ماقسات - قازاقستاندى دامىعان 30 ەلدىڭ قاتارىنا كىرگىزۋ

&ndash؛"nur otan" ستراتەگيالىق باعىتتان اۋىتقىماۋى ءۇشىن بۇكىل قوعامدى جۇمىلدىرۋى ءتيىس. بۇل تۋرالى "nur otan" پارتياسى ساياسي كەڭەسىنىڭ كەڭەيتىلگەن وتىرىسىندا قر تۇڭعىش پرەزيدەنتى &ndash؛ ەلباسى نۇرسۇلتان نازارباەۆ ايتتى, دەپ حابارلايدى qamshy.kz اقپارات اگەنتتىگى.

"پارتيامىز دامۋدىڭ جاڭا كەزەڭىنە كەلىپ وتىرعانىن ءبارىمىز ءتۇسىنىپ, ءبىلىپ وتىرمىز. زامان وزگەردى, جاعداي وزگەردى. "nur otan" ەلىمىزدىڭ جەتەكشى كۇشى رەتىندە ساياسي باسشىلىقتى بەكەمدەپ, ستراتەگيالىق باعىتتان اۋىتقىماۋى ءۇشىن بۇكىل قوعامدى جۇمىلدىرۋعا ءتيىس. بۇل قۇر اشەيىن ايتىلعان ءسوز ەمەس. ءبىز قازاقستاننىڭ, حالىقتىڭ ورتاسىنداعى ەلدى جەتەلەيتىن, ەلگە تۇسىندىرەتىن ۇيىمبىز. ەگەر ونداي ءرولدى ورىنداماساق, وندا ءبىزدىڭ ورنىمىزعا باسقا پارتيا كەلەدى. سوندىقتان جاۋاپكەرشىلىكتى ناقتى ءتۇسىنۋىمىز كەرەك", ؛&ndash؛ دەدى قر تۇڭعىش پرەزيدەنتى.

وسى رەتتە ەلباسى پارتيانىڭ 2050 جىلعا دەيىن قابىلدانعان باعدارلاماسىندا قازاقستاننىڭ دامىعان 30 ەلدىڭ قاتارىنا كىرۋ ماقساتى قويىلعانىن ەسكە سالىپ ءوتتى.

"بارلىق باعدارلامالار سوعان بايلانىستى. سول ماقساتقا جەتۋ ءۇشىن جاساپ جاتىرمىز. زامان تالاپ ەتتى. يندۋستريالىق, ينفراقۇرىلىمدىق باعدارلامالار, اۋىل شارۋاشىلىعى, ءۇي قۇرىلىسى, مەديسينا, حالىقتى اعارتۋ جۇمىستارىنىڭ بارلىعى ءبىر مۇددەگە جەتۋ ماسەلەسى. بارلىعىمىزدىڭ ويىمىز وسى ماقساتقا جەتۋ بولۋى كەرەك", ؛&ndash؛ دەدى نۇرسۇلتان نازارباەۆ.

قر تۇڭعىش پرەزيدەنتى 2015 جىلدان باستاپ 5 ينستيتۋتتىق رەفورما جۇزەگە اسىرىلىپ جاتقانىن ايتتى.

"ەستەرىڭىزگە سالا كەتەيىن, بۇل زاڭ ۇستەمدىگى, ءارتاراپتاندىرۋعا نەگىزدەلگەن ەكونوميكالىق ءوسىم, بولاشاعى ءبىر ۇلت, ترانسپورەنتتى ءارى ەسەپ بەرەتىن مەملەكەت. بەس باعدارلاما دەگەن وسىعان بايلانىستى. 2017 جىلى پارلامەنت پەن ۇكىمەتتى كۇشەيتۋ ءۇشىن بيلىك تارماقتارى اراسىندا وكىلەتتىكتەردى قايتا قاراپ, ساياسي جۇيەنى جاڭعىرتتىق. 2018 جىلى سايلاۋ زاڭناماسىن جەتىلدىردىك. ءماسليحاتتاردىڭ كەلەسى سايلاۋى العاش رەت پارتيالىق ءتىزىم بويىنشا وتكىزىلەيىن دەپ وتىر", ؛&ndash؛ دەدى ەلباسى.

مارلان جيەمباي

inform.kz