اقپارات جانە قوعامدىق دامۋ ءمينيسترى داۋرەن اباەۆ ەلباسىنىڭ باق پەن شەنەۋنىكتەر اراسىنداعى قاتىناستارىنا قاتىستى سوزىنە پىكىر ءبىلدىردى دەپ حابارلايدى qamshy.kz اقپارات اگەنتتىگى قازاقپارات سايتىنا سىلتەمە جاساپ.
"تەلەفون قوڭىراۋلارى" تۋرالى: ءبىز بەلگىلى ءبىر تالداۋ جۇمىستارىن جۇرگىزەمىز. باس رەداكتورلارمەن بالكىم بىرىگىپ, قانشا قوڭىراۋدىڭ كەلگەنىن ايقىنداۋ كەرەك بولار. ءبىز مۇنداي جاعدايلاردىڭ قالايدا بولعانىن جاسىرمايمىز. دەسە دە, قوڭىراۋلاردىڭ كوبى مەملەكەتتىك ورگانداردىڭ پوزيسياسىن تۇسىندىرۋگە قاتىستى بولعانىنا ءشۇبا كەلتىرمەيمىن. دەمەك, كەيدە جۋرناليستەر كەمشىلىككە نەمەسە قاتەلىككە جول بەرۋى مۇمكىن. تيىسىنشە, مەملەكەتتىك ورگاندار ولارعا حابارلاسىپ, ءتۇسىندىرۋى, پىسىقتاۋى ىقتيمال. ەلباسى دا, مەملەكەت باسشىسى دا اتاپ وتكەندەي, ءبىزدىڭ ەلدىڭ دامۋى ەركىن باق-سىز مۇمكىن ەمەس. ءدال تىلشىلەر &ndash؛ مەملەكەتتىك ورگاندار نازار اۋدارۋى ءتيىس ماسەلەلەردى مەڭزەيتىن ماماندار بولىپ سانالادى", - دەدى داۋرەن اباەۆ ۇكىمەتتىڭ ءباسپاسوز ورتالىعىندا.
ەسكە سالا كەتسەك, شەنەۋنىكتەردىڭ باق رەداكتورلارىنا قىسىم كورسەتەتىنىن "nur otan" پارتياسى ساياسي كەڭەسىنىڭ كەڭەيتىلگەن وتىرىسىندا نۇرسۇلتان نازارباەۆ اتاپ وتكەن بولاتىن.
"داستۇرلى باق پوزيسياسىنان ايىرىلىپ بارادى. داۋرەن اباەۆ وسى ماسەلە بويىنشا ويلانىپ, جۇمىس جۇرگىزۋى كەرەك. تەلەفوندىق قۇقىق بولماۋى ءتيىس. شەنەۋنىكتەر رەداكتورلارعا قىسىم كورسەتەدى. ءارتۇرلى جولدارمەن سىني ماتەريالداردىڭ جولىن كەسەدى. وسىدان كەيىن قوعامدىق سانادا بالاما شىنايىلىق قالىپتاسادى. «؛nur otan»؛ سول سەبەپتى, ءوزىنىڭ اقپاراتتىق ستراتەگياسىن قايتا قاراۋى كەرەك. پارتيالىق باق شىنايى ءارى جەدەل اقپاراتتىڭ كوزىنە اينالىپ, وزا جۇمىس جۇرگىزۋى ءتيىس. ەڭ دارىندى ادامداردى تارتىپ, ءتيىستى ايلىق تولەنۋى كەرەك", - دەدى نازارباەۆ.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر