كاميل راحماتي–تارازدىڭ تۇڭعىش ارحيتەكتورى

بيىل 80 جىلدىق مەرەيتويىن تويلايتىن جامبىل وبلىسىنىڭ ورتالىعى تاراز قالاسىنىڭ (بۇرىنعى جامبىل) ساۋلەتتىك كەلبەتىن جاقسارتۋ ىسىنە كاسىبي ماماندار 1957-1958 جىلدارى تارتىلا باستادى. ءوز كەزەگىندە سول كەزدەگى كاسىپقوي ارحيتەكتورلاردىڭ ءبىرى كاميل راحماتي وبلىستىڭ باس جوسپارىن تۇزدى ؛دەپ جازادى qamshy.kz اقپارات اگەنتتىگى. ؛

تاريحي دەرەكتەرگە سۇيەنەتىن بولساق بۇدان 80جىل بۇرىن جامبىل وبلىسى قۇرىلعان ساتتە ونىڭ قۇرىلىسى, ساۋلەتتىك كەلبەتى سىندى شارۋالاردى قولعا الۋعا ەش مۇمكىندىك بولماعان. جاھاندىق گەوساياساتتاعى تۇراقسىزدىق, گيتلەردىڭ كەڭەس وداعىنا شابۋىل جاساۋى مۇمكىندىگىن ەسكەرىپ دەرەۋ وڭىرلەردى باسقارۋ ىسىنە كىرىسكەن ءستاليننىڭ بۇيرىعىمەن ەلىمىزدە بىرنەشە وبلىستاردى قۇرىلدى. بۇل وبلىستاردى قۇرۋدا باس قولباسشىسىنىڭ بەلگىلى ءبىر ماقسات بولعانىمەن ولاردا كوركەيتۋ جۇمىستارىن جۇرگىزۋگە قارجىنىڭ تاپشىلىعى قول بايلاۋ بولدى. وسىلايشا جامبىل وبلىسىنىڭ ورتالىعى بولعان سول كەزدەگى جامبىل (قازىرگى تاراز) قالاسىن كورىكتەندىرۋ شارالارى دا تەك 1957-1958 جىلدارى عانا قولعا الىندى. جەرگىلىكتى بيلىك ارنايى تاپسىرمامەن بىلىكتى ارحيتەكتور كاميل ءراحماتيدى جامبىل قالاسىنا شاقىرتتى. بۇل ساۋلەتشى كەيىننەن وبلىستىڭ باس جوسپارىن دا ازىرلەدى. ونىڭ كومەكشىسى رەتىندە ينجەنەر ا.انيپكو ارحيتەكتۋرالىق سىزبالاردى ازىرلەپ وتىرعان.جامبىل قالاسىنىڭ قۇرىلىسىن جۇرگىزۋ كەزىندە باسشىلىققا الىنۋى ءتيىستى كەيبىر قاعيدالار سول تۇستاعى ەلدىڭ باسشىسى د.قوناەۆتىڭ قولىمەن بەكىتىلگەن ەكەن. ءارى ەلدىڭ حيميا الىبى سانالعان شاھاردىڭ ساۋلەتتىك كەلبەتىن جاقسارتۋدىڭ ستراتەگيالىق استارى دا بار ەدى.

مىنە ءوز كەزەگىندە مەملەكەتتىك ماڭىزى بار وسى ميسسيانى مۇلتىكسىز ىسكە اسىرا بىلگەن ساۋلەتشى كاميل راحماتي 1924 جىلى 25-شىلدە وزبەكستان رەسپۋبليكاسى, تاشكەنت قالاسىندا دۇنيەگە كەلگەن. ماماندىعى كاسىبي ساۋلەتشى, كەڭەس وداعىنىڭ ساۋلەتشىلەر وداعىنىڭ مۇشەسى بولعان. جوعارى ءبىلىمدى ورتا ازيا پوليتەحنيكالىق ينستيتۋتىنان العان مامان 1955 &ndash؛ 1960 جىلدارى جامبىل قالاسىنىڭ باس ساۋلەتشى اتانىپ, قۇرىلىس جانە ساۋلەت ىستەرى جونىندەگى وبلىستىق ءبولىمدى باسقارعان. جامبىلداعى جاۋاپكەرشىلىگى مول قىزمەتىنەن كەيىن كاميل راحماتي 1960 &ndash؛ 63 جىلى سسسر قۇرىلىس جانە ساۋلەت اكادەمياسىنىڭ الماتى قالاسىنداعى قازاق فيليالىنىڭ اسپيرانتۋراسىندا ءبىلىم الادى. مۇنان سوڭ 1965 &ndash؛ 70 جىلدارى وڭتۇستىك قازاقستان ولكەسى كوممۋنالدىق شارۋاشىلىعى باسقارماسىنىڭ باستىعى, 1978 &ndash؛ 79 جىلى «؛وڭتۇستىكقالااۋىلجوبا»؛ ينستيتۋتى فيليالىنىڭ باس ساۋلەتشىسى, «؛ەجەلگى تاراز ەسكەرتكىشتەرى»؛ مۇراجاي-قورىنىڭ ديرەكتورى بولىپ قىزمەت ەتتى. ك.راحماتي جامبىل قالاسىنداعى بەلگىلى ەسكەرتكىشتەرمەن بىرگە, وڭىردەگى مەركى, قۇلان, جۋالى سىندى اۋدان ورتالىقتارىنداعى ءبىرقاتار قۇرىلىس نىساندارىنىڭ دا جوباسىن جاساعان.