دەپۋتاتتار كىمگە 1 ميلليون تەڭگەدەن بەرىلەتىنىن انىقتادى

بۇگىن نۇر-سۇلتان قالالىق ءماسليحاتىنىڭ كەزەكتەن تىس ء54-شى سەسسياسىندا ءبىرقاتار ماڭىزدى ماسەلە قارالدى. ونىڭ ىشىندە تۇرعىن ءۇي سەرتيفيكاتى بەرىلەتىن ؛ ازاماتتاردىڭ ساناتىن انىقتالدى دەپ حابارلايدى ؛qamshy.kz اقپارات اگەنتتىگى ؛sputnik قازاقستان ؛سايتىنا سىلتەمە جاساپ. ؛

قالالىق جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى ساۋلە نۇرعوجينانىڭ ايتۋىنشا, بۇرىن تۇرعىن ءۇي سەرتيفيكاتتارى زاڭدا بولماعان. سوڭعى وزگەرىستەر اياسىندا وسى كۋالىكتەردىڭ انىقتاماسى ەنگىزىلدى. وسىعان بايلانىستى تۇرعىن ءۇي سەرتيفيكاتتارىنىڭ مولشەرى مەن ونى الۋشىلاردىڭ ساناتتارىن ايقىنداۋ قاجەت.

"ەندى 1 ميلليون تەڭگە كولەمىندەگى تۇرعىن ءۇي سەرتيفيكاتتارىن ازاماتتاردىڭ مىنا ساناتتارىنا بەرۋ ۇسىنالادى: نۇر-سۇلتان قالاسىنىڭ اكىمدىگىنە ۆەدومستۆولىق باعىنىستى مەملەكەتتىك مەكەمەلەر مەن مەملەكەتتىك كاسىپورىنداردا قىزمەت ەتەتىن ءبىلىم بەرۋ ۇيىمدارىنداعى پەداگوگتارعا, دەنساۋلىق ساقتاۋ ۇيىمدارىنداعى مەديسينا قىزمەتكەرلەرىنە, ارنايى الەۋمەتتىك قىزمەتتەردى كورسەتۋگە قاتىساتىن الەۋمەتتىك قامتاماسىز ەتۋ ۇيىمدارىنداعى قىزمەتكەرلەرگە, مادەنيەت جانە سپورت ۇيىمدارىنىڭ بەيىندىك قىزمەتكەرلەرىنە, ىشكى ىستەر مينيسترلىگى نۇر-سۇلتان قالاسى پوليسيا دەپارتامەنتىنىڭ قىزمەتكەرلەرىنە", - دەدى نۇرعوجينا.

بۇدان بولەك, بۇگىنگى سەسسيادا حالىقتىڭ الەۋمەتتىك وسال توپتارى - مۇگەدەك بالالارى بار نەمەسە ولاردى تاربيەلەپ وتىرعان وتباسىلار, "التىن القا" مەن "كۇمىس القا" يەگەرلەرى, بۇرىن "باتىر انا", سونداي-اق, i جانە ii دارەجەلى "انا داڭقى" وردەنىمەن ماراپاتتالعان كوپبالالى انالار مەن تولىق ەمەس وتباسىلارعا تۇرعىن ءۇي سەرتيفيكاتتارىن بەرۋ ۇسىنىلدى.

ماسليحات دەپۋتاتتارى تۇرعىن ءۇي سەرتيفيكاتتارىن الۋشىلاردىڭ ءتىزىمىن انىقتاۋ ماسەلەسىن قولداپ, ءبىراۋىزدان داۋىس بەردى.

 ؛