توقاەۆ: ازيانىڭ ادەبي سىيلىعىن تاعايىنداۋ كەرەك

توقاەۆ جازۋشىلار فورۋمىندا تىڭ ۇسىنىس جاسادى دەپ حابارلايدى ؛qamshy.kz اقپارات اگەنتتىگى ؛sputniknews.kz ؛سايتىنا سىلتەمە جاساپ. ؛

مەملەكەت باسشىسى قاسىم-جومارت توقاەۆ ازيا قالامگەرلەرىنىڭ i فورۋمىندا جازۋشىلاردىڭ حالىقارالىق سىيلىعىن تاعايىنداۋدى ۇسىندى.

"ازيا ادەبيەتىنىڭ ءورىسى ايتارلىقتاي كەڭەيىپ كەلەدى. شىعىستان شىققان قالامگەرلەر كۇللى دۇنيەنى مويىنداتىپ وتىر. بۇل رەتتە ازيا ادەبيەتىن الەمگە ايگىلەپ, دارىپتەي ءتۇسۋ فورۋمنىڭ تاعى ءبىر ماڭىزدى مىندەتى دەپ سانايمىز. شىعىس دانالىعىنىڭ ءداستۇر ساباقتاستىعى سىزدەردىڭ تۋىندىلارىڭىز ارقىلى جالعاسىن تابادى دەپ ويلايمىز", - دەدى توقاەۆ.

پرەزيدەنتتىڭ ايتۋىنشا, جاھاندانۋ داۋىرىندە ازيا سىن-قاتەرلەرگە لايىقتى توتەپ بەرە وتىرىپ, وزىنە ءتان بىرەگەي ەرەكشەلىكتەرىن ساقتاپ كەلەدى. باتىس تەحنولوگياسى ازيا رۋحانياتىمەن ۇندەسىپ, شىعىستىق جاڭعىرۋ ۇلگىسىن دۇنيەگە اكەلدى.

"بىز بۇل ءۇردىستى قولداپ, الەم حالىقتارىنىڭ ىنتىماق-بىرلىگىن نىعايتۋعا ۇلەس قوسۋعا ءتيىسپىز. ازيا مادەنيەتىن ودان ارى دامىتۋ ءۇشىن الدىمەن ازيا قالامگەرلەرىنىڭ فورۋمى شىعارماشىلىق قاۋىمنىڭ ديالوگ الاڭىنا اينالۋى كەرەك. ازيانى بۇكىلالەمدىك رۋحاني دامۋ الاڭى رەتىندە دامىتۋ ايرىقشا ماڭىزدى. سوندىقتان ادەبي جەتىستىكتەردى جاڭعىرتۋ ءۇشىن جاعداي جاساۋ - باستى مىندەتتەردىڭ ءبىرى. وسى ماقساتتا ازيانىڭ ادەبي سىيلىعىن تاعايىنداعان ءجون. الەمدەگى ايگىلى سىيلىقتار سياقتى بۇل ماراپاتتىڭ دا بەدەلىن ارتتىرۋعا كۇش سالۋ كەرەك", - دەدى توقاەۆ.

بۇدان بولەك, پرەزيدەنت ازيا قالامگەرلەرىنىڭ ورتاق ەلەكتروندى كىتاپحاناسىن قۇرۋدى ۇسىندى.

 ؛