جامبىلدا مەملەكەتتىك تاپسىرمالار ءمىنسىز ورىندالۋدا

ەلباسى 2020 جىلعا دەيىن بۇقارالىق سپورتتى جانىنا سەرىك ەتكەندەردىڭ ۇلەسىن 30 پايىزعا جەتكىزۋدى مىندەتتەگەنى بەلگىلى. وسىعان وراي جامبىل وبلىسىندا تۇرعىندار اراسىندا سالاۋاتتى ءومىر سالتىن قالىپتاستىرۋعا ايرىقشا كوڭىل بولىنۋدە ؛دەپ جازادى qamshy.kz اقپارات اگەنتتىگى. ؛

اتاپ ايتساق, 2019 جىلى شۋ اۋدانى بويىنشا 207 سپورت نىسانى انىقتالدى. ونىڭ ىشىندە 1 سپورت كەشەنى, 2 ستاديون, 61 سپورت زال (49 تيپتىك, 12 ورناتىلعان), 71 فۋتبول الاڭى, 72 سپورت الاڭشاسى (32 فۋتبول, 13 ۆولەيبول, 11 باسكەتبول, 3 قۇرامداستىرىلعان, 13 گيمناستيكالىق) بار.

2019 جىلدىڭ جەتى ايىندا شۋ اۋدانى بويىنشا سپورتپەن شۇعىلدانۋشىلار كورسەتكىشى 29,9 %, ياعني 30502 ادامدى قۇرادى. ونىڭ ىشىندە, 5714 ادام 14 جاسقا دەيىنگىلەر, 14139 ادام 14-29 جاس ارالىعىنداعى جاستار جانە 10649 ادام 29 جاستان اسقان ازاماتتار.

7-دەن 18 جاسقا دەيىنگى جاسوسپىرىمدەر مەن جەتكىنشەكتەردىڭ بجسم جانە دەنە دايىندىعى سپورت كلۋبتارىندا دەنە شىنىقتىرۋ مەن سپورتپەن شۇعىلدانۋىشىلار 2019 جىلعا شۋ اۋدانى بويىنشا بۇل كورسەتكىش 15,1% ياعني 2751 ادامدى قۇرايدى.

سپورت مەكتەپتەرىندە 2019 جىلدىڭ جەتى ايىندا 1939 شۇعىلدانۋشى وقۋشىلار تىركەلگەن.

اۋدان بويىنشا جالپى ءبىلىم بەرۋ مەكەمەلەرىندە 15 سپورت ءتۇرى بويىنشا 477 ۇيىرمەلەر جۇمىس ىستەيدى. بۇل ۇيىرمەلەرگە 8639 وقۋشى قامتىلعان.

شۋ اۋدانى بويىنشا 2019 جىلدىڭ باسىنان بارلىعى 62 سپورتتىق ءىس-شارا وتكىزىلدى جانە وسى ءىس-شارالارعا 14512 ادام قامتىلسا, اۋداندىق دەنە شىنىقتىرۋ جانە سپورت ءبولىمىنىڭ تىكەلەي ۇيىمداستىرۋىمەن بۇگىنگى كۇنگە دەيىن 48 سپورتتىق ءىس-شارا وتكىزىلىپ, وعان 9141 ادام قامتىلعان.

قوعامدىق ءتارتىپ, جول قوزعالىسى قاۋىپسىزدىگى دە ەلدى مەكەندە ءجىتى نازاردا.

2019 جىلدىڭ جەتى ايىندا جالپى ءار ءتۇرلى 285 قىلمىستىق ىستەر تىركەلىپ (2018 ج.&ndash؛275), وتكەن جىلعا قاراعاندا قىلمىس 3,6%-عا جوعارى. ونىڭ ىشىندە جالپى اۋىر جانە اسا اۋىر 55 قىلمىستىق ىستەر تىركەلىپ, وتكەن جىلعىدان 41% وسكەن(2018 ج. -39).

قىلمىستىق ىستەردىڭ اشىلۋ دەڭگەيى 66,5% قۇراپ وتىر (2018 ج. &ndash؛ 65,9%) 2018 جىلدىڭ ءتيىستى كەزەڭىمەن سالىستىرعاندا 9% جوعارى. بيىلعى جىلى جاسالعان قىلمىستاردىڭ ىشىندە توناۋ - 2 (2018 ج. - 3), بۇزاقىلىق - 0(2018 ج. - 1), مال ۇرلاۋ - 4 (2018 ج. - 0).

ەسەپتى كەزەڭدە اۋدان كولەمىندە 76 جول كولىك وقيعاسى تىركەلىپ, ونىڭ سالدارىنان 9 ادام قازا بولىپ, 102 ادام دەنە جاراقاتىن العان.

2018 جىلدىڭ ءتيىستى كەزەڭىمەن سالىستىرعاندا جول كولىك وقيعاسى 26,6% جوعارى, كىسى ءولىمى 7 ادام. دەنە جاراقاتىن العاندار 14,6 پايىزعا جوعارى,

(2018 جىل&ndash؛60 جول كولىك وقيعالارىندا 7 ادام قايتىس بولعان, 89 ادام دەنە جاراقاتىن العان).