ستۋدەنتتەر ايىنا 250 مىڭ تەڭگە تولەيتىن جۇمىستا ىستەگىسى كەلەدى

"قازاقستاننىڭ ەڭ تارتىمدى جۇمىس بەرۋشىلەرى" رەيتينگىن جاسايتىن حالىقارالىق universum كومپانياسى ؛جاستاردىڭ قايدا جۇمىس ىستەگىسى كەلەتىنىن انىقتاۋ ءۇشىن زەرتتەۋ جۇرگىزدى, ؛&ndash؛ دەپ حابارلايدى ؛qamshy.kz اقپارات اگەنتتىگى ؛forbes.kz-كە سىلتەمە جاساپ.

رەيتينگ ناتيجەسى كورسەتكەندەي, ستۋدەنتتەرگە جۇمىس بەرۋشىنىڭ تۇراقتىلىعى مەن سەنىمدىلىگى ماڭىز يە. الەۋمەتتىك زەرتتەۋگە 2018 جىلدىڭ قاراشاسى مەن 2019 جىلدىڭ ءساۋىرى ارالىعىندا 98 جوعارى وقۋ ورنىنىڭ 9936 ستۋدەنتى اراسىندا جۇرگىزىلگەن پىكىرتەرىم ناتيجەسى نەگىز ەتىپ الىنعان. رەسپوندەنتتەردىڭ 44 پايىزى ۇل, 56 پايىزى قىز بالا. سۇرالعانداردىڭ 30 پايىزى &ndash؛ بيزنەس/كوممەرسيا, 17 پايىزى &ndash؛ ينجينيرينگ, 10 پايىزى &ndash؛ ءىت, 11 پايىزى &ndash؛ جاراتىلىستانۋ عىلىمدارى, 20 پايىزى &ndash؛ گۋمانيتارلىق عىلىمدار, ونەر, ءبىلىم بەرۋ, 6 پايىزى &ndash؛ قۇقىق, تاعى 6 پايىزى &ndash؛ دەنساۋلىق ساقتاۋ سالاسىندا قىزمەت ەتكىسى كەلەتىنىن ايتقان. ساۋالناماعا قاتىسقان ستۋدەنتتەر وقۋ ورنىن بىتىرگەن سوڭ قولدارىنا العىسى كەلەتىن جالاقىنىڭ ورتاشا كولەمى 255 ؛230 تەڭگەنى قۇرايدى.

universum ۇيىمىنداعىلار بۇل زەرتتەۋلەر جۇمىس بەرۋشىلەر ءۇشىن قىزمەتكەرلەردى باسقارۋ ستراتەگياسىن قۇرۋعا جانە برەندپەن جۇمىس ىستەۋگە كومەكتەسەتىندىگىن اتاپ ءوتتى.

ستۋدەنتتەر اراسىندا مەيلىنشە تارتىمدى سالالار قاتارىنا تومەندەگىلەر كىرەدى: تۋريزم, قوناقجاي بيزنەسى &ndash؛ 17%, ونەر, ويىن-ساۋىق, دەمالىستى ۇيىمداستىرۋ &ndash؛ 16%, مەملەكەتتىك سالا مەن ۇكىمەتتىك قىزمەت &ndash؛ 15%, بانك سالاسى &ndash؛ 14%, ءبىلىم بەرۋ جانە عىلىمي وردالار &ndash؛ 13%.

زەرتتەۋ بارىسىندا انىقتالعانداي, جاستار ءۇشىن جۇمىس بەرۋشىنىڭ جوعارى جالاقى تولەيتىنى, كومپانيانىڭ نارىقتاعى تابىستىلىعى, كاسىبي دامۋعا, جوعارى ونىمدىلىككە مۇمكىندىكتىڭ بولۋى, ءىسساپار, شەتەلدە قىزمەت ەتۋ سىندى ەرەكشەلىكتەر اسا ماڭىزدى.