• usd 378.65
  • eur 430.07
  • rub 6
  • cny 55.1
23 قىركۇيەك، 00:15:18
كەكىلباەۆقا ارنالعان كەش

10 قىركۇيەك، 2019 ەكونوميكا

زەينەتاقى قورىنداعى اقشانى كىمدەر جانە قاشان الا الادى؟

پرەزيدەنت بيىلعى جولداۋىندا زەينەتاقى قورىنداعى اقشانى پايدالانۋعا رۇقسات بەرۋ ماسەلەسىن پىسىقتاۋدى تاپسىرعان ەدى

ەڭبەك جانە حالىقتى الەۋمەتتىك قورعاۋ مينيسترلىگى زەينەتاقى قورىنداعى اقشانىڭ ءبىر بولىگىن پايدالانۋعا قاتىستى ۇسىنىستار ازىرلەپ، قوعامدىق تالقىلاۋعا شىعارادى. بۇل تۋرالى بۇگىن پرەمەر-مينيستردىڭ ءبىرىنشى ورىنباسارى &ndash؛ قارجى ءمينيسترى ءاليحان سمايىلوۆ مالىمدەدى دەپ حابارلايدى ؛qamshy.kz اقپارات اگەنتتىگى ؛sputnik قازاقستان ؛سايتىنا سىلتەمە جاسا.

مينيستر پرەزيدەنتتىڭ جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارىندا زەينەتاقى جيناعىن پايدالانۋعا قاتىستى تاپسىرما بار ەكەنىن اتاپ ءوتتى.

"ۇكىمەتكە حالىقتىڭ جەكەلەگەن ساناتتارىنا زەينەتاقى قورىنداعى اقشانىڭ ءبىر بولىگىن باسپانا مەن بىلىمگە جۇمساۋعا رۇقسات بەرۋ تۋرالى تاپسىرما بەرىلدى. ەڭبەك جانە حالىقتى الەۋمەتتىك قورعاۋ مينيسترلىگى مۇددەلى ورگاندارمەن بىرلەسىپ، ءتيىستى ۇسىنىستاردى ازىرلەيدى. ولار بەكىتىلگەن مەرزىمدە قاجەتتى ۇسىنىستاردى دايىنداپ، قوعامدىق تالقىلاۋعا شىعارادى دەپ ويلايمىن"، - دەدى سمايىلوۆ ۇكىمەت كۋلۋارىندا.

ول زەينەتاقى جيناعىن قورداعى شوتتا اقشاسى بار قازاقستاندىقتار عانا الا الاتىنىن ايتتى.

وسى ورايدا جۋرناليستەر مينيستردەن كەلەسى جىلدان باستاپ قازاقستاندىقتار زەينەتاقى جيناعىن پايدالانا الا ما دەپ سۇرادى.

"الدىمىزدا وسىنداي مىندەت تۇر"، - دەپ قىسقا قايىردى سمايىلوۆ.

ەسكە سالا كەتسەك، 2 قىركۇيەكتە قاسىم-جومارت توقاەۆ قازاقستان حالقىنا العاشقى جولداۋىندا ۇكىمەت پەن ۇلتتىق بانك زەينەتاقى جۇيەسىنىڭ تيىمدىلىگىن ارتتىرۋى قاجەت ەكەنىن ايتقان بولاتىن. پرەزيدەنت ۇكىمەتكە جىلدىڭ سوڭىنا دەيىن جۇمىس ىستەيتىن ادامداردىڭ زەينەتاقى جيناعىنىڭ ءبىر بولىگىن ماقساتتى پايدالانۋ ماسەلەسىن پىسىقتاۋدى تاپسىردى.

 ؛

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر