جول ازابى: دوڭگەلەكتەر جارىلىپ جاتىر (ۆيدەو)

تالدىقورعاننان بالقاش كولىنە قاتىنايتىن كۇرە جولدىڭ قۇرىلىسى 2 جىل بويى تۇرالاپ تۇر. سونىڭ سالدارىنان كولگە دەمالۋعا باراتىن تۋريستەر سانى دا كۇرت ازايعان ؛دەپ حابارلايدى qamshy.kz اقپارات اگەنتتىگى ؛ەۋرازيا ؛ارناسىنا سىلتەمە جاساپ. ؛

ودان بولەك, جول بويىنداعى 5 اۋىلدىڭ تۇرعىندارى جول ازابىن تارتىپ وتىرعاندارىن ايتادى. 30 ملرد تەڭگە قارجى جۇمسالاتىن بۇل جوبا تاعى قانشا ۋاقىتقا سوزىلماق؟ ؛

تالدىقورعان ارقىلى بالقاش كولىنە باراتىن جولدىڭ جايىن ايتسا, جۇرگىزۋشىلەر جىلاپ قويا بەرەدى. ەكى جىلدان بەرى ابدەن زاردابىن تارتتىق, دەيدى. ونىڭ ۇستىنە مەردىگەر مەكەمە 141 شاقىرىم جولدىڭ 35 شاقىرىمىن ەسكى اسفالتىمەن قوسا, قىرىپ تاستاپتى. ؛

"دوڭگەلەكتەر جارىلىپ جاتىر. قىرلى-قىرلى تاستار توگىپ تاستاعان. قىرلى تاستار قيىپ جىبەرەدى. سونىڭ ءبارىن اۋىستىرامىز. جاسايمىز. ەشكىمدە جۇمىس ىستەيىن دەگەن نيەت جوق. ايتەۋىر ءبارى جولدى شاشىپ قويىپ جاتىر. جۇمىسىنان ناتيجە كورىپ جاتقان جوقپىز", - دەيدى كولىك جۇرگىزۋشىسى كۇمىسبەك جاقسىبەكوۆ. ؛

جول جوندەۋ جۇمىسى وتە باياۋ. وسى ۋاقىتقا دەيىن وتكەلدەر مەن كوپىرلەر عانا سالىنعان. مۇنىمەن قوسا, 5 شاقىرىمعا جەتەر-جەتپەس اۋماق اسفالتتالىپتى. الايدا, ونىڭ ءوزى قولدانىسقا بەرىلمەگەن. ەڭ سوراقىسى جول قۇرىلىسىنا بارحان قۇمى پايدالانىلىپ جاتىر, - دەيدى جەرگىلىكتى جۇرت. ؛

ال, جول جوندەۋشىلەر قۇمدى تەك اينالما جول سالۋعا پايدالانىپ جاتقاندارىن ايتىپ اقتالدى. ؛

"بارحان قۇمىن پايدالانۋعا بولا ما؟ بۇل جول ەمەس قوي. اينالما جول. باسقا جەردە جولدىڭ استىنا سالىنىپ جاتىر عوي؟ جولعا سالىنعان نە قۇم؟ ونى باسقالارعا ايتىڭىز. ماعان ەمەس", - دەدى "جول" جشس ماستەرى (ۋچاسكە باستىعى) ۇسەن قادىروۆ. ؛

ال, كولتابان اۋىلىنىڭ تۇرعىنى ءادىل ءابدىراقىنوۆ جول جاساعانى بىلاي تۇرسىن, اينالماسىن سالىپ, ەگىستىك جەرلەرىمىزدى جارامسىز ەتتى, - دەپ اشىنىپ وتىر. ؛

جىرعا اينالعان جول ماسەلەسى ءقازىر بالقاشتا ءتۋريزمنىڭ دامۋىنا مۇمكىندىك بەرمەي تۇر. كۇردەلى جوندەۋ جۇمىستارى باستالعالى كولگە كەلەتىن دەمالۋشىلار سانى دا ءبىرشاما ازايعان. ؛

"2018 جىلى ءبىزدىڭ بالقاش كولىنىڭ جاعالاۋىندا 25 000 حالىق دەمالىپ قايتاتىن. بيىل ونداي ەمەس. كوبىنە اۆتوبۋستار جۇرمەيدى. ءوز كولىكتەرىمەن باراتىن تۋريستەر سانى دا ازايادى ما دەپ وتىرمىز", - دەيدى الماتى وبلىستىق تۋريزم باسقارماسىنىڭ ءبولىم باسشىسى باقىتجان ورازباەۆ. ؛

جولعا جاۋاپتى مامانداردىڭ پىكىرىنشە, تالدىقورعان-لەپسى باعىتىنداعى جول 3 كەزەڭ بويىنشا جوندەلمەك. ياعني, العاشقى كەزەڭدە 35 شاقىرىم جەردى اسفالتتاۋ كوزدەلگەن. ونىڭ ءوزى ء2021-شى جىلعا دەيىن سوزىلادى. ؛

"جوبانى تولىعىمەن اياقتاۋ, جاڭا ءوزىم ايتقانداي, جالپى 141 شاقىرىم. بارلىق سومماسى 30 ملرد-قا جۋىق بولىپ وتىر عوي. ەندى, بۇل قاراجاتتىڭ بولىنۋىنە قاراي اياقتالاتىن جۇمىس. ءبىراق, ءبىز نەگىزگى جوسپاردى 2021 جىلى بىتىرسەك, دەپ ويلاعان بولاتىنبىز. بۇل ء0-35-تى بىتىرەمىز دەپ ويلايمىن. ول قاراجاتتىڭ بولىنۋىنە سايكەس", - دەدى الماتى وبلىستىق جولاۋشىلار كولىگى جانە اۆتوموبيل جولدارى باسقارماسى باسشىسىنىڭ ورىنباسارى عالىمجان دارىباەۆ. ؛

جول قۇرىلىسىن تولىعىمەن اياقتاۋ ماسەلەسى قوماقتى قاراجاتقا تىرەلىپ تۇر. ەگەر 3 جىلدا 35 شاقىرىم اۋماق جوندەلسە, قالعان 100 شاقىرىمىن رەتكە كەلتىرۋ جۇمىستارى ءبىراز جىلعا سوزىلاتىن سىڭايلى.

 ؛