الماس احمەتبەكۇلى: شەتتە قيىندىقتا قالعان اعايىن اقشا ەمەس, ارا ءتۇسۋدى سۇرادى

نۇر وتان پارتياسى ساياسي كەڭەسىنىڭ 21 تامىزداعى كەڭەيتىلگەن ماجىلىسىندە پارتيا كوسەمى ەلباسى نۇرسۇلتان نازارباەۆ پراتيانى جاڭعىرتۋ تۋرالى جاڭاشا جارلىق سيپاتتى ويلارىن ورتاعا سالدى. حالىقپەن جۇمىس ىستەۋدى قاداعالاپ تاپسىردى. ءبارى دە باياعىداي تۇسىنىكتى ايتىلدى. كوڭىلگە قوندى. ؛

سوز اراسىندا ەلباسى كوپ بالالى وتباسىلارعا ارناپ:

تاۋەلسىزدىك العان جىلدارى كۇن سايىن جۇزدەگەن مالىمدەمە جاساپ, ەل ىشىندە مىڭداعان ساپار جاسادىم. سەبەبى جۇمىس تا, ايلىق تا جوق ەدى. دۇكەن سورەلەرى بوس تۇراتىن. سول كەزدە ءبارى: "اقشا بەر!" دەيتىن. مەملەكەتتە اقشا جوق بولسا, نەنى بەرەدى؟ ءقازىر سول وتىز جىل بۇرىنعى لوزۋنگىنى كوتەرىپ, "ماعان بەر, مەنىڭ بالام كوپ, ايلىعىم از" دەيدى. سەن نە ويلادىڭ؟ بۇل &ndash؛ سەنىڭ ماسەلەڭ عوي, سەن بۇرىن مەملەكەتپەن اقىلداسپادىڭ عوي" دەدى.

بۇدان ىلگەرگى سوزدەرىندە "كوپ بالالى, تۇرمىسى تومەن وتباسىلار مەلەكەت قامقورلىعىندا" ەكەنىن ايتىپ كەلگەن باسشىنىڭ بۇل ءسوزىن توسىن قابىلدادىق جانە ولاردىڭ كىممەن اقىلداسۋى كەرەك بولعانىن, نەنى اقىلداسۋى كەرەك ەكەنىن دە ءدال تاپپادىق. ؛

وعان قوسا تۇڭعىش پرەزيدەنتىمىز: "ميلليون ورالماندى ءبىز (ەلىمىزگە) الىپ كەلدىك. بىردە-بىر (بىزدەن باسقا مەملەكەت) ونى ىستەگەن جوق. الىپ كەلىپ, "جۇمىس ىستەڭدەر, بالالارىڭ ۇيرەنسىن, ءوسسىن" دەسەك, ولار ايتادى: ماعان بەرىڭدەر (دەپ). جۇمىس ىستەڭدەر! جۇمىس ىستەمەسەڭدەر ەشتەمە بولمايدى.... دەپ ەلگە تۇسىندىرىڭدەر". (دالمە-دال ءماتىن وسى) دەپ تاپسىرما بەردى پارتيا بەلسەندىلەرىنە.

بىز بۇل ءسوزدى دە ميىمىزعا سيعىزا المادىق. ال دارحان قالەلتاەۆ پەن كەشە عانا تاعايىندالعان مينيستر ءبىرجان نۇرىمبەتوۆ قالاي قابىلدادى ەكەن دەپ ويلادىق. "ەلگە كەلگەن ميلليون ورالمان ەڭبەكسىز, ەرىنشەك, سۇرامشاق قاۋىم. ولارعا تۇسىنىكتەن باسقا ەشتەمە تاتىرماۋ كەرەك" دەگەن تاپسىرما الدىق دەپ ويلادى ما؟ ؛

ال, شىن مانىندە ولار ناعىز ەڭبەكقور, وتانسۇيگىش قاۋىم.

سوڭعى ۋاقىتتا ەلباسىدان شەتتە قيىندىقتا قالعان اعايىنعا ارا ءتۇسۋدى كوپ بولىپ سۇراعان شىعار. ال, اقشا سۇراعانى تۋرالى اقپارات بولماعانىنا جۇرت كۋا.

بۇل سوزدەر الەۋمەتتىك جەلىدە دە قىزۋ تالقىلانىپ جاتقانى ءمالىم.

بىز تۇڭعىش پرەزيدەت, ەلباسى ايتقان جوعارىداعى ەكى قۇرمالاس سويلەم جايلى, ميلليون ورالمانعا بەرىلگەن مىنەزدەمە جايلى پارتيا باسپا ءسوز قىزمەتى تۇسىنىك بەرەدى دەگەن ۇمىتتەمىز.

الماس احمەتبەكۇلى, عacebook الەۋمەتتىك جەلىسىنەن