ماقپالدىڭ ماقامدى جىرلارى لوندوندى جىرعا بولەيدى

18 قىركۇيەك لوندونداعى برۋنەل كەڭىستىگىندە (مۋزەيىندە) اua كونسەپتۋالدى كونسەرتىم وتەدى. كونسەرتتى يندۋستريالدىق رەۆوليۋسيانىڭ زور تۇلعالارى مارك جانە يزامبارد برۋنەلدەر 1842 جىلى سالعان وسى تاريحي عيماراتتا وتكىزگىم كەلدى. ويتكەنى, ولار تىنىق مۇحيتىن كەسىپ وتكەن ەڭ الىپ كەمەلەر جاساي ءجۇرىپ, ايگىلى اسپالى كوپىرلەردى سالا ءجۇرىپ, جاڭاشىل ونەردى قولداعان مەسەناتتار مەن يمپرەسساريولار بولعان. ولاردىڭ وزگەرىسكە, دامۋعا دەگەن سەنىمى مەن دۇنيەنى وزگەرتكەن ناقتى ىستەرى مەنى قاناتتاندىردى ءارى جوبامىز برۋنەلدىكتەردىڭ كوڭىلىنەن شىقتى. سول كۇننەن بەرى ۇزدىكسىز دايىندىقتاردى باستادىق. ساپارىمىز بەن كونسەرتىمىزدىڭ ءار ءساتى جوسپارلانىپ, ءبىز سول جوسپار بويىنشا كادىمگى اسكەري تارتىپپەن جىلجىپ كەلەمىز. مەن 5 اي بويى سەنبى, جەكسەنبى كۇندەرى الماتىداعى مۋزىكالىق توبىما دايىندىققا كەلدىم. پويىزدار مەن ۇشاقتاردا ۇيىقتادىم. سول ارالىقتا لوندوندا كورسەتەتىن انيماسيالىق قىسقا مەترلى ءفيلمىمىزدى اياقتادىق. كەشتە ايتىلاتىن بارلىق جىرلاردى كاسىبي اۋدارماشى اعىلشىن تىلىنە اۋداردى. اۋدارما كورسەتىلەدى ءارى قوناقتارعا كىتاپشا رەتىندە تارتۋ ەتىلەدى. كۇنى كەشە عانا ۇيىمداستىرۋ جۇمىستارىنىڭ بارلىق كەزەڭىنە نۇكتە قويدىق.

بۇل ارمان-ماقساتتىڭ باستاۋى قايدان شىققانى انىق ەسىمدە: وسىدان ەكى جارىم جىل بۇرىن ساياباقتا ۇلدارىممەن سەرۋەندەپ جۇرگەن ەدىم, راحانايىم ويلاماعان جەردەن «؛سەنىڭ ارمانىڭنىڭ شەگى نەگە تەك قازاقستان, ماما, سەن نەگە اعىلشىن تىلىنە اۋدارىلعىڭ كەلمەيدى, نەگە شەتەلدەردە كەشتەرىڭدى وتكىزگىڭ كەلمەيدى. بۇل دۇرىس ەمەس. مەن ساعان وسى سۇراق بويىنشا ويلانۋعا ۋاقىت بەرەمىن. سەنىڭ قولىڭنان كەلەدى, سەن بۇعان لايىقسىڭ»؛ دەدى. سول ساتتە كوكەيىمدى ءبىر بەيمالىم سەزىم باستى, جىلادىم با, كۇلدىم بە, ەسىمدە جوق, ءبىراق, ۇلىما تىرىسىپ كورۋگە ۋادە بەردىم. ءدال سول كەزدە بۇل دۇنيە مەنىڭ داۋىستاپ ايتۋعا باتىلىم جەتپەيتىن ءبىر كومەسكى ارمانىم ەدى. ءبىراق بۇدان سوڭ دا داۋىستاپ ايتا المادىم ەشكىمگە. تەك الماتىداعى aua كونسەرتىنەن سوڭ, شىعارماشىلىق كوماندامىزبەن, وتباسىممەن وتكىزگەن كونسەرتىمىزدى تالقىلاپ وتىرعاندا, ەندىگى نۇكتە لوندون بولۋى كەرەكتىگىن ايتتىم. بۇدان كەيىن دە ىشىمدەگى ءۇمىتتىڭ جانۋىنا سەبەپ بولعان اڭگىمەلەر بولدى. ءبارى مەنى قولدادى ءارى سەندى. سول سەنىمنىڭ كۇشى, مىنە, ءmaqpalsherدى لوندونعا الىپ بارا جاتىر.

وسى ساپارىما قولداۋ تانىتقان اياۋلى ادامدارىما &ndash؛ اتا-اناما, وتباسىما, باۋىرلارىما, دوستارىما جانە ەلشى ەرلان ءابىلفايىزۇلىنا راحمەت ايتقىم كەلەدى.

ال, لوندون, كۇت مەنى!" دەلىنگەن جازبادا.

ماقپالشەردى سۇيەر قاۋىم سۇيىكتى اقىن قىزدارىنا ساتتىلىك تىلەپ, الدا الار اسۋدىڭ بۇل تەك باستاماسى ەكەنىن, اركەز قولدايتىندارىن, تەك بيىكتەن كورگىسى كەلەتىندەرىن جەتكىزدى. ؛