نازارباەۆ: بارلىق سايلاۋلار كونستيتۋسيالىق مەرزىمدە وتەتىن بولادى

قازاقستاننىڭ بۇرىنعى پرەزيدەنتى, ەلدەگى بيلىك پارتياسى سانالاتىن "nur otan"-نىڭ ءتوراعاسى نۇرسۇلتان نازارباەۆ بارلىق سايلاۋلار كونستيتۋسيالىق مەرزىمدە وتەتىن ايتتى ؛دەپ جازادى qamshy.kz اقپارات اگەنتتىگى. بۇل نازارباەۆ نۇر-سۇلتاندا ءوتىپ جاتقان ؛ "nur otan" پارتياسى ساياسي كەڭەسىنىڭ كەڭەيتىلگەن وتىرىسىندا ايتقان. ؛

نازارباەۆتىڭ ايتۋىنشا, دەمونستراسيا مەن شەرۋلەر ەلدەگى ءتارتىپتى بۇزىپ, وزەكتى ماسەلەلەرمەن اينالىسۋ شەتتە قالادى.

"پوستكەڭەستىك ەلدەردەن باستاپ افريكاعا دەيىنگى ەلدەردى قاراپ كورىڭىز. ساياسي تۇراقسىزدىق كەزىندە ءبىرىنشى كەزەكتە كىم زارداپ شەگەدى؟ ەكونوميكا قۇلاعاندىقتان, حالىقتىڭ ءومىر ءسۇرۋ ساپاسى دا تومەندەيدى. جۇمىس ىستەۋگە ۋاقىت جوق &ndash؛ شۋلاپ, ورتاعا شىعادى. دەمونستراسيا مەن شەرۋلەر. ءتارتىپ پەن بيلىك جوق جەردە &ndash؛ پروبلەما شەشىلمەيدى. ءاربىر ادامنىڭ قاۋىپسىزدىگى, ەلدىڭ تۇراقتىلىعى بۇزىلادى. وزەكتى ماسەلەلەرمەن اينالىسۋ شەتتە قالادى. ءارقاشان شۋلاپ جۇرەتىن ادامدارعا تاعى دا ءبىر ايتا كەتەيىن, بارلىق سايلاۋلار كونستيتۋسيالىق مەرزىمدە وتەتىن بولادى. وسى تاقىرىپتى جابايىق", - دەدى نازارباەۆ.

قازاقستاندا 2019 جىلدىڭ 9 ماۋسىمىندا كەزەكتەن تىس پرەزيدەنت سايلاۋى وتكەن. وعان دەيىن دە بىرنەشە پرەزيدەنتتىك جانە پارلامەنتتىك سايلاۋلار مەرزىمىنەن بۇرىن بولعان. سوندىقتان ءقازىر كوپتەگەن ساياسي ساراپشىلار بيلىك جاقىن ارادا پارلامەنت سايلاۋىن دا مەرزىمىنەن بۇرىن وتكىزەدى دەگەن پىكىرلەر ايتىپ ءجۇر.

نۇر-سۇلتان قالاسىندا نۇرسۇلتان نازارباەۆتىڭ توراعالىعىمەن "nur otan" پارتياسى ساياسي كەڭەسىنىڭ كەڭەيتىلگەن ؛وتىرىسى ؛وتىپ جاتىر.  ؛