جامبىلدا الەۋمەتتىك كومەك الىپ, كاسىپ اشۋعا كۇش سالاتىندار كوپ

بۇگىندە جامبىل وبلىسىندا 32,5 مىڭ وتباسى اتاۋلى الەۋمەتتىك كومەك الادى. ولاردىڭ اراسىندا تاعايىندالعان كومەكتىڭ 3 ايلىق سوماسىن الدىن-الا الىپ جەكە قوسالقى شارۋاشىلىعىن دامىتۋعا كۇش سالعاندارى بارشىلىق. ءبىر عانا جۋالى اۋدانىنىڭ وزىندە 5 وتباسى اتاۋلى الەۋمەتتىك كومەك تاعايىندالعان ساتتەن ونىڭ 3 ايلىق سوماسىن الدىن الا الۋعا ءوتىنىش بەرگەن ؛دەپ جازادى qamshy.kz اقپارات اگەنتتىگى. ؛

جۋالى اۋداندىق جۇمىسپەن قامتۋ ورتالىعىنىڭ ديرەكتورى ءسابيتحان قوجانوۆ بۇل باستاما تۋرالى ۇسىنىس كومەك الۋشى وتباسىلاردىڭ وزىنەن تۇسكەنىن ايتادى.

&ndash؛جاز ايلارىندا جۇمىسسىز جۇرگەن جاندار ءۇشىن ماۋسىمدىق جۇمىستار كوبەيەدى. اسىرەسە ەگىس القاپتارىندا جيىن-تەرىم باستالعاننان كۇندىك اقىعا كەلىسىپ, بالا-شاعانىڭ ءناپاقىسىن ايىرىپ جۇرگەندەر بار. ولاردىڭ اراسىنان اتاۋلى الەۋمەتتىك كومەك تاعايىندالعان وتباسىلاردىڭ مۇشەلەرىن دە كوپتەپ كەزىكتىرەسىز. سايكەسىنشە كۇندەلىكتى ازىق-تۇلىگىنە قاجەتتى قارجى تابىلىپ تۇرعان سوڭ اتاۋلى الەۋمەتتىك كومەكتىڭ 3 ايلىق سوماسىن الدىن الا الىپ, جەكە قوسالقى شارۋاشىلىقتى دامىتۋعا كۇش سالعانداردىڭ ەسەبى تۇگەل. كومەك تاعايىندالعان ساتتەن تۇسكەن مۇنداي وتىنىشتەر اۋدان اكىمى جانىنداعى ارنايى كوميسسيادا قارالۋدا,&ndash؛دەيدى ورتالىق ديرەكتورى.

ال وسىناۋ مۇمكىندىكتى وڭتايلى پايدالانعان نۇرلىكەنتتىك ايدا جاقاشوۆا بۇزاۋلى سيىر العالى بالا-شاعانىڭ اققا اۋزى تيگەنىن ايتادى.

&ndash؛ماعان اتاۋلى الەۋمەتتىك كومەك مامىر ايىندا تاعايىندالدى. سول ساتتە بۇل كومەكتى ءبىر جولعى تولەم رەتىندە الۋعا بولاتىنىن ءبىلىپ, ءتيىستى ورىندارعا وتىنىشپەن شىقتىم. ناتيجەسىندە 177 مىڭ تەڭگە قارجىعا قول جەتكىزىپ, وعان 1 بۇزاۋلى سيىر ساتىپ الدىم. ارينە جالعىز سيىردىڭ ءسۇتى بالالاردىڭ ىشكەنىن ارتىلمايدى. ءبىراق بىزگە سونىڭ ءوزى ۇلكەن ولجا.

بۇگىندە مەملەكەت تاراپىنان اتاۋلى الەۋمەتتىك كومەك تاعايىندالعان وتباسىلاردىڭ تۇرمىسىن تىكتەۋدىڭ بارلىق مۇمكىندىگى قاراستىرىلىپ جاتىر. مەنىڭ ءوزىم «؛جۇمىسپەن قامتۋ 2020»؛ باعدارلاماسى بويىنشا تاراز قالاسىندا جۇرگىزۋشىلىك كۋرستان ءوتتىم. مۇنىڭ بارلىعى تۇپتەپ كەلگەن الەۋمەتتىك كومەك مۇقتاج جانداردىڭ بىرتە-بىرتە ءوز قولى ءوز اۋزىنا جەتۋىنە جاسالىپ جاتقان جاعداي جاقسى ەكەنىن تۇسىنەمىز, &ndash؛دەيدى ا.جاقاشوۆا.

ال اتالعان اۋدانعا قاراستى شاقپاقاتا اۋىلدىق وكرۋگىندە 257 وتباسىعا اتاۋلى الەۋمەتتىك كومەك تاعايىندالعان. ولاردىڭ اراسىندا دا الەۋمەتتىك كومەكتىڭ 3 ايلىق سوماسىن الدىن الا الىپ, جەكە قوسالقى شارۋاشىلىقتى جولعا قويعاندارى بار. ماسەلەن 5 بالانىڭ اناسى تولعاناي تاجىباەۆا 300 مىڭ تەڭگەگە 10 باس قوي ساتىپ الىپتى.

&ndash؛جاسىراتىنى جوق جاردەماقىنى اي سايىن السام ۇساق-تۇيەك نارسەگە جاراتىلىپ كەتەر ەدى. سوندىقتان دا ونىڭ 3 ايلىق سوماسىن الدىن الا الۋعا بەل بۋدىم. ءقازىر 10 قويدى بورداقىلاپ وتىرمىز. ولاردى كەز كەلگەن ۋاقىتتا قاجەتىنە قاراي ساتۋعا دا بولادى عوي. سول سەبەپتەن دە اتاۋلى الەۋمەتتىك كومەكتى ءبىر رەتتىك تولەم رەتىندە تاعايىنداۋ تاجىريبەسىنىڭ بەرەرى مول ەكەندىگىنە سەنىمدىمىن. ءقازىردىڭ وزىندە ءبىزدىڭ اۋىلدا وسى جۇيەمەن جەكە

قوسالقى شارۋاشىلىعىنىڭ بويىنا قان جۇگىرتۋدى جوسپارلاپ جۇرگەندەر, &ndash؛دەيدى ت.تاجىباەۆا.