• usd 378.65
  • eur 430.07
  • rub 6
  • cny 55.1
23 قىركۇيەك، 00:46:31
كەكىلباەۆقا ارنالعان كەش

09 قىركۇيەك، 2019 ايماقتار

مەمقىزمەتشى مىندەتتەرىن جەتىك ءبىلۋى قاجەت

مەملەكەتتىك قىزمەتشى ءوزىنىڭ فۋنكسيونالدىق مىندەتتەرىن ءمىنسىز ورىنداۋ ارقىلى ەل ازاماتتارىنىڭ مەملەكەتتىك قىزمەتكە دەگەن سەنىمىن ارتتىرىپ، ءوز ىس-ارەكەتىمەن سىبايلاس جەمقورلىقتىڭ كەز كەلگەن كورىنىستەرىنە توزبەۋشىلىك جاعدايىن جاساۋ مەن قوعامدا سىبايلاس جەمقورلىققا قارسى مادەنيەتتى قالىپتاستىرۋدا ۇلگى بولۋى ءتيىس.

وسىعان بايلانىستى "ازاماتتارعا ارنالعان ۇكىمەت" مەملەكەتتىك كورپوراسياسى" كوممەرسيالىق ەمەس اكسيونەرلىك قوعامىنىڭ جامبىل وبلىسى بويىنشا فيليالى - بايزاق اۋداندىق تىركەۋ جانە جەر كاداسترى بولىمىندە بايزاق اۋدانى بويىنشا مەملەكەتتىك كىرىستەر باسقارماسىنىڭ باسشىسى نۇرزات ەگيسينوۆتىڭ قاتىسۋىمەن سەمينار - كەڭەس بولىپ ءوتتى.

مەملەكەتتىك ورگاندار تاراپىنان باقىلاۋدى كۇشەيتۋ، لاۋازىمدى وكىلدەردىڭ زاڭ الدىنداعى جاۋاپكەرشىلىگىن ساقتاۋ كەرەكتىگى تۋرالى، سىبايلاس جەمقورلىققا قارسى ستراتەگيانىڭ نەگىزگى باعىتتارى جانە مەملەكەتتىك قىزمەت سالاسىنداعى وزگەرىستەرى تۋرالى، سىبايلاس جەمقورلىقپەن كۇرەسۋ بارىسىندا جۇمىس ساپاسىنىڭ ناتيجەسىن، تيىمدىلىگىن ارتتىرۋ جونىندەگى سۇراقتاردى تالقىلاۋ ماقساتىن كوزدەگەن سەمينار - كەڭەستى اۋداندىق تىركەۋ جانە جەر كاداسترى ءبولىمى باسشىسىنىڭ ورىنباسارى نۇرجان مولدابەكوۆ اشىپ، جۇرگىزىپ وتىردى.

سەمينار-كەڭەستىڭ بارىسىندا سىبايلاس جەمقورلىققا قارسى كۇرەسۋدە مەملەكەتتىك ورگاندار مەن قوعامدىق ينستيتۋتتاردىڭ ىنتىماقتاستىعى، سىبايلاس جەمقورلىققا قارسى كوزقاراستى قالىپتاستىرۋ، كورسەتىلەتىن مەملەكەتتىك قىزمەتتەر تۋرالى ازاماتتاردى تۇراقتى تۇردە اقپاراتتاندىرىپ تۇرۋ، مەملەكەتتىك قىزمەتكە مەريتوكراتيا قاعيداسى بويىنشا تاعايىنداۋ ماسەلەلەرى قوزعالدى.

كۇن تارتىبىنە سايكەس، سىبايلاس جەمقورلىققا قارسى مادەنيەتتى قالىپتاستىرا وتىرىپ، قوعامدا سىبايلاس جەمقورلىق دەڭگەيىن تومەندەتۋ ماقساتىندا اتقارىلىپ جاتقان ءىس-شارالار، قازاقستان رەسپۋبليكاسىنىڭ 2015-2025 جىلدارعا ارنالعان سىبايلاس جەمقورلىققا قارسى ستراتەگياسى مەن قازاقستان رەسپۋبليكاسى «؛سىبايلاس جەمقورلىققا قارسى ءىس-قيمىل تۋرالى»؛ زاڭدارىنىڭ تالاپتارى تۋرالى بايانداما جاسالدى.

سەمينار-كەڭەسكە قاتىسۋشىلار قوعامداعى سىبايلاس جەمقورلىقتىڭ دەڭگەيىن تومەندەتۋ تۋرالى ۇسىنىستاردى ورتاعا سالىپ، سىبايلاس جەمقورلىققا قارسى ءىس-قيمىلدار تۋرالى ءوزارا پىكىر الماستى. باسقوسۋ سوڭىنان قاتىسۋشىلاردىڭ سۇراقتارىنا تولىق جاۋاپتار الىندى.

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر