• usd 378.65
  • eur 430.07
  • rub 6
  • cny 55.1
23 قىركۇيەك، 00:56:51
كەكىلباەۆقا ارنالعان كەش

06 قىركۇيەك، 2019 news

جانىبەك قوجىق زەينەت جاسىن تومەندەتۋدى ۇسىندى

ۇلتتىق قوعامدىق سەنىم كەڭەسىنىڭ وتىرىسىندا كەڭەس مۇشەسى جانىبەك قوجىق جۇمىسسىزدىق ماسەلەسىنە باسا ءمان بەردى، دەپ حابارلايدى qamshy.kz اقپارات اگەنتتىگى.

ول شەتەلدىك جۇمىسشىلار ءنوپىرىن زاڭدىق تۇرعىدا رەتتەۋ ۇسىنىسىن ءبىلدىردى.

"حالىقتىڭ جۇمىسى بولىپ، الاتىن جالاقىسى ىشىپ-جەمىنە، كيىنۋىنە، ەم الۋىنا جەتسە، ودان ارتىق كوپ نارسەنى سۇرامايدى. بىزدە شەتەلدەن كەلەتىن جۇمىسشىلار ماسەلەسى وسى جاعدايدى ءورشىتىپ تۇر. ءبىر عانا تەڭىزشەۆرويل كومپانياسىن الايىقشى. وندا 50 مىڭ جۇمىسشى ىستەيدى. ونىڭ 10 مىڭى شەتەلدىك. ولاردىڭ ءبارى جوعارى سىنىپتى بىلىكتى مامان ەمەس. ارالارىندا كران ايداۋشى سياقتى قاراپايىم قىزمەتكەرلەر كوپ. سولاردى قىسقارتىپ، نەگە ءوز ازاماتتارىمىزدا الماسقا. وسى تۇرعىدا ؛شەتەلدىك جۇمىسشىلارعا بەرىلەتىن كۆوتانى قايتا قاراۋ قاجەتتىگى تۋىپ وتىر. بۇل ورايدا زاڭدىق وزگەرىستەر قاجەت"، ؛&ndash؛ دەدى ول.

سونداي-اق كەڭەس مۇشەسى زەينەت جاسىنا بايلانىستى پىكىر ءبىلدىردى.

"بۇگىندە قازاقستان اياققا تۇرعان، دامۋ جولىنا تۇسكەن مەملەكەت. زەينەت جاسىن التى اي سايىن ۇلعايتپاي، كەرىسىنشە ازايتۋعا تولىقتاي مۇمكىندىك بار. سوندىقتان زەرتتەپ، زەردەلەي وتىرىپ، زەينەت جاسىن ايەلدەر ءۇشىن 55 جاس، ەرلەر ءۇشىن 60 جاس ەتۋ باستاماسىن كوتەرەمىز"، &ndash؛ دەدى كەڭەس مۇشەسى.

 ؛

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر