مۇستافا وزتۇرىك جامبىل جەرىندە

اعىمداعى جىلى 80 جىلدىق مەرەيتويى تويلاناتىن جامبىل وبلىسىنىڭ ەل رۋحانياتى, مادەنيەتى مەن ادەبيەتىندە قايتالانباس ورنى بار ءوڭىر. سول وڭىرلەرگە ءار جىلدارى الەمگە, ەلگە تانىمال تۇلعالار تابان تىرەپ, جامبىلدىقتارمەن رياسىز جۇزدەسۋلەر جاساعانىن ايعاقتايتىن تاريحي دەرەكتەر جەتەرلىك. سول سەكىلدى 1990 جىلدىڭ 6-8 قازان ارالىعىندا تاراز قالاسىنداعى قازىرگى ورتالىق ستاديوندا (سول كەزدەگى «؛حيميك»؛ ستاديونىندا) تاەكۆوندادان الەم چەمپيونى مۇستافا وزتۇرىك شىعىس جەكپە-جەكتەرى مەكتەبىن اشۋ ماقساتىندا شوۋ وتكىزگەن ؛دەپ جازادى qamshy.kz اقپارات اگەنتتىگى. ؛

اتالعان ءىس-شارانى تانىمال تەاتر جانە كينو اكتەرى دوسحان جولجاقسىنوۆ جۇرگىزگەن. سونداي-اق بۇل شوۋدا رابيعا امانجولوۆا باستاعان الماتىلىق «؛ماقپال»؛ ءسان ءۇيىنىڭ سۇلۋلارى كيىم ۇلگىلەرىن كورسەتكەن. قۇرمەتتى قوناقتاردى قۇشاق جايا قارسى العان جامبىلدىق جۇرتشىلىقپەن بىرگە سول كەزدەگى وبلىستىق قازاق دراما تەاترىنىڭ اكتەرى ابيىربەك تىناليەۆ مۇسافا وزتۇرىككە ارناپ «؛ەلىڭ قايدا»؛ ءانىن ورىنداعان ەكەن. داڭقتى سپورتشىمەن كەزدەسۋ جامبىل پەداگوگيكالىق ينستيتۋتىندا (قازىرگى تاراز مەملەكەتتىك پەداگوگيكالىق ۋنيۆەرسيتەتى), سول كەزدەگى تالاس اۋدانىنىڭ ورتالىعى بولعان اقكول اۋىلىندا ءوتىپتى. فوتوشەجىرەدەن سول كەزدەگى مۇستافا وزتۇرىكپەن ەرە جۇرگەن القالى توپتىڭ قۇرامىندا وڭتۇستىك قازاقستان وبلىسىنىڭ تۋماسى, قازاقستان سۋرەتشىلەر وداعىنىڭ مۇشەسى بەكسەيىت تۇلكەەۆتىڭ دە بولعانىن اڭعارۋ قيىن ەمەس.

ايتا كەتۋ كەرەك مۇستافا وزتۇرىك قازاق سپورتى تاريحىندا اتى التىن ارىپپەن جازىلاتىن بىردەن ءبىر تۇلعا. زامان اعىمىمەن تۇركيادان تۇراق تاپقان قازاق وتباسىندا دۇنيەگە كەلگەن مۇستافا تاەكۆوندودان قارا بەلبەۋ 6 دان يەگەرى اتانعان تۇڭعىش قازاق. ءتىپتى كەيبىر دەرەكتەردە مۇستافامەن اتاقتى بريۋس ءليدىڭ ءبىر جاتتىعۋ زالىندا دايىندالعانى ايتىلادى. 1980 جىلى مۇستافا باپكەرلىك جاساعان تۇركيانىڭ تاەكۆوندو قۇراماسى الەم چەمپيوناتىندا ەكىنشى ورىنعا يە بولادى. بۇل تۇركيالىق سپورتشىلار ءۇشىن سەنساسيالىق جەڭىس ەدى.

1990 جىلى اتامەكەنىنە ورالعان الاشتىڭ ايبوز ۇلى سول ساتتە ەلگە دەگەن قۇشتارلىق سەزىمىن ەرەكشە جەتكىزە بىلگەن. ارادا 5 جىل وتكەن سوڭ قازاقتىڭ ماڭدايىنا بىتكەن ارىستاي ۇل اقتىق ساپارعا اتتاندى. ءقازىر الماتى قالاسىنداعى ءبىر كوشە ارتىنا وشپەس ءىز قالدىرعان داڭقتىڭ سپورتشىنىڭ قۇرمەتىنە مۇستافا وزتۇرىك دەپ اتالادى.