ۇلى دالا ديدارى

اشىق اسپان استىنداعى مۇراجاي سانالاتىن ماڭعىستاۋ جەرىندە ەلىمىزدەگى تاريحي ەسكەرتكىشتەردىڭ ۇشتەن ءبىرى تىركەلگەن. مەملەكەت قورعاۋىنا الىنعان ون ءبىر مىڭ تاريحي ەسكەرتكىشى بار ارحەولوگيالىق قورىق,  ؛مىڭداعان تاسقا سالىنعان سۋرەت-داستاندار, جەراستى مەشىتتەرى, ەرتە داۋىردەگى قالاشىق ورىندارى, اسكەري بەكىنىستەر مەن شار تارىزدەس الىپ تاستار تەك قازاقستاندىقتاردىڭ عانا ەمەس, شەتەلدىك تۋريستەردىڭ دە قىزىعۋشىلىعىن تۋدىرىپ وتىر. سان عاسىرلىق تاريحى بار تابيعي جادىگەرلەرىمىزدى مۇنايشىلار اراسىندا كەڭىنەن ناسيحاتتاۋ ماقساتىندا قازاق مۇنايىنىڭ 120 جىلدىق جانە وزەن كەنورنىنىڭ 55 جىلدىق مەرەيتويلارى اياسىندا «؛وزەنمۇنايگاز»؛ اق ءوز قىزمەتكەرلەرىنە ارناپ ءۇش كۇندىك ەكسپەديسيا ۇيىمداستىردى.

«؛ۇلى دالا ديدارى»؛ دەگەن اتاۋمەن ء12-شى تامىز كۇنى باستاۋ العان ەكسپەديسيادا بارلىعى 162 قىزمەتكەر وتپان تاۋ &ndash؛ شەرقالا &ndash؛ قىزىل قالا &ndash؛ كوگەز باعىتتارى بويىنشا ماڭعىستاۋدىڭ تاريحي جەرلەرىن ارالادى.

ەسەن وتەەۆ, «؛وزەنمۇنايگاز»؛ اق باس ديرەكتورى:

• ماڭعىستاۋ جەرى ىقىلىم زامانداردان بەرى قۇپيا سىرىمەن تاڭعالدىرىپ, تامسانتىپ كەلە جاتقان كيەلى ولكە. ؛
  ەكسپەديسيانى ۇيىمداستىرۋداعى ماقساتىمىز - وسىناۋ تاريح پەن بايلىقتى, رۋحاني قۇندىلىقتاردى مۇنايشىلارعا تانىستىرۋ بولدى. سەبەبى, وتانعا, تۋعان جەرگە دەگەن سۇيىسپەنشىلىك پەن قۇرمەت &ndash؛ ەلىنىڭ, جەرىنىڭ كەشەگىسى مەن بۇگىنىن جەتە تانىعان ادامدا بەرىك قالىپتاسادى, - دەيدى.

200-گە جۋىق مۇنايشىلاردىڭ تانىمدىق ساپارى «؛اداي اتا-وتپان تاۋ»؛ تاريحي ەتنو-مادەني كەشەنىندەگى «؛اقساراي»؛ مۇراجايىن كورىپ, تاۋ بيىگىنە كوتەرىلۋدەن باستالدى. ءۇش توپقا بولىنگەن ولار ودان كەيىن شەرقالانىڭ اسەم تابيعاتىن ارالاپ, شەتپە اۋلىندا ورنالاسقان x-xiii عاسىرلاردىڭ ارحەولوگيالىق ەسكەرتكىشى بولىپ تابىلاتىن قىزىلقالا قالاشىعىنا تابان تىرەدى. جولاۋشىلاردى شەرقالا تاۋى, اقمىش تاريحىمەن ؛ ماڭعىستاۋ وبلىسى مەملەكەتتىك تاريحي-مادەني قورىعىنىڭ ديرەكتورى, ولكەتانۋشى بەكبولات تولەگەنۇلى تانىستىرعان. كوگەز ەتنواۋىلىندا قورىتىندىلانعان ساپارعا ەسەن وتەەۆ باستاعان كاسىپورىن باسشىلىعى قوسىلدى. مۇنايشىلارعا ارناپ جايىلعان اق داستارحان باسىندا قوناقتار ءۇشىن اتىراۋلىق اقىن شالقارباي ءىزباساروۆ پەن اقتاۋلىق اقىن رايىمبەك تۇگەلوۆ جىردان شاشۋ شاشتى. ؛

 ؛

الماس التاي, ء«؛وز ويىم»؛ باعدارلاماسىنىڭ جۇرگىزۋشىسى:

• ۇش كۇن بويى اقتاۋ - جاڭاوزەن - وتپان - شەرقالا - اقمىش, قىزىلقالا - كوگەز باعىتىمەن 1 800 - 2 000 شاقىرىم ءجۇرىپ تاستاپپىز. مۇرات "وزەنمۇنايگاز" اق مۇنايشىلارىن ماڭعىستاۋ اۋدانىنداعى تابيعي, تاريحي, مادەني ورىندارمەن تانىستىرۋ ەدى. باۋىرجان مامبەتساپاەۆ دەگەن قازاق بار, ميى تولعان يدەيا, قاشان قاراساڭ تىنباي ىزدەنىپ, ارنەنى شۇقىپ, وقىپ, "ەلگە قايىر ەتسەم ەكەن" دەپ جۇگىرىپ جۇرگەنى. سول باۋىرجاننىڭ يدەياسى ەدى بۇل. "الماسجان, مۇنايدىڭ قابات كەلگەن مەرەيتويلارى قارساڭىندا ءبىزدىڭ ەڭبەككەرلەر دە ءبىر جاساپ قالسىن, ماڭعىستاۋدىڭ ادەمى جەرلەرىن كورسەتىپ كەلەيىك" دەدى. جوسپار قۇرىلدى, مارشرۋت سىزىلدى, كوماندا ءتۇزىلدى. ىسكە كىرىسىپ كەپ كەتتىك. قىزىق تا, قيىندىق تا بولدى. كۇلكى دە, رەنىش تە بولدى. ەڭ باستىسى, ابىرويمەن ءوتتى. باعاسىن حالىق بەرەر, بەرىپ تە جاتىر, قۇدايعا شۇكىر... الپىسقا جاقىنداپ قالعان ءبىر اعامىزدىڭ ايتقان اڭگىمەسى ءتىپتى تولقىتتى: - اپىراااي, ءبىز تەك جۇمىسقا عانا ەمەس, دەمالىسقا دا كەرەك ەكەنبىز عوي.شىنايى ەڭبەك ادامىنىڭ العاۋسىز پىكىرى عوي بۇل. جالپى, ۇيىمداستىرۋدىڭ باسى قاسىندا جۇرگەن سوڭ ماعان كەپ العىس ايتۋشى كوپ بولدى. اللا-اي, ءناپسىڭ كوتەرىلەد-اي. سابىرمەن تىڭداپ الام دا: اعاتاي, مەن ۇيىمداستىرۋشى عانا, العىستى باسشىلىعىڭىزعا ايتىڭىز, ۇجىمىڭىزعا ايتىڭىز, ءتاڭىر جارىلعاسىن-, دەپ شىعارىپ سالام.

 ؛

بەرىك داۋەنوۆ, ولكەتانۋشى, بلوگەر:

• "وزەنمۇنايگاز" اق مۇنايشىلارىنىڭ "ۇلى دالا ديدارى" اتتى ءۇش كۇندىك ولكەتانۋ ەكسپەديسياسىنا اتسالىسۋ مۇمكىندىگى بۇيىردى. ولكەتانۋ ەكسپەديسياسىن ۇيىمداستىرۋ تىزگىنىن ؛الماس ءالتايىنىم قولعا الدى. ءۇش كۇندە 160 ادامدى 3 توپقا ءبولىپ, 5 جانعا جايلى اۆتوبۋسپەن جۇمىستا جۇرگەن مۇنايشىلاردى ۇلى دالامەن ديدارلاستىرۋ ماقسات بولدى. ارينە, مۇنداي جەردە ؛بەكبولات تولەگەنۇلىنىڭ ءجۇرۋى زاڭدىلىق. ولكەنى تانىستىرۋدى قولعا العان بەكبولات ءار كۇن سايىن ساپارعا شىققان مۇنايشىلاردى الدىمەن "اداي اتا - وتپان تاۋ" تاريحي ەتنو -مادەني كەشەنىمەن, ودان ءارى شەرقالا تاۋى, اقمىش, قىزىلقالا قالاسىنىڭ تاريحىمەن تانىستىردى. ساپار سوڭىندا "كوگەز" ەتنو اۋىلىنان تۇسكى اس ءىشىپ, داستارقان باسقارعان ؛فارحاد مۇساەۆ ؛پەن ؛قوسقالي ءتىندىرعانوۆ ؛ازىل-قالجىڭعا قارىق قىلىپ, قىزىقتى جۇرگىزۋىمەن, "جىر-جەبە" اقىندار مەكتەبى مەن بىرگە شالقارباي مەن ؛رايىمبەك تۋزەلوۆ ؛اقىنداردىڭ ايتىسىن تاماشالادىق. تۇششىبەك اۋىلىنىڭ تۋماسى, قۇسبەگى ؛ايشۋاق ءتايمانوۆىنىمنىڭ بۇركىتى مەن تازىسىن تاماشالاپ, ەستەلىك سۋرەتتەرگە تۇسكەن مۇنايشىلار قۇس باپتاۋ ونەرىنىڭ دە ماڭعىستاۋدا ولمەگەنىن كورىپ ريزاشىلىعىن ءبىلدىرىپ جاتتى. داستارقان باسىندا تىلەك ايتۋشى مۇنايشىنىڭ ء"بىز تەك جۇمىس ءۇشىن عانا ەمەس, دەمالىس ءۇشىن كەرەك ەكەنبىز عوي" دەپ تىلەك-العىسىمەن, باسقالارىدا قايتا-قايتا ايتقان ريزاشىلىقتارىمەن باسشىلارىنا كوڭىلدەرىن جەتكىزىپ جاتتى. نەگە ريزا بولماسقا, سوڭعى كۇنگى ساپارىمىزدا باسشىسى ەسەن وعلانۇلى مەن باۋىرجان مامبەتساپاەۆ شەرقالا تاۋىنا كەلگەنىمىزدە ارامىزدان تابىلىپ, تۇسكى استا جۇمىسشى مۇنايشىلارمەن بىرگە داستارقانداس بولدى. جانە ءبىر ەستىگەنىم, "وزەنمۇنايگاز" مەكەمەسى سيسەم اتا قاۋىمىن ءوز قاراۋىنا الىپ, بىرنەشە يگى شارۋالار ۇيىمداستىرىپ جاتىر ەكەن. ءتىپتى بۇگىن قۇدىق قازۋ جۇمىسى دا ءبىتتى دەگەن ءسۇيىنشى جاڭالىعىن ەستىدىم.
  ناعاشىم ؛بەكزات قوسايدىڭ ۆيدەوعا ءتۇسىرىپ, اقپاراتتىق قولداۋ كورسەتكەنىن ايتا كەتەيىن.
  قازاق مۇنايىنىڭ 120 جىلدىعى, وزەن مۇنايىنىڭ 55 جىلدىعىنا وراي, مۇنايشىلاردىڭ كاسىبي مەرەكەسى قارساڭىنداعى مۇنداي ءىس-شارالار الدا دا جالعاسا بەرەدى دەيدى. وڭ بولسىن! قۇتتى بولسىن! بەيبىت كۇننىڭ باتىرلارى - مۇنايشىلاردىڭ مەرەيى مەن كوڭىل كۇيلەرى كوتەرىڭكى بولسا, ءبارىمىزدىڭ جانىمىز تىنىش.