مەن دە بالا بولدىم. ءبىراق وزىممەن جاستى قىزدار سياقتى قۋىرشاق, تاعىسىن تاعى ويىنشىقتارمەن وينامادىم. مەن كورشى ءۇيدىڭ بالالارىمەن اسىق, فۋتبول ويناپ, اتقا ءمىنىپ ءوستىم. سەنسەڭىز, توعىزىنشى سىنىپقا دەيىن "پىستالوتكە" ۇقسايتىن اعاشتاردى نەمەسە قاتتى زات تاۋىپ الىپ, سونىمەن "تاي-تاي", ياعني, اتىسپاق ويناپ ءوستىم.
التى نە جەتىنشى سىنىپتار شاماسىندا قىزدار ەرمەك قىلاتىن قۋىرشاقپەن ويناعىم كەلىپ, "شابىتىم" اشىلدى. سودان ارى كەتسە, بىرنەشە اي سونى ەرمەك قىلدىم. سونداعىم مىناۋ: انامنىڭ قۇراعىنان قالعان قيىندىلاردان كىشكەنتاي عانا باربي قۋىرشاعىنا كيىمدەر تىگۋ. العاشىندا باس كيىم مەن شارف توقىپ بەردىم. سوسىن ءبىر كۇنى قۇراق قيىندىلارىنىڭ ءبىرىن الىپ, انامنىڭ "تيىسپە, ءبىر جەرىڭدى ءىلىپ الارسىڭ, ينەسىن سىندىراسىڭ, بۇلدىرەسىڭ" دەگەنىنە قاراماستان, انام سىرتقا شىققاندا قول ماشيناسىنا "قول سالدىم". قۇراقتان قالعان قيىندىنىڭ ءبىر جاق شەتىن قول ماشيناعا "زىر" ەتكىزىپ الدىم. كەرەمەت, ەشكىمدە جوق كويلەك تىگىپ بەردىم قۋىرشاعىما! سونداعى "زىر ەتكىزگەنىم" ەكى ەلى ماتانىڭ ءبىر جاق شەتىن ماشيناعا جۇرگىزىپ الدىم. ناتيجەسىندە باس-اياعى بەلگىسىز, ءتۇبى تەسىك قاپ سەكىلدى ەكى ەلى بىردەڭە شىقتى. ەندى باربيىمە سىيلىعىمدى بەرۋگە اسىعىپ, جەلپىلدەپ ءباربيىمدى قولعا السام... بولمادى. سىيمادى! "اسىققان سايتان ءىسى" نەمەسە "رۇقساتسىز تيىسپە, اناڭنىڭ ايتقانىن تىڭدا"... الگى كويلەگىم ءتىپتى ماڭىنا دا جۋىمادى. تاپ-تار! وسىمەن "قۋىرشاقپەن دوستاسۋ" تالپىنىسىم سۋ سەپكەندەي باسىلدى.
بۇگىنگى ايتپاعىم مىناۋ. تۋىسىمنىڭ ۇيىنە باردىق. ەكى قىزى بار. ءبىرى ءبىرىنشى سىنىپتا, ەكىنشىسى بالاباقشادا. وتكەندە سولار "ماقپال تاتە, باسىن, قولىن سالىپ بەرىڭىزشى" دەپ, بىردەڭە الىپ كەلدى. قاراسام, قۋىرشاق! قانداي قۋىرشاق دەيسىز عوي! كورە سالا, ءتۇرىن كورىپ: "مىنادان قورىقپايسىڭدار ما؟ تۇستەرىڭە كىرمەي مە؟" ؛&ndash؛ دەپپىن عوي. ءتۇرى سونداي قورقىنىشتى. مۋلتفيلم كەيىپكەرى مە, باسقا ما بىلمەدىم. ءسويتىپ, باس-اياعىن سالىپ بەرىپ, ولار ءماز, ويناۋعا كەتتى. ال, مەن ءبىرتۇرلى بولىپ قالدىم. تەلەباعدارلامالاردىڭ بىرىندە كىشكەنتايلار وينايتىن قۋىرشاقتارىنا, ويىنشىق كەيىپكەرلەرىنە ەلىكتەيدى دەپ, سول تۋراسىندا پىكىرتالاستىرعان ەدى. ەگەر راس ەلىكتەيتىن بولسا, جاڭاعى قۋىرشاقتارعا ەلىكتەگەن ۇرپاق ەرتەڭ كىم بولارىن بىلمەيمىن...
تومەندە عالامتوردان "كەڭەس زامانىنداعى قۋىرشاقتار" دەپ ىزدەپ, بىرنەشەۋىن سالدىم... بۇلار اناعۇرلىم سۇيكىمدى سياقتى, مەنىڭشە...
ال, ەندىگى كەزەكتە قازىرگى كەزدەگى باربيلەردىڭ كەيپى... ماعان ۇنامايدى! ؛ سىزگە شە؟ ءبىز ويناعان باربيلەر كىشكەنە "ۇيالشاق" ەدى...
ەندى كورەتىندەرىڭىز ؛سىڭلىلەرىمنىڭ ؛مەنى شوشىتقان قۋىرشاقتارى...
بايقاساڭىز, مىنا سوڭعى تەك باسى كەلتىرىلگەن قۋىرشاقتىڭ كوزدەرى قيسىق جانە كىرپىكتەرى شاش سەكىلدى شىنايى. ال, ءتىسى اقسيعان, جاسىل ءتۇستىسى تۋرالى ءسوز ەتۋدىڭ قاجەتى جوق. بۇلار تەك قىزداردىڭ ويىنشىقتارى. جۇرە بەرسەڭ, كورە بەرەسىڭ دەپ, ءتىپتى اياعى اۋىر, ەرلى-زايىپتى قۋىرشاقتار دا بار ەكەن. "بالا تۋاتىندارى دا شىققان" دەيدى ەل. ۇلداردىڭ دا وسى تەكتەس "ۇسقىنسىزدارى" جەتىپ, ارتىلارىنا سەنىمدىمىن.
بىزدىڭ بالالىق, بالالىق ەكەن-اۋ. قازىرگى ويىنشىق ءتۇرى وسى بولسا, كەلەشەكتە ؛ قانداي ويىنشىق تۇرلەرى پايدا بولاتىنىن ءتىپتى ويلاۋعا قورقاسىڭ. قازىرگى ويىنشىق اتاۋلىنىڭ ىشىندە ءىلىپ الارى عانا بار, شىنى كەرەك. ولاردىڭ زياندى حيميالىق قوسپالاردان ازىرلەنەتىنى تۋرالى دا ءسوز ەتىلگەن, ءالى دە ايتىلادى... ايتا بەرسەڭ, جاعىڭ تالماس, تاۋسىلمايتىن تاقىرىپ بۇل...
ال ەندىگى كەزەك كۇللى الەم بويىنشا كەڭ سۇرانىسقا يە بولىپ, كىشكەنتاي قىز بىتكەننىڭ ميىن جاۋلاپ العان بەت كەلبەتى ميعا سىيمايتىن, كوزى بوتاداي, اۋزى شۇمەكتەي, مۇرنى بار-جوعى كورىنبەيتىن, بىلىنبەيتىن, بويى ون سانتيمەترگە دە جەتپەيتىن, شاشى ءتۇرلى-تۇستى ؛&ndash؛ قۋىرشاق لول. ءبىزدىڭ دە ۇيدەگى كىشكەنتاي وسى ءبىر قۋىرشاقتى كورسە, "الىپ بەر" دەيتىن بولىپتى. قۇددى, جۇقپالى اۋرۋداي. "جارايدى" دەپ, اتاسى مىڭ تەڭگەگە الىپ بەرگەن ءبىر شار ءتۇرىن. اشساڭ ىشىنەن توسىنسىيى شىعادى. توسىنسىي دەگەنى, الاقانداي قۋىرشاق, تۇسىنىكسىز كيىمى, قوقىسقا كەتەتىن جابىستىرعىش قاعازى, ەمىزىگى. ۇيگە كەلىپ, بىزگە ءبىر كورسەتتى, سودان كەيىن قايدا جاتقانىن بىلمەيدى. وينامايدى, قىزىقسىز.
ال باعاسىنا كەلسەك, ايتىپ وتكەندەي, مىڭ تەڭگەدەن جوعارى. سەريالى 82 ءتۇرى بار دەيدى. سونىڭ ءبارىن جيناپ بولامىن دەگەنشە قانشا قاراجاتىڭىز كەتەتىنىن ەسەپتەي بەرىڭىز. جاستىق, ىدىس-اياق, كويلەك, سومكە, تورت, كامپيت, تاعىسىن تاعى قۋىرشاق لولدىڭ جۇرمەيتىن جەرى جوق بۇگىندە. بۇل الاقانداي قۋىرشاق قالايشا قىزداردىڭ جۇرەگىن جاۋلاپ, اتا-انالاردىڭ قالتاسىنا سالماق سالىپ, كىشكەنتايلاردىڭ ەركەلىگىنىڭ ارقاسىندا ءوندىرۋشى كومپانيانى قالاي بايلىققا كەنەلتىپ وتىر؟ ول كەلەسى ماقالانىڭ ارقاۋى بولسىن. ؛
وتاندىق وندىرىستە قۋىرشاقتار, ويىنشىقتار بار. جوق ەمەس. ءبىراق ونى قاراپايىم حالىقتىڭ قالتاسى كوتەرە بەرمەيدى. ايتپەسە, كىم بالاسىنا ساپالى, ۇلتتىق, سەنىمدى ءونىمدى الىپ بەرىپ, الاڭسىز وتىرماسقا؟ قازاق قىزى كەيپىندەگى ءقىدىرالى اعامىزدىڭ ءبىر قۋىرشاعىنىڭ باعاسىنا بازاردان ؛ 4-5 قىتاي قۋىرشاعىن الۋعا بولادى. بوياۋى دا, قۇرامىنىڭ قوسپاسى دا زيان ەكەنىن بىلە تۇرا, قىتاي قۋىرشاعىن الىپ, بالامىزدى اللاعا اماناتتاپ, ء"ما, وينا" دەپ بەرىپ قوياتىنىمىز دا راس. باسقا امال جوق. ؛
كەيدە وتاندىق ونىمدەردى تەك شەتەلدىكتەر ءۇشىن جاساي ما دەگەن وي تۋادى...
وسىعان دەيىن ايتىلعاننان اسىرىپ ەشتەڭە ايتقىم كەلىپ تۇرعان جوق. تاربيە &ndash؛تال بەسىكتەن. ويلى ادامعا شىبىننىڭ ۇشقانى دا وي تاستار... ؛
؛
؛
پىكىر قالدىرۋ
پىكىر