09 قىركۇيەك, 2019 ماڭعىستاۋ وبلىسى
ەلىمىزدىڭ تەڭىز قاقپاسى سانالاتىن حالىقارالىق اقتاۋ تەڭىز پورتىندا ۇلتتىق قاۋىپسىزدىك كوميتەتىنىڭ ءتوراعاسى كارىم ءماسىموۆ «؛نۇر-سۇلتان»؛ شەكارا كورابلى ەكيپاجىنا سالتاناتتى تۇردە اسكەري-تەڭىز شەكارا تۋى مەن كەمەنىڭ قۇرمەتتى اتاۋىن تاپسىردى.
206 بورت ءنومىرلى بۇل جوبا قر پرەزيدەنتىنىڭ جارلىعىمەن 2018 جىلى جاسالىنعان. زاماناۋي گيدرواكۋستيكالىق جۇيەمەن جابدىقتالعان كەمە تەك مەملەكەتتىك شەكارانىڭ كاسپيي تەڭىزىنىڭ ءۇستىن عانا ەمەس, سۋ استىن دا كۇزەتىپ, مۇنايگاز كەشەندەرىنىڭ قاۋىپسىزدىگىن دە سەنىمدى تۇردە قامتاماسىز ەتە الادى. 
كارىم ءماسىموۆ ءوز سوزىندە اسكەري قىزمەتشىلەردى اتاۋلى وقيعامەن قۇتتىقتاپ, ولاردىڭ ۇلتتىق قاۋىپسىزدىكتى قامتاماسىز ەتۋ ىسىنە قوسقان ۇلەستەرىنىڭ ماڭىزدىلىعىن اتادى, مەملەكەتىمىزدىڭ تەڭىز شەبىن قورعاۋدا جاڭا جەتىستىكتەر تىلەدى. 
سونىمەن قاتار, وبلىس اكىمى سەرىكباي ترۇموۆ بۇگىنگى شارانىڭ ەلىمىز ءۇشىن ماڭىزدىلىعىن اتاپ ءوتىپ, شەكارا قىزمەتكەرلەرىنە مەملەكەتىمىزدىڭ شەكاراسىن بەرىك ۇستاۋعا قوسقان ۇلەستەرى ءۇشىن العىسىن ءبىلدىردى. 
- ەل پرەزيدەنتى, قر قارۋلى كۇشتەرىنىڭ باس قولباسشىسى قاسىم-جومارت توقاەۆ ءوزىنىڭ 2 قىركۇيەكتەگى قازاقستان حالقىنا جولداۋىندا «؛وتانىنا ادال, كاسىبي تۇرعىدان دايىندالعان وفيسەرلەرى مەن اسكەري قىزمەتشىلەرى بار ارميامىز جاڭا گەوساياسي جاعدايلاردا ەل قاۋىپسىزدىگىنە ءقاۋىپ توندىرەتىن قاتەرلەرگە تويتارىس بەرۋگە دايىن بولۋى كەرەك»؛ - دەپ شەگەلەپ ايتقان بولاتىن. سونىمەن بىرگە اسكەري قىزمەتتىڭ بەدەلىن ارتتىرىپ, قارۋلى كۇشتەردىڭ ماتەريالدىق بازاسىن نىعايتۋ قاجەتتىگىن اتاپ ءوتتى. بۇگىنگى شارا سول يگى ىستەردىڭ باستاماسى بولىپ وتىر, - دەدى ايماق باسشىسى.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر