• usd 378.65
  • eur 430.07
  • rub 6
  • cny 55.1
23 قىركۇيەك، 00:25:27
كەكىلباەۆقا ارنالعان كەش

10 قىركۇيەك، 2019 ايتتى-ەي، باۋىرىڭ!

ىشكى موڭعولدى قىتايلار قالاي جاۋلاپ الدى…

قىتايلار ءوستىپ مىلتىقتىڭ داۋىسىن شىعارماي، جالشىلىققا كەلىپ ءجۇرىپ موڭعولداردى جاۋلاپ الدى!

"بىزدىڭ ىشكى موڭعول ەلىندە وتكەن عاسىردىڭ 50 جىلدارىنا دەيىن ءبىر قىتاي بولمادى. اندا-ساندا بىرەر قىتاي كەلسە، موڭعولداردىڭ ءبارى اتقا قونىپ، ولاردى شەكارادان اسقانشا قۋىپ جىبەرەتىن. 50 جىلدارى ءبىزدىڭ اۋىلعا 80 جاستاعى ارەڭ جۇرگەن ءبىر قىتاي كەلدى. ەڭكىش تارتقان، ءوزى ارەڭ جۇرەدى. الگى قىتاي كوكتەم باستالىسىمەن وزەن جاعاسىنا كەلىپ جاتتى. ءبىز ونى ادام قۇرلى كورمەدىك. نە ءىشىپ، نە جەپ جاتقانىن بىلمەيمىز. ايتەۋىر، كەلدى دە، سول جەردە جاتتى. ونى ادام دەپ ەسەپتەپ قۋمادىق تا. كارى بولعانىنا قاراماي، جاقىن جەردەگى اۋىلدارعا بارىپ، سولاردىڭ مالىن قايىرىسىپ، جۇمىسىن تەگىن ىستەپ بەرىپ ءجۇردى. وزەننىڭ جاعاسىنا جەمىس پەن كوكونىس ەگىپتى. سولار جايقالىپ شىعا باستادى. ءبىز وسىنشا كوپ جەمىستى العاش رەت سول قىتايدان كوردىك. ەتتەن باسقانى بىلمەيتىن موڭعولدار ونىڭ كوكونىسىن قىزىقتاپ، سودان ءدامىن كەلتىرىپ ىستەپ بەرگەن تاماعىن جەپ كوردىك. "ەەەي، مىناۋ جەۋگە بولاتىنداي ءدامدى ەكەن!" دەپ تاڭعالىستىق. وسىلايشا كۇز بولىپ، كۇن سۋىپ، ول شال ءۇسىپ ولەتىن بولعان سوڭ ءبىر موڭعولدىڭ ءۇيىن بارىپ پانالادى. ول موڭعولدار ۇساق-تۇيەك جۇمىسىنا كومەكتەسكەن كارى قىتايعا ريزا بولىپ، قولدارى دا جەڭىلدەپ قالدى. كوكتەمدە ول شال موڭعولدارعا جالىنىپ: "مەنىڭ ءبىر ۇلىم بار ەدى. سونى ەرتىپ كەلىپ، وسى جەردە تۇرا بەرسەم قالاي قارايسىڭدار؟" دەيدى. ونى قىستاتىپ شىققان موڭعولدار كەلىسە كەتەدى.

سونىمەن، الگى شال بالاسىمەن بىرگە سولاردىڭ ۇيىندە تۇرىپ، موڭعولداردىڭ بارلىق جۇمىسىن تەگىن ىستەپ بەرىپ، قارىق قىلىپ تاستادى. ونى كورگەن ماڭايىنداعى موڭعولدار دا قىتاي جالشى ىزدەي باستادى. ولار ايلىق المايدى. اقىسىز، پۇلسىز جۇمىس ىستەيدى! موڭعولداردىڭ قولدارى بوساپ، ىشىپ-جەپ، قارنىن سيپاپ قانا جاتاتىن بولدى. ءسويتىپ، 5-10 جىلدىڭ ىشىندە جالشىلىققا كەلگەن قىتايلاردىڭ سانى سول جەردەگى موڭعولداردان اسىپ ءتۇستى دە، وسى 40-50 جىلدىڭ ىشىندە قىتايلار 18 ميلليونعا جەتىپ، موڭعولدىڭ سانى 2 ميلليوننان اسپاي قالدى. ەندى بىزگە باس كوتەرۋ مۇمكىن بولمادى. قىتايلاردىڭ وزدەرىنىڭ وتە كوپ ەرەكشەلىگى بار: ەشقانداي جۇمىستى تاڭدامايدى، ارلانبايدى، كوشەگە نەمەسە كەز كەلگەن شاڭداق جەرگە وتىرا قالىپ، موڭعولدىڭ ەتىگىن مايلاپ، ارباسىن جوندەپ بەرىپ، نە ايتساڭ دا سول جۇمىستى ىستەي بەرەدى. تيىن-تەبەننىڭ ءبارى قىتايدىڭ قالتاسىندا. موڭعولدىڭ كەۋدەسىن قاراساڭشى، ەشتەڭەسى جوق بولىپ ءجۇرىپ، سوندا دا تىزەسىن ءبىر بۇكپەيدى. قىتايلار ءوستىپ مىلتىقتىڭ داۋىسىن شىعارماي، جالشىلىققا كەلىپ ءجۇرىپ موڭعولداردى جاۋلاپ الدى!"

بۋراحان ساعيدان

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر