم ەكەۋمىز عانا بايقايمىز. اكەم دەنساۋلىعىنىڭ ناشارلاعانىن ەشقاشان سەزدىرگەن ەمەس: ءارقاشان كوڭىلدى نارسەلەر ايتىپ كۇلىمسىرەپ وتىرادى. ول ەشقانداي كوڭىلدى دۇنيە بولا المايتىن جەردىڭ وزىنەن قالجىڭ ايتىپ وتىرادى. "مەنى ەڭبەك سىڭىرگەن دەمالىسقا جىبەردى. ۇزااق دەمالىسقا. كۇشتى عوي: جۇمىس ىستەمەيسىڭ، جاتاسىڭ، كىتاپ وقيسىڭ، تاماق ىشەسىڭ. مۇندا كۋرورت، تەك تەڭىز جەتىسپەيدى!"

سوڭعى كەزدەسۋىمىزدە تەمەكىنى تاستاۋعا ۋادە بەرگەن ەدى. مەن اكەمە سەنەمىن، ءبىراق وعان قانشالىق قيىن بولاتىنىن دا بىلەمىن!

اكەممەن وتكەن ساعات لەزدە وتە شىعادى، كەتەتىن ۋاقىت تاقاعاندا ءار ءساتتى، ءار دەتالدى جادىمدا ساقتاپ قالۋعا تىرىسامىن. قوشتاسۋ وتە قيىن. ءبىراق ءبىز كۇلىمدەپ قوشتاسامىز. "ەشتەڭە ەپەيدى، بۇل قيىندىقتان دا وتەمىز!- دەيدى ول - شىندىق ءبىزدىڭ جاعىمىزدا!. ونى كورەتىن ءسات جاقىن دەپ ۇمىتتەنەمىن..."، - دەلىنگەن حاتتا. ؛

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر