تارازدىقتار مەملەكەتتىك باعدارلامانىڭ شاراپاتىن كورىپ جاتىر

بۇگىنگى تاڭدا ەل تۇرعىندارى ءۇشىن باسپانالى بولۋدىڭ مۇمكىندىكتەرى كوپ. ماسەلەن «؛نۇرلى جەر»؛ مەملەكەتتىك باعدارلاماسى حالىقتى باسپانامەن قامتاماسىز ەتۋ ءىسىن ىلگەرىلەتۋگە وڭ ىقپالىن تيگىزۋدە. ناتيجەسىندە قولعا الىنعان باعدارلاما ەل يگىلىگىنە قىزمەت ەتىپ, ءاربىر ازاماتتىڭ پاتەرلى بولۋىنا مۇمكىندىك ۇسىنۋدا. جامبىل وبلىسىندا دا «؛نۇرلى جەر»؛ باعدارلاماسى ارقىلى باسپانالى بولىپ, مەرەيى تاسىعان وتباسىلاردىڭ قاتارى جىل ساناپ وسۋدە. جىل سايىن 2 مىڭعا جۋىق وتباسى قونىس تويىن تويلاپ, باعدارلاما تالايدىڭ الىس ارمانىن جاقىنداتا تۇستى ؛دەپ جازادى qamshy.kz اقپارات اگەنتتىگى. ؛

سونىمەن قاتار ەندى قالا تۇرعىندارى «؛نۇرلى جەر»؛ مەملەكەتتىك باعدارلاماسى اياسىندا «؛جەكە تۇرعىن ءۇي قۇرىلىسىن دامىتۋ»؛ باعىتى بويىنشا جەر تەلىمىنە قوسا قۇرىلىسى اياقتالعان جەكە تۇرعىن ءۇي الا الادى. جەكە تۇرعىن ۇيلەردىڭ قۇرىلىسىن جۇرگىزۋ ءۇشىن ءتيىستى جەر تەلىمى ء«؛بىرىڭعاي قۇرىلىس جۇرگىزۋشىگە»؛ ءبولىنىپ بەرىلگەن.

قازىرگى ۋاقىتتا جاقان سابالاقوۆ كوشەسىنىڭ (15 ىقشاماۋدان) سوڭىندا جەكە تۇرعىن ۇيلەردىڭ قۇرىلىسى قارقىندى تۇردە جۇرگىزىلۋدە. بۇگىنگە دەيىن 14 تۇرعىن ءۇيدىڭ قۇرىلىسى اياقتالىپ, 38 ءۇيدىڭ قۇرىلىسى جۇرگىزىلۋدە. سونداي-اق ەلۋ ءۇش ءۇيدىڭ قۇرىلىسى ەندى باستالدى.

جالپى بۇل ۇيلەردى 2005-2006 جىلدارى جەر كەزەگىندە تۇرعاندار ازاماتتار عانا الا الادى. تاراز قالاسىندا 2005-2006 جىلدارى جەر كەزەگىندە تۇرعان ازاماتتاردىڭ سانى-13 132. اعىمداعى جىلدىڭ ناۋرىز ايىندا «؛نۇرلى جەر»؛ تۇرعىن ءۇي باعدارلاماسىنا قاتىسۋعا جەر تەلىمدەرىنىڭ بولىنۋىنە بايلانىستى 3 300 ازاماتقا ەسكەرتۋ حات جولداندى. سونىڭ ىشىندە 60 ازامات «؛تۇرعىن ءۇي قۇرىلىس جيناق بانكى»؛ اكسيونەرلىك قوعامى وبلىستىق فيليالىنا جولداما الىپ, 10 ازامات الدىن الا تولەم قابىلەتتىلىگىنەن ءوتتى.

سونىمەن قاتار كەزەكتە تۇرعان 8000 ازاماتقا باعدارلاماعا قاتىسۋ ءۇشىن ەسكەرتۋ حاتتار داديىندالدى. بۇل باعىتتاعى جۇمىستارعا ەرىكتىلەر تارتىلىپ, ەسكەرتۋ حاتتاردى كورسەتىلگەن مەكەنجايعا جەتكىزۋ جۇمىستارى جۇرگىزىلۋدە.

ال, قالا تۇرعىندارى وسى ماسەلە بويىنشا تولعاندىرعان كەز كەلگەن سۇراعىنا نۇرلى جەر»؛ باعدارلاماسىن ىسكە اسىرۋ بويىنشا ارنايى قۇرىلعان شتاب ماماندارىنىڭ كومەگىنە جۇگىنىپ, ناقتى جاۋاپ الا الادى.

ەگەر بۇل باعىتتاعى جوسپارلى جۇمىستار ءوز ۋاقىتىندا اياقتالىپ جاتسا, جىل سوڭىنا دەيىن تاعى جۇزدەگەن وتباسى باسپانالى بولۋ باقىتىنا كەنەلەتىن بولادى.