"؛پارتيا مۇشەسى ەكەندىگىمىزدەن قورقامىز با؟"؛ نازارباەۆ بيلىك پارتياسىنىڭ كەيبىر مۇشەلەرىن سىنادى

 ؛

قازاقستانداعى بيلىك پارتياسى "نۇر وتاننىڭ" ءتوراعاسى, ەلدىڭ بۇرىنعى پرەزيدەنتى ؛ نۇرسۇلتان نازارباەۆ ەل استناسى نۇر-سۇلتان قالاسىندا وتكەن ؛پارتيانىڭ ساياسي كەڭەسىنىڭ كەڭەيتىلگەن وتىرىسىندا پارتيانىڭ قۇرامىندا بار ەكەندىكتەرىن كورسەتكىسى كەلمەيتىن ؛ اكىمدەر مەن مينيسترلەردى سىنادى دەپ جازادى qamshy.kz اقپارات اگەنتتىگى. ؛

نازارباەۆتىڭ ايتۋىنشا, ""نۇر وتان" پارتياسىنىڭ بارلىق مۇشەسى جاريا تۇردە پارتياعا قاتىسى بار ەكەندىگىن پاش ەتۋى ءتيىس".

"مۇنان دا جامانى كەيبىر مەملەكەتتىك ورگانداردىڭ باسشىلارى, مينيسترلەر, اكىمدەر ءوزىن پارتيامەن بىرگە ەكەندىگىن كورسەتكىسى كەلمەيدى. پارتيا بىلاي, مەن بىلاي, وزىمە ءوزىم وسى جەردە باستىقپىن. "نۇر وتان"-نىڭ بارلىق مۇشەسى جاريا تۇردە پارتياعا قاتىسى بار ەكەندىگىن پاش ەتۋى ءتيىس. پارتيا توسبەلگىسىن بۇگىنگى وتىرىسقا عانا تاعىپ كەلمەۋ قاجەت. مىسالى, مالايزيادا مينيسترلەر, پرەمەر-مينيستر, ورىنباسارلارى, بارلىعى توسبەلگى تاعىپ جۇرەدى. كوشەدە ادامدار مەملەكەتتىك قىزمەتشى كەلە جاتقانىن كورەدى. ال ءبىز شە؟ پارتيا مۇشەسى ەكەندىگىمىزدەن قورقامىز با؟ وندا شىعىڭىزدار, باسقاسىن تاڭداپ الامىز", - دەدى بيلىك پارياسىنىڭ ءتوراعاسى. ؛

سونىمەن قاتار نازارباەۆ ماۋسىم ايىندا شىمكەنت قالاسىندا وتكەن نارازىلىق كەزىندە "نۇر وتاننىڭ" تۋىن جۇلىپ تاستاعاندا پارتيا مۇشەلەرىنىڭ شاراسىزدىق تانىتقانىن سىنعا الدى. ؛

"شىمكەنتتە پارتيانىڭ تۋىن جۇلىپ تاستادى. بۇل وقيعا ورتالىق كەڭسەنىڭ الدىندا بولدى. بىرەۋى دە ءلام-ميم دەگەن جوق. پارتيا قايدا قارادى؟ ارتىنان ءبارىن ورنىنا كەلتىرۋگە تۋرا كەلدى. مىنە, ءبارى وسىندايدا بايقالادى. پارتيا, "نۇر وتان" دەيمىز. ءبىراق تىپ-تىنىش وتىرامىز. ءبىر نارسەدەن قورقامىز با؟", - دەدى نازارباەۆ.

ەسكە سالا كەتەيىك, 24 ماۋسىمدا تۇركىستان وبلىسى ارىس قالاسىندا ءوق-دارى ساقتايتىن قويما جارىلىپ, قالا تۇرعىندارى شىمكەنتكە ەۆاكۋاسيالانعان بولاتىن. 27 ماۋسىمدا ارىس تۇرعىندارى شىمكەتتە ميتينگ جاساپ, قالا كوشەلەرىمەن ءجۇرىپ ءوتتى. سول كەزدە ءبىر جاس جىگىت "نۇر وتان" پارتياسى عيماراتىنىڭ الدىنداعى تۇعىرعا ءمىنىپ, پارتيانىڭ تۋىن جۇلىپ تاستاماق بولدى.

 ؛