جامبىلدا جايىلىمدىق جەرلەردى ۇيىمداستىرۋ جۇمىستارى ءجۇرىپ جاتىر

جامبىل وبلىسىنىڭ جەر ەسەبىنە سايكەس وبلىستىڭ جەر قورىنىڭ 65 پايىزىن نەمەسە 9,4 ميلليون گەكتاردان استامىن جايىلىمدىق جەرلەر الىپ وتىر. سوعان قاراماستان, جايىلىمداردى پايدالانۋدى رەتتەۋ &ndash؛ بۇگىندە وزەكتى ماسەلەلەردىڭ بىرى ؛دەپ جازادى qamshy.kz اقپارات اگەنتتىگى. ؛

2018 جىلدىڭ 1 قاراشاسىنداعى جاعداي بويىنشا وبلىستىڭ جەر قورى 14 426,4 مىڭ گەكتاردى قۇرادى. اگرارلىق سالانى رەفورمالاۋ بارىسىندا 1,7 ميلليون گەكتاردان استام جايىلىمدىقتاردىڭ اۋىلشارۋاشىلىق ماقساتىنداعى جەرلەردەن ورمان قورىنا اۋىستىرىلعان.

اربىر ەلدىمەكەن بويىنشا شارۋاشىلىقتاردىڭ بارلىق ساناتتارىنداعى مال باسىنىڭ ەسەبى الىنىپ, جايىلىم جەرلەردى ناقتىلاۋ جۇرگىزىلدى, ءار اۋىلدىق وكرۋگ بويىنشا جالپى پايدالانىمداعى جايىلىم جەرلەردىڭ پايدالانۋعا بەرىلىپ كەتكەن بولىگىنىڭ جانە ەلدىمەكەندەر اۋماعىنا 5-7 شاقىرىم جاقىن ورنالاسقان جايىلىم جەرلەردىڭ يەلەرىن انىقتاۋ جۇمىستارى جۇرگىزىلدى.

تالداۋ ناتيجەسى, ايزاق, جۋالى, قورداي, مەركى اۋداندارىنىڭ 19 اۋىلدىق وكرۋگىندە جالپى پايدالانىمداعى 1,044 مىڭ گەكتار جايىلىمدىق 35 جەر پايدالانۋشىعا بەرىلىپ كەتكەندىگىن كورسەتتى.

جەر كاداسترىنداعى مالىمەتتەرگە سايكەس, اتالعان اۋماقتا 92 مىڭ گەكتار جايىلىم جەرلەر بەكىتىلگەن 364 جەر پايدالانۋشىلار ءتىزىمى جاسالدى. وسى جەرلەردى جەرپايدالانۋشىلارمەن كەلىسە وتىرىپ اۋىلدىق اكىمدىكتەرگە بەكىتىپ بەرۋ ارقىلى 57 اۋىلدىق وكرۋگتەر بويىنشا جايىلىمدارعا سۇرانىستى قاناعاتتاندىرۋعا بولادى. مىسالى, وسى جىلى جۋالى اۋدانىندا كورسەتىلگەن اۋماققا كىرەتىن 120 گەكتار جايىلىمنىڭ 100 گەكتارى مەملەكەتكە قايتارىلدى.

زەردەلەۋ ناتيجەسىندە اۋىل شارۋاشىلىعى كاساپورىندارى, شارۋا-فەرمەر قوجالىقتارى, وزىندىك قوسالقى شارۋاشىلىقتار بويىنشا تىركەلگەن مال باسىنىڭ ەسەبى ناقتىلاندى.

الىنعان مالىمەتتەرگە سايكەس 2019 جىلعى مال باسى 1992 جىلمەن سالىستىرعاند اقوي-ەشكى 4,238 مىڭ, تۇيە 2,1 مىڭ, باسقا كەمىگەن. مال باسى تۋرالى مالىمەتتەرگە جانە اۋىل شارۋاشىلىعى مينيسترلىگىمەن بەكىتىلگەن جايىلىمدار جۇكتەمەسىنە سايكەس جايىلىمدارعا قاجەتتىلىك ەسەپتەلدى.

بۇل ورايدا ەڭ كوپقاجەتتىلىك وبلىس تۇرعىندارىنىڭ جەكە يەلىگىندەگى مال باسى بويىنشا قالىپتاسىپ وتىر. وسىنىڭ سالدارىنان سوڭعى جىلدارى ەلدىمەكەندەر ماڭايىنداعى جايىلىمدارعا جۇكتەمە شامادان ارتىپ, بۇل جەرلەر دەگراداسياعا ۇشىراۋدا.

تالداۋ ناتيجەسى وبلىس اۋداندارىندا يەلىگىندە جايىلىم جەرلەرى بار 5 574 اگرو قۇرىلىمداردىڭ بىردە-بىر باس مال ۇستامايتىندىعىن كورسەتتى.

وسىنىڭ سالدارىنان ەلدىمەكەندەر ماڭىنداعى جايىلىمدارعا جۇكتەمە ارتىپ, بۇل جەرلەر دەگراداسياعا ۇشىراۋدا.