"؛وتباسىمدى باۋىزداپ تاستايمىز دەپ قورقىتتى"؛. قارجى جىمقىراتىن جاڭا الاياقتار پايدا بولدى (ۆيدەو)

الاياقتار الدىمەن بانك كارتوچكاسى يەسىنىڭ تەلەفون نومەرىنە قۇپيا ءسوز جولدايدى. ارتىنشا قوڭىراۋ شالىپ, ءوزىن بانك قىزمەتكەرى رەتىندە تانىستىرىپ, ۇيالى تەلەفون نومەرىنە جىبەرىلگەن قۇپيا ءسوزدى ايتۋدى وتىنەدى. الاياقتىقتىڭ جاڭا ءتۇرى تۋرالى ماليكا دۇيسەنباەۆا اتتى فەيسبۋك قولدانۋشىسى ءوزىنىڭ ؛پاراقشاسىندا ؛مالىمدەدى.

"وتباسىمدى باۋىزداپ تاستايمىز دەپ قورقىتتى. نازار اۋدارىڭىزدار, الاياقتىق ارەكەت! وزدەرىن كاسپي بانكتىڭ قاۋىپسىزدىك قىزمەتىنەنبىز دەپ تانىستىرعاندار قوڭىراۋ شالدى. بانكتەن حابارلاما تۇرىندە جىبەرىلگەن ءقۇپياسوزدى ايتۋىمدى سۇرادى. مەن بانك كولورتالىعىنا حابارلاسىپ, تەكسەرىپ كورمەك بولعانمىن. وسى ارقىلى مەن ولاردىڭ (قوڭىراۋ شالۋشى الاياقتاردى, رەد.) اشۋىنا تيسەم كەرەك, مەنى جانە وتباسىمدى ولتىرەتىنىن ايتتى. قىسقاسى بارلىق اڭگىمەنى ۆيدەوعا ءتۇسىرىپ الدىم. قىزىقتىڭ كوكەسى ۆيدەونىڭ سوڭعى جاعىندا. الاياقتارمەن سويلەسكەننەن كەيىن ماناعى نومەرگە قايتادان قوڭىراۋ شالعانىمدا, نومەر يەسى ءوزىنىڭ قاتىسى جوق ەكەنىن, مەن حابارلاسقان ءتورتىنشى ادام ەكەنىمدى ايتتى. ەندى نە ىستەرىمدى بىلمەيمىن. ءبىر جاعىنان قورقىنىشتى. ولار مەن تۋرالى ءبارىن بىلەدى. ماقۇل, تەلەفون نومەرىم مەن نەمەن اينالىساتىنىمدى قويا بەرشى, ولار مەنىڭ كارتامنىڭ نومەرىن دە بىلەدى عوي. ولاردا بانكتىك دەرەكتەر قايدان ءجۇر؟" ؛&ndash؛ ؛ دەپ جازدى فەيسبۋك قولدانۋشىسى.

وقيعاعا قاتىستى ؛kaspi بانكى قىزمەتكەرلەرىنىڭ كارتا نومەرىنىڭ فوتوسىن, كارتا دەرەكتەرى تۋرالى اقپارات, sms حابارلامامەن كەلگەن كود, جەكە كابينەتتىڭ ءپارولىن ەشقاشان سۇرامايتىنىن ءمالىم ەتتى.

"قارجىلىق دەرەكتەرىڭىزدى بوتەن ادامعا كورسەتپەۋلەرىڭىزدى, بەرمەۋلەرىڭىزدى سۇرايمىز. كۇماندى پاراقشالارعا كوڭىل بولمەڭىزدەر. الاياقتاردىڭ قۇرىعىنا ءتۇسىپ قالماس ءۇشىن دەرەكتەرىڭىزدى حابارلاما ارقىلى جىبەرمەڭىزدەر. اتالعان جايت بويىنشا, قۇزىرلى ورگان تەكسەرىس جۇرگىزەدى. مىندەتتى تۇردە قر زاڭى اياسىندا شارا قولدانىلادى" ؛&ndash؛ ؛دەلىنگەن بانك حابارلاماسىندا.

تۇتقانىڭ ارعى جاعىنداعى ادامنىڭ اڭگىمەسىنە قاراپ جەلى قولدانۋشىلارى الاياقتار رەسەيدەن قوڭىراۋ شالعان بولۋى مۇمكىن دەپ جازىپ جاتىر.

ەسكەرتۋ, ۆيدەودا بىلاپىت سوزدەر, ۇلتارالىق ارازدىقتى قوزدىرۋشى اڭگىمەلەر بار. ؛

 ؛