جامبىلدىقتار "؛وتباسى كۇنىن"؛ اتاپ ءوتتى

ەلباسىنىڭ جارلىعىمەن بەلگىلەنگەن «؛وتباسى كۇنى»؛ مەرەكەسى قارساڭىندا بايزاق اۋداندىق سوتىنىڭ باستاماسىمەن №3 بايزاق كوللەدجىندە «؛وتان وتباسىنان باستالادى»؛ اتتى سالتاناتتى شارا ۇيىمداستىرىلدى.

جيىندا العاشقى ءسوزدى العان كوللەدج ديرەكتورى مۇحيت نىسانباەۆ شارانىڭ ماقساتىنا توقتالدى. وتباسى &ndash؛ شاعىن مەملەكەت ەكەندىگىن, سول مەملەكەتتىڭ مۇشەسى سانالاتىن ۇرپاقتىڭ سانالى ازامات بولىپ وسۋىنە اتا-انانىڭ قوساتىن ۇلەسىن, وتباسى ابىرويىن ارتتىرۋ, جاستاردى وتباسى قۇندىلىقتارىن قاستەرلەۋگە تاربيەلەۋدىڭ وزەكتىلىگىن جەتكىزدى.اۋداندىق سوتتىڭ سۋدياسى انساربەك نازاركۋلوۆ جينالعانداردى قىركۇيەكتىڭ ەكىنشى جەكسەنبىسى - وتباسى كۇنىمەن قۇتتىقتاپ, جاس ۇرپاقتىڭ ازامات بولىپ قالىپتاسۋىنداعى وتباسىنىڭ الار ورنىن, وتباسىلىق مادەنيەتتى دامىتۋدىڭ ماڭىزدىلىعىن العا تارتتى. ءداستۇرلى قازاق قوعامىندا ەرلى-زايىپتىلاردىڭ اجىراسۋ دەرەكتەرى سيرەك كەزدەسكەنىن, ال بۇگىنگى تاڭدا ەلىمىزدە اجىراسۋ دەرەكتەرى جىلدان-جىلعا ءوسىپ وتىرعانىن, وتباسى ينستيتۋتىن ساقتاپ قالۋ ماقساتىندا جوعارعى سوت ۇسىنعان «؛وتباسىلىق سوت»؛ پيلوتتىق جوباسى اياسىندا اۋداندىق سوتتا ارنايى اشىلعان «؛وتباسىلىق كابينەتتىڭ»؛ ءرولىن اڭگىمەلەدى. اۋداندىق ارداگەرلەر كەڭەسىنىڭ الەۋمەتتىك ماسەلەلەرى جونىندەگى كوميسسيا ءتوراعاسى, مەدياتور سەرىك بالابەكوۆ وتباسىن ساقتاپ قالۋ ءۇشىن ەرلى-زايىپتىلار ءبىرىن-بىرى قۇرمەت تۇتىپ, پىكىرلەرىمەن ساناسۋى قاجەتتىگىن ايتىپ, بىلىمگەرلەرگە وتباسىن ءقادىر تۇتىڭدار دەگەن كەڭەسىن بەردى. اۋداندىق مەدياتورلار مەن پسيحولوگتار قاۋىمداستىعىنىڭ ءتورايىمى عايني كوشەكباەۆا وتباسى &ndash؛ وتاننىڭ تىرەگى ەكەندىگىن, ۇلتتىق رۋحاني قۇندىلىقتار وتباسىندا اتا-انانىڭ تاربيەسىمەن بالا بويىنا سىڭىرىلەتىندىگىن جەتكىزدى.

«؛وتباسىندا ادام بويىنداعى اسىل قاسيەتتەر جارقىراي كورىنىپ, قالىپتاسادى. وتانعا دەگەن ىستىق سەزىم جاقىندارىنا, تۋعان-تۋىستارىنا دەگەن سۇيىسپەنشىلىكتەن باستالادى»؛, - دەپ ەلباسى ايتقانداي, سالتاناتتى جيىندا كوللەدج بىلىمگەرلەرىنىڭ اتا-انالارى, «؛التىن القا»؛ يەگەرلەرى, سارىكەمەرلىك نازيرا مۇقاجانوۆا مەن ۇلگىلىلىك اينۇر كوپبوسىنوۆاعا سىيلىقتار تابىستالدى. وزدەرىنە كورسەتكەن قۇرمەتتەرىنە العىس بىلدىرگەن قوس انا اتالعان شارانىڭ جەتكىنشەكتەرگە بەرەتىن تاربيەسى مول ەكەندىگىن ايتتى.

جالپى وتباسىلىق قۇندىلىقتاردى ۇلىقتاعان شارادا وتباسى, اتا-انا, وتان, تۋعان جەر, جانۇيا جاراسىمدىلىعى تۋرالى اسەم اندەر شىرقالىپ, شاعىن كورىنىستەر كورسەتىلدى.