ەلباسى: شەنەۋنىكتەر باق رەداكتورلارىنا قىسىم كورسەتپەۋى كەرەك

"پارتيا العا قاراي جىلجيتىن, اقپاراتتىق, يدەولوگيالىق ساياساتتى جۇرگىزۋى ءتيىس. بۇگىنگى تاڭدا مەديادا شىنايى بەينەنى بۇلدىراتاتىن ارنالار كوبەيىپ بارادى. جاي عانا قايداعى ءبىر سۇراقتى لاقتىرادى دا &ndash؛ شىندىققا ساي كەلە مە, جوق پا ءبىلىپ الىڭدار دەيدى (...) كەيىن پارتيانىڭ تولىق مەدياتوبى, تەلەۆيزيالىق ارناسى, گازەتتەرى &ndash؛ اۋزىن جاۋىپ وتىرادى. ءبىزدىڭ ورتالىق اقپاراتتىق ارنالار دا اۋزىن اشپايدى. وي, قورقامىز... بۇرىن مەن كەرىسىنشە, ماعان اقشا تولە, ايتپەسە سەن تۋرالى جامان جازامىن دەگەن رەداكتورلاردى جازالايتىن ەدىم. اكىمدەر وسى ءۇشىن اقشا تولەيتىن. ال ءقازىر ەگەر سەن بىردەڭە جازساڭ, بىرەۋ ارقىلى سەنى جۇمىستان شىعارامىن دەگەن بوپسا پايدا بولدى. ءبىز ونى بىلەمىز. ەگەر وسىنداي جاعداي تىركەلسە, قانداي لاۋازىمدا بولسا دا, جۇمىستان شىعارامىز. كىم بولسا, ول بولسىن", ؛&ndash؛ دەدى ەلباسى "nur otan" پارتياسى ساياسي كەڭەسىنىڭ كەڭەيتىلگەن وتىرىسىندا.

نۇرسۇلتان نازارباەۆ قازىرگى تاڭدا كەز كەلگەن ماسەلەنى رەسپۋبليكالىق دەڭگەيدەگى پروبلەما ەتىپ كورسەتۋ جاعدايى بەلەڭ الىپ بارا جاتقانىن ايتىپ ءوتتى.

"ينتەرنەت وعان كومەكتەسىپ جاتىر. ەشكىم جاۋاپ بەرمەيدى. پارتيا جالا جاپقانى ءۇشىن جاۋاپكەرشىلىكتى كۇشەيتۋ ماقساتىندا زاڭ قابىلداۋ باستاماسىن كوتەرۋى ءتيىس. ەشكىم ەشكىمگە ءىستى ابسۋردقا دەيىن جەتكىزۋ قۇقىعىن بەرگەن جوق. ءداستۇرلى باق پوزيسياسىنان ايىرىلىپ بارادى. داۋرەن اباەۆ وسى ماسەلە بويىنشا ويلانىپ, جۇمىس جۇرگىزۋى كەرەك. تەلەفوندىق قۇقىق بولماۋى ءتيىس. شەنەۋنىكتەر رەداكتورلارعا قىسىم كورسەتەدى. ءارتۇرلى جولدارمەن سىني ماتەريالداردىڭ جولىن كەسەدى. وسىدان كەيىن قوعامدىق سانادا بالاما شىنايىلىق قالىپتاسادى. "nur otan" سول سەبەپتى, ءوزىنىڭ اقپاراتتىق ستراتەگياسىن قايتا قاراۋى كەرەك. پارتيالىق باق شىنايى ءارى جەدەل اقپاراتتىڭ كوزىنە اينالىپ, وزا جۇمىس جۇرگىزۋى ءتيىس. ەڭ دارىندى ادامداردى تارتىپ, ءتيىستى ايلىق تولەنۋى كەرەك", ؛&ndash؛ دەدى ەلباسى.

ايان بەكەنۇلى

inform.kz