22 تامىز, 2019 news
5 كۇندىك جۇمىس اپتاسى جىل سوڭىنا دەيىن شەشىلەدى
قازاقستان مەكتەپتەرىن 5 كۇندىك جۇمىس اپتاسىنا اۋىستىرۋ ماسەلەسى جىل سوڭىنا دەيىن شەشىلەدى, دەپ حابارلايدى qamshy.kz اقپارات اگەنتتىگى.
بۇل تۋرالى قر ءبىلىم جانە عىلىم ۆيسە-مينيسترى فاتيما جاقىپوۆا قازمەديا ورتالىعىندا وتكەن پلەنارلىق وتىرىستا مالىمدەدى.
"قازىرگى ۋاقىتتا ۇستازدار قاۋىمىن 5 كۇندىك جۇمىس اپتاسى الاڭداتىپ وتىر. بۇعان دەيىن باق-تا ءبىلىم جانە عىلىم ءمينيسترى اسحات ايماعامبەتوۆتىڭ ءسوزى جاريالاندى. وندا مينيسترلىك ءاربىر مەكتەپتىڭ پەداگوگيكالىق كەڭەستە تيپتىك وقۋ جوسپارىن, سىنىپتار سانىن ەسكەرە وتىرىپ, 5 كۇندىك جۇمىس اپتاسىنا اۋىسۋدى ۇسىنادى. مۇندا وزگە شەشىمنىڭ قاجەتى جوق, ەگەر مەكتەپ بەسكۇندىككە اۋىسسا, سەنبى كۇنىن ءمۇعالىم قالاۋىنشا وتكىزەر ەدى. نەمەسە مەكتەپ اكىمشىلىگى ايىنا ءبىر رەت ادىستەمەلىك جيىن وتكىزە الادى. سوندىقتان, بۇل بەس كۇندىك جۇمىس اپتاسى ماسەلەسى جىل سوڭىنا دەيىن شەشىلەدى دەپ ويلايمىز. بۇل &ndash؛ مۇعالىمدەر تاراپىنان ەڭ ءجيى قويىلاتىن سۇراق, سوندىقتان مەكتەپ اكىمشىلىكتەرىنە وسى ماسەلەنى قولعا الۋدى وتىنەمىز. ونىڭ ۇستىنە, پرەزيدەنت قاسىم-جومارت توقاەۆ مۇعالىمدەردى كاسىبىنەن تىس جۇمىسقا سالماۋدى تاپسىردى, &ndash؛ دەدى فاتيما جاقىپوۆا.
ايجان سەرىكجانقىزى
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر