تاعى دا قارىز. ەندى قاي سالا بەرەشەككە باتتى؟

قتج وسىنشا ميللياردتاردى «؛قازاقستاندىق قور بيرجاسىندا»؛ (kase) 15 جىلدىق وبليگاسيالارىن ورنالاستىرۋ ارقىلى تاۋىپ وتىر. kase حابارلاۋىنشا, ۇلتتىق تەمىر جول وپەراتورى ءوزىنىڭ kz2c00005866 (tmjlb6) وبليگاسيالارىنا ارزان قاراجات تارتا الدى: 2034 جىلعى 20 تامىزعا دەيىن شىعارىلعان قۇندى قاعازدىڭ سىياقىسىنا ۇلتتىق كومپانيا جىلدىق 2% عانا تولەيدى.

بيرجاداعى قتج وبليگاسيالارىن ساتۋ بويىنشا مامانداندىرىلعان ساۋداعا جالعىز عانا قاتىسۋشى قاتىسقان.

ۇلتتىق كومپانيانىڭ 40 ميلليون قاعازىنىڭ ءار داناسىن 1 مىڭ تەڭگەدەن ساتىپ الىپ, 40 ملرد تەڭگەنى دە سول بەردى.

الماتىداعى «؛ورتالىق قۇندى قاعازدار دەپوزيتارييى»؛ اق-ى دەرەگىنشە, ساۋدا ناتيجەسى بويىنشا تاراپتار ەسەپ ايىرىسىپ, مامىلەنى ورىنداعان. ناقتىلاي كەتسەك, ءوتىنىشتىڭ قابىلدانعانى 11:30 شاماسىندا راستالسا, قارجىنىڭ تولەنگەن ۋاقىتى رەتىندە ساعات 13:30 كورسەتىلگەن. وبليگاسيالار 5 مىڭ 400 كۇنگە بەرىلىپ وتىر.

قازاقستاندىق قور بيرجاسى ءوتىنىش «؛جابىق»؛ تاسىلمەن بەرىلگەنىن ءمالىم ەتتى. ياعني, قتج قۇندى قاعازدارىن كىمنىڭ يەلەنگەنى بەلگىسىز.

جالپى, كومپانيا دۇركىن-دۇركىن قوماقتى قارىز الىپ تۇرادى. kase ساراپشىلارى بيىلعى 10 شىلدەدە سولاردىڭ ءبىرى &ndash؛ حالىقارالىق وبليگاسيالار بويىنشا (xs0799658637, us48667dad66, tmjle1) «؛قازاقستان تەمىر جولى»؛ ء14-شى رەت تولەم تولەگەنىن ءمالىم ەتتى. تولەم كولەمى 38 ميلليون 225 مىڭ دوللاردى قۇراعان. ؛

بۇدان بولەك, 2019 جىلعى 26 شىلدەدە قتج تاعى ءبىر وبليگاسيالارى (kz2c00004109, tmjlb4) بويىنشا ءتورتىنشى كۋپونىن وتەدى. ونىڭ سوماسى 1 ميلليارد 375 ميلليون تەڭگەگە جەتتى.

بۇدان بۇرىن ءىرى كولەمدەگى قارىزدى «؛قازاقستان تەمىر جولى»؛ 2016 جىلعى 25 ساۋىردە تارتقان بولاتىن: وندا ول الماتىدا ورنالاسقان وتاندىق بيرجادا 50 ميلليارد تەڭگەگە وبليگاسيالارىن ورنالاستىردى (kzp01y10f217, kz2c00003564, tmjlb3). ءبىراق ول ءۇشىن تولەيتىن سىياقىسى دا مول &ndash؛ 10 جىل بويى جىلدىق 16,92%-دان بەرىپ وتىرادى. ؛

بىلتىرعى 2017 جىلى قتج ءوز تاريحىندا العاش رەت ءتول قۇندى قاعازدارىن رەسەيلىك رۋبلدە ورنالاستىردى. ايتپاقشى, بۇعان دەيىن پوستكەڭەستىك كەڭىستىككە كىرەتىن ءبىر دە ءبىر مەملەكەتتىڭ ۇلتتىق كومپانياسى رەسەي نارىعىندا مۇنداي كورپوراتيۆتىك شىعارىلىم جاساۋدى ءجون كورمەپتى. الپاۋىت كورشىسىن قولپاشتاپ, شاشباۋىن كوتەرىپ جۇرەتىن قازاقستان بۇل سالادا دا العاشقى بولدى.

قتج سوندا رەسەيلىك ينۆەستورلارعا 8,75% سىياقى تولەۋگە مىندەتتەمە الىپ, 5 جىلعا 15 ملرد تەڭگە تارتتى.

«؛قازاقستان تەمىر جولىنىڭ»؛ جيىنتىقتى قارجىلىق ەسەبىنە جۇگىنسەك, 2019 جىلعى 31 ناۋرىزداعى جاعداي بويىنشا كومپانيا توبىنىڭ اعىمداعى مىندەتتەمەلەرى اعىمداعى اكتيۆتەرىنەن 195 ؛370 ؛000 ؛000 تەڭگەگە اسىپ ءتۇسىپ وتىر. قۇجاتتا قتج-نىڭ ۇكىمەتتەن العان كاپيتال ەسەبىنەن جانە قارىز قاراجاتتارعا ءىرى ينۆەستيسيالىق جوبالاردى قارجىلاندىرىپ كەلە جاتقانى اتاپ وتىلەدى.

كومپانيا توبى قارىزدارىن ءسوندىرۋ ءۇشىن ون ەكى اي ىشىندە 137 ؛374 ؛000 ؛000 تەڭگەنى كرەديتورلارىنا تولەۋى ءتيىس.

ەسەپتە «؛2019 جىلعى 31 مامىرداعى جاعدايعا سايكەس, قازاقستان تەمىر جولى»؛ ۇك»؛ اق-نىڭ قارىزى 1 تريلليون 241 ميلليارد 393 ميلليون تەڭگەنى قۇرايتىنى ايتىلعان.

وسىنىڭ الدىندا, 2018 جىلعى 31 جەلتوقسانداعى جاعداي بويىنشا ودان 40 ميللياردتايعا از &ndash؛ 1 ترلن 207,1 ملن تەڭگە بولدى. ەندى ءتورت ايداي ۋاقىت وتكەندە تاعى قىرىق ميللياردتايعا ارتۋدا. سوندا وسىنشا ميللياردتار قايدا كەتۋدە؟

قتج دەرەگىنشە, بيىلعى جىلعى ءبىرىنشى توقساندا كومپانيا توبى 973 ملن تەڭگەگە جۇك جانە جولاۋشىلار ۆاگوندارىن, لوكوموتيۆتەردى, باسقا دا نەگىزگى قۇرالدار تۇرىندە اكتيۆتەردى ساتىپ العان. جىل باسىنان بەرى «؛قۇرىق»؛ تەڭىز پورتىنداعى پاروم كەشەنىنىڭ قۇرىلىسىن جالعاستىرۋعا 1 ملرد 339 ملن تەڭگە جۇمسالعان. وتكەن جىلى «؛قۇرىققا»؛ 5 ملرد 728 ملن تەڭگە باعىتتالعان بولاتىن. ۇلتتىق كومپانيا تەمىر جول ينفراقۇرىلىمىنا قاتىستى وزگە دە جوبالاردى ىسكە اسىرىپ جاتىر.

باقىت كومەكبايۇلى