ەلوردا ءبىلىم باسقارماسىنىڭ باسشىسى ءانۋار جانعوزين ءوزى ەدەن جۋىپ, ەستافەتانى وزگە باسشىلارعا جولدادى دەپ حابارلايدى ؛qamshy.kz اقپارات اگەنتتىگى.
بۇل تۋرالى ءانۋار جانعرزين فەيسبۋكتەگى پاراقشاسىندا جازىپ, سۋرەتتەرىن جاريالادى. ؛
#وزىڭنەنباستا ؛دەگەن حەشتەگپەن باستالعان ءجازباسىندا ؛ ؛بىلىم باسقارماسىنىڭ جەتەكشىسى وقۋشىلاردىڭ مەكتەپتە ەدەن جۋۋىنا قاتىستى اقپاراتتى تۇسىندىردە كەتكەن ەكەن.
"سوڭعى كۇندەرى ەلوردالىق مەكتەپتەردە بىلتىردان باستاپ ورىن العان باستاماعا قاتىستى كوپتەگەن پىكىرتالاستار تۋىنداۋدا. اتاپ ايتقاندا, وقۋشىلارعا مەكتەپ عيماراتىن تازالاۋ كەزىندە تەحنيكالىق قىزمەتكەرلەرگە كومەك كورسەتۋ. جالپى, بۇل ءار وقۋشى ەدەن جۋۋ كەرەك دەگەن ءسوز ەمەس, وسىنى بىردەن اتاپ وتكىم كەلەدى. باستاما اسحانادا ىدىستارىن جۋاتىن جەرگە اپارۋ نەمەسە ساباقتان كەيىن جۇمىس ورنىن تازا ۇستاۋ, كەيبىر جاعدايدا سىنىپتار مەن دالىزدەردى جيناۋعا كومەكتەسۋ سياقتى جۇمىستار. بۇل ءبىزدىڭ بالالارىمىزدىڭ بويىندا باسقا ادامداردىڭ ەڭبەگىن قۇرمەتتەۋ جانە قورشاعان ورتاعا كۇتىممەن قاراۋ داعدىلارىن دامىتۋ ءۇشىن جاسالادى. ارينە, بالالاردىڭ قالاۋى بويىنشا عانا ىسكە اساتىن شارالار ەكەنىن ەسكەرتەمىز.
تەك سىرتتان باقىلاۋشى ءرولىن اتقارماس ءۇشىن, مەن بۇگىننەن باستاپ ءار كەش سايىن تەحنيكالىق قىزمەتكەر ايەلدەرگە ءوز كابينەتىمدى تازالاۋ ارقىلى ولاردىڭ جۇمىسىن جەڭىلدەتىپ, كومەكتەسۋگە شەشىم قابىلدادىم. بۇعان بىلاي قاراعاندا 15-20 مينۋت قانا ۋاقىت كەتەدى.
بۇگىن #وزىڭنەنباستا ەستافەتاسىنا باستاما بەرە وتىرىپ, ەلوردالىق ءبىلىم بەرۋ ۇيىمدارىنىڭ باسشىلارىن ءبىزدىڭ بالالارىمىزعا ءوزىمىز بۇل جۇمىستىڭ ەشقانداي قيىن جانە ۇياتتى ەمەس ەكەنىن كورسەتۋگە شاقىرامىن" دەلىنگەن جازبادا.
ەسكە سالا كەتەيىك, الەۋمەتتىك جەلىدە ەلوردالىق مەكتەپتەردىڭ بىرىندە ساباقتان كەيىن بالالاردىڭ ەدەن جۋاتىنى تۋرالى اقپارات تاراعان بولاتىن. پىكىر ەكىگە ءبولىنىپ, ءبىرى قولداسا, ءبىرى سىناپ جاتىر.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر