• usd 468.56

  • eur 497.56

  • rub 7.3

  • cny 67.18

29 ناۋرىز, 04:15:34
الماتى
+35°

جامبىل وبلىسىندا ەلباسى نۇرسۇلتان نازارباەۆتىڭ «؛بولاشاققا باعدار: رۋحاني جاڭعىرۋ»؛ ماقالاسىندا تاپسىرىلعان «؛قازاقستاننىڭ كيەلى جەرلەرىنىڭ گەوگرافياسى»؛ جوباسىنىڭ بالامالى نۇسقاسى جاسالعان. وندا وبلىستىڭ ءار قيىرىنداعى ءبىرقاتار تاريحي-مادەني, ارحەولوگيالىق نىساندار تىزىمگە الىنعان. سونىڭ ءبىرى قورداي باتىرعا قويىلعان ەسكەرتكىش. بۇگىندە جەرگىلىكتى تۇرعىندار اراسىندا تۇتاس ءبىر اۋدانعا اتى بەرىلگەن باتىرعا قاتىستى اڭىز-اڭگىمەلەردىڭ بىرنەشە نۇسقاسى ايتىلادى ؛دەپ جازادى qamshy.kz اقپارات اگەنتتىگى. ؛

قازاقتىڭ تاۋەلسىز مەملەكەت بولىپ قالىپتاسۋ تاريحىندا ەرەن ەرلىگىمەن, كوزسىز باتىرلىعىمەن ەلدىڭ ەسىندە قالعان تۇلعالار جەتەرلىك. سونىڭ ءبىرى دە بىرەگەيى قورداي باتىر. سوناۋ ءبىرتۇتاس قازاق ۇعىمى پايدا بولماعان ءى-ىى عاسىردا ءومىر سۇرگەن باتىر اسيبي دەگەن ەل بيلەۋشىسىنىڭ سەنىمدى سەرىگى بولعانعا ۇقسايدى. پاتشا امىرىمەن قورداي باتىر شىعىستان كەلەتىن جاۋعا تويتارىس بەرۋدى مىندەتىنە العان. قورداي باتىر سەكىلدى اسپارا, اتار سىندى قولباسشىلار ەلدىڭ ىرگەسىن باسقان جاۋ جولىنا قارسى تۇرا بىلگەن.

اڭىزداردا قورداي باتىردىڭ دەنە ءبىتىمى وتە ءىرى بولعاندىعى ايتىلادى. باتىردىڭ تۇلعالى, الىپ بولعانىن تابانىنىڭ كولەمىنەن بايقاۋعا بولادى. قازىرگى تاڭدا قورداي باتىرعا ورناتىلعان ەسكەرتكىش ماڭىندا ونىڭ ءىزى قالعان تاس بار. بۇل باس بەتىندەگى باتىردىڭ ىزىنە قاتىستى ءتۇرلى جورامالدار ايتىلادى. سونىڭ بىرىندە بيىك شوقىنىڭ ۇستىندەگى تاسقا شىعىپ, جاۋلارىنىڭ كەلە جاتقانىن كورگەن باتىر اشۋعا بۋلىققان ساتتە تاستىڭ بەتىنە اياعىنىڭ ىزدەرى قالعانى تۋرالى باياندالادى.

قورداي باتىر ءوزىنىڭ جاۋجۇرەكتىلىگىنەن بولەك ايلاكەرلىگىمەن دە جاۋعا تويتارىس بەرە بىلگەن تۇلعا. قازىرگى جامبىل وبلىسىنىڭ اۋماعىنداعى حانتاۋ بوكتەرىن جاۋ شاپقان كەزدە, شۋدىڭ باتىس جاعىنان اسپارا باتىر, شىعىستان قورداي باتىر ەكەۋى اقىلداسا كەلىپ, جاۋدىڭ قالىڭ قولىن قىرىپ سالعان دەسەدى. قاپيادا قوس باتىرعا قارسى امال جاساي الماعان جاۋ اسكەرىنىڭ قىپ-قىزىل قانى حانتاۋ تاۋىنىڭ بوكتەرى مەن ساي-سالاسىنان جوسىلا اعىپتى. وسى ءبىر وقيعادان سوڭ سول تاۋدىڭ اتى «؛قانتاۋ»؛ اتالىپ كەتكەن. ونى بۇگىندە حالىق حانتاۋ دەپ اتايدى.

ەل باسىنا كۇن تۋعان شاقتا حالقىنا قورعان بولىپ بىلەكتىڭ كۇشىمەن, ايلاكەرىگىمەن امال جاساعان قورداي باتىردىڭ ەسكەرتكىشى قازىرگى قورداي اۋدانى, الماتى-قورداي كۇرە جولىنىڭ 171 شاقىرىمىنداعى قورداي اسۋىنا قويىلعان. ەسكەرتكىش 2002 جىلى قىزىل گرانيت تاستان كولەمدى ەتىپ جاسالىپ, تاس تۇعىردىڭ ۇستىنە ورناتىلعان. بۇل ەسكەرتكىش ەل اۋماعىنداعى تاۋەلسىزدىك پەن ازاتتىق جولىندا جانىن پيدا ەتكەن باتىرلارعا قويىلعان ەسكەرتكىشتەردىڭ ءبىر پاراسى عانا.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر