توقاەۆ قازاقستاندىقتاردى كونستيتۋسيا كۇنىمەن قۇتتىقتادى

قازاقستان پرەزيدەنتى قاسىم-جومارت توقاەۆ ەل حالقىن كونستيتۋسيا كۇنىمەن قۇتتىقتادى دەپ جازادى qamshy.kz اقپارات اگەنتتىگى. قۇتتىقتاۋ ءماتىنى اقوردا سايتىندا جاريالاندى. ؛

توقاەۆ قۇتتىقتاۋىندا "قازاقستان كونستيتۋسياسى حالقىقتىڭ بىرلىگى مەن مەملەكەت تاۋەلسىزدىگىنىڭ بەرىك نەگىزى" سانالاتىنىن ايتقان.

"بارشاڭىزدى قازاقستان رەسپۋبليكاسىنىڭ كونستيتۋسياسى كۇنىمەن قۇتتىقتايمىن! حالقىمىزدىڭ زاڭ ۇستەمدىگىنە, ادامداردىڭ نەگىزگى قۇقىقتارى مەن بوستاندىقتارىن قامتاماسىز ەتۋگە ۇمتىلىسى ءتول تاريحىمىزدا ايقىن كورىنىس تاپقان. وزىق الەمدىك تاجىريبەنى, تاريحي جانە ۇلتتىق داستۇرلەردى ارقاۋ ەتكەن قازاقستان كونستيتۋسياسى حالقىمىزدىڭ بىرلىگى مەن مەملەكەت تاۋەلسىزدىگىنىڭ بەرىك نەگىزى سانالادى.

كەلەسى جىلى اتا زاڭىمىزدىڭ 25 جىلدىعىن اتاپ وتەمىز. وسى كەزەڭ ىشىندە ەلىمىزدىڭ باستى زاڭى جاسامپازدىق پەن ىلگەرىلەۋدىڭ كەپىلىنە اينالدى. قازاقستان تۇتاس قۇقىقتىق جانە الەۋمەتتىك-ەكونوميكالىق جۇيەنى قالىپتاستىرىپ, جان-جاقتى جاڭعىرۋ جولىنا ءتۇستى. تۇڭعىش پرەزيدەنتىمىز &ndash؛ ەلباسى نۇرسۇلتان ءابىشۇلى نازارباەۆ ۇسىنعان ۇلت جوسپارى مەن ينستيتۋسيونالدىق رەفورمالار سونىڭ نەگىزىن قۇرايدى.

بىزدىڭ ماقساتىمىز &ndash؛ ەكونوميكانىڭ ساپالى ءوسىمىن جانە حالىقتىڭ الەۋمەتتىك سۇرانىستارىن قامتاماسىز ەتىپ, تۇرمىس دەڭگەيىن ارتتىرۋ, سونداي-اق مەملەكەتتىڭ ساياسي جۇيەسىن جەتىلدىرۋ. اتا زاڭ ازاماتتارىمىزدىڭ مۇددەسىنە قىزمەت ەتىپ, ەلىمىزدى ودان ءارى دامىتۋعا سەپتىگىن تيگىزە بەرەدى.

بارلىق قازاقستاندىقتارعا زور دەنساۋلىق, باق-بەرەكە جانە تولاعاي تابىس تىلەيمىن!", - دەلىنگەن توقاەۆتىڭ قۇتتىقتاۋىندا. ؛

قازاقستان رەسپۋبليكاسىنىڭ قازىرگى كونستيتۋسياسى 1995 جىلى 30 تامىز ؛كۇنى جالپىحالىقتىق رەفەرەندۋم نەگىزىندە قابىلداندى جانە 5 قىركۇيەك كۇنى ءوز كۇشىنە ەندى. كونستيتۋسيا 9 تاراۋدان, 98 باپتان تۇرادى. بۇل - تاۋەلسىز قازاقستاننىڭ قابىلداعان ەكىنشى كونستيتۋسياسى. الدىڭعى كونستيتۋسيا 1993 جىلى قابىلدانعان بولاتىن.

قازىرگى كونستيتۋسياعا قابىلدانعان ساتتەن باستاپ بىرنەشە مارتە وزگەرتۋلەر مەن جاڭارتۋلار بولدى. سوڭعى رەت 2019 جىلدىڭ 23 ناۋرىزىندا حالىقتىڭ قارسى بولۋىنا قاراماستان, قازاقستاننىڭ سول كەزدەگى ۋاقىتشا پرەزيدەنتى توقاەۆتىڭ ەل استاناسىن نۇر-سۇلتان دەپ وزگەرتۋ تۋرالى بەرگەن بۇيرىعى پارلامەنتتە ماقۇلدانىپ, كونستيتۋسياعا ەنگىزىلدى. ؛

 ؛