جوعارى سوت "؛تالگوداعى"؛ زورلاۋ ىسىنە قاتىستى قتج-عا ەسكەرتۋ جاسادى

 ؛

قوستاناي وبلىستىق سوتىنىڭ سۋديالارى "تۇلپار-تالگو" پويىزىندا ايەل زورلادى دەپ ايىپتالعان ەكى جولسەرىكتىڭ ءىسىن قايتا قاراۋعا جىبەرىپ, ولارعا وڭ مىنەزدەمە بەرگەن ؛"قازاقستان تەمىر جولى" ۇلتتىق كومپانياسىنا ەسكەرتۋ جاسادى ؛دەپ جازادى qamshy.kz اقپارات اگەنتتىگى. بۇل تۋرالى جوعارى سوتتىڭ ءباسپاسوز قىزمەتى مالىمدەدى. ؛

"قوستاناي قالاسى № 2 سوتىنىڭ جەتەس ۇمبەتاليەۆ پەن قولعانات قۇرمانيازعا قاتىستى ۇكىمىنىڭ كۇشى جويىلىپ, قىلمىستىق ءىس پروكۋرورعا قايتارىلدى. وسىعان بايلانىستى ءتوراعالىق ەتۋشى سوت ءتوراعاسى ا.مەرعاليەۆ, القا سۋديالارى ك.ج.سالمۇحامەتوۆ, ؛ ق.س.ەكىشەۆا جانە سۋديا ؛ق.س.ەكىشەۆا بار القا قۇرامى قر قپك-نىڭ 405-بابىنىڭ ءبىرىنشى, ءۇشىنشى جانە ءتورتىنشى بولىكتەرىن باسشىلىققا الا وتىرىپ قاۋلى ەتتى", - دەلىنگەن جوعارى سوتتىڭ مالىمدەمەسىندە.

جوعارى سوت مالىمەتىنشە, ەكى جولسەرىككە ۇكىم شىعارار كەزدە قتج-نىڭ ولارعا بەرگەن وڭ مىنەزدەمەسى نەگىزگە الىنىپ, جازا جەڭىلدەتىلگەن.

 ؛"وسى ىستەگى ايىپتاۋ اكتىسىنە سۇيەنسەك, ولار جۇمىس ۋاقىتىندا مەيرامحانا-ۆاگوندا بولعان. № ؛6 ۆاگوننىڭ جولسەرىگى ج.ۇمبەتاليەۆ قوعامعا ءقاۋىپتى ارەكەت جاساۋ ماقساتىندا جابىرلەنۋشىنىڭ قاسىنداعى جولاۋشىنى باسقا كۋپەگە نەگىزسىز اۋىستىرعان. كەيىن سوندا قالعان ايەلدى زورلاعان. بۇل سوراقىلىق ازداي, ج.ۇمبەتاليەۆتەن سوڭ, № 19 ۆاگوننىڭ جولسەرىگى ق.قۇرمانياز ول ايەلگە سونداي زورلىق كورسەتكەن. قوعام نازارىن اۋدارعان بۇل وقيعا «؛قازاقستان تەمىر جولى»؛ ۇلتتىق كومپانياسى باسشىلىعىنىڭ جۇمىسىنداعى ءبىرقاتار كەمشىلىكتىڭ بەتىن اشىپ بەردى. ؛بىرىنشىدەن, كومپانيا باسشىلىعى جولسەرىكتەردىڭ جۇمىسىنا, مىنەز-قۇلقىنا جاۋاپكەرشىلىكپەن قاراماعان. ؛ەكىنشىدەن, فورماليزمگە بوي الدىرىپ, ج.ۇمبەتاليەۆ پەن ق.قۇرمانيازعا بىردەي, ءبىر مازمۇندا وڭ مىنەزدەمە بەرگەن. مىنەزدەمەدە ولاردى كومپانيا باسشىلارى ابدەن ماقتاعان. ولاردىڭ باستاماشىل ەكەنى, جۇمىستارىن جاۋاپتى, ساپالى ءارى ۇقىپتى ورىندايتىنى ايتىلعان. "ىسكەرلىك قاسيەتتەرى, بەلسەندىلىكتەرى, كاسىبي جانە مانساپتىق وسۋگە ۇمتىلىستارى, ارىپتەستەرىمەن, باسشىلىقپەن جاقسى قارىم-قاتىناسى" اتاپ كورسەتىلگەن. ەكەۋى دە "سىيلى, ارىپتەستەرىنىڭ اقىل-كەڭەستەرى مەن ۇسىنىستارىنا دەن قويادى, ەڭبەك ءتارتىبىن ساقتايدى" دەپ جاعىمدى سيپاتتالعان.مۇنداي وڭ مىنەزدەمەلەر جازانى جەڭىلدەتەتىن ءمان-جايلار بولىپ سانالادى. سوندىقتان سوت قك-نىڭ 55-بابى, ەكىنشى بولىگىن قولدانۋعا ءماجبۇر بولدى. وسىلايشا سوت 5 جىلدىڭ ورنىنا, ولارعا 2,5 جىل مەرزىم بەلگىلەدى", - دەدى جوعارى سوتتىڭ ءباسپاسوز قىزمەتى.

ەسكەرتە كەتەيىك, 2018 جىلى قىركۇيەكتە نۇر-سۇلتاننان اقتوبەگە بارۋ ءۇشىن "تۇلپار-تالگو" پويىزىنا مىنگەن ايەل ادامدى ەكى جولسەرىك زورلاعان. ؛

2019 جىلدىڭ 26 شىلدەدە قوستاناي سوتى "تۇلپار-تالگو" پويىزىندا اقتوبەلىك ايەلدى زورلادى" دەپ ايىپتالعان ەكى جولسەرىككە ۇكىم شىعاردى. سۋديا ورازباي ساتىبالدى ايىپتالۋشىلار جەتەس ۇمبەتاليەۆ پەن قولعانات قۇرمانيازوۆتى قىلمىستىق كودەكستىڭ "زورلىق" بابى بويىنشا كىنالى دەپ تانىپ, 2,5 جانە 2 جىل ءۇش ايعا سوتتادى. سوتتا پروكۋرور ولاردى التى جىلعا سوتتاۋدى سۇراعان ەدى. كەيىن قوعامدا سوت شەشىمىنە نارازىلىق كۇشەيىپ, ەلدىڭ كولىك پروكۋراتۋراسى سوت ۇكىمىنە اپەللياسيالىق شاعىم تۇسىرگەن.