21 تامىز, 2019 الەۋمەت
قازاقستاننىڭ بەس ايماعىنىڭ حالقى 1,5 ميلليونعا كەميدى ؛دەپ حابارلايدى qamshy.kz اقپارات اگەنتتىگى ؛ەۋرازيا ارناسىنا ؛سىلتەمە جاساپ.
بۇل اقپاراتتى ەڭبەك رەسۋرستارىن دامىتۋ ورتالىعى حابارلادى. ولاردىڭ بولجامىنا ساي, كەرىسىنشە مۇنايلى ولكەلەردە حالىق 1,36 ميلليونعا ارتادى. وسىلايشا,قازاقستاندا ؛ بۇرىن-سوڭدى بولماعان دەموگرافيالىق تەڭسىزدىك پايدا بولۋى مۇمكىن. سونىمەن, بەستىككە كىرگەن اۋماقتار قانداي؟
سوڭعى 3 جىلدا قازاقستاندى تاستاپ كەتكەن ادامداردىڭ سانى 115 مىڭنان اسىپ جىعىلادى. ونىڭ ىشىندە 40 مىڭعا جۋىعى 16-جاستان اسقاندار ەكەن.
حالىققا قاتىستى ماڭىزدى ماسەللەەردى زەرتتەپ وتىرعان ورتالىقتىڭ مامانى دميتريي شۋمەكوۆ زەرتتەۋ ناتيجەلەرى قۋانارلىق ەمەستىگىن ايتادى. ويتكەنى, بۇگىندە شەتەل اسىپ كەتىپ جاتقاندار ارتىپ كەلەدى. ونىڭ ۇستىنە, "كەتكەندەردىڭ ويسىراعان ورنى 5 ايماقتا ايقىن سەزىلەدى" - دەيدى ول.
"حالىقتىڭ ءوسۋ ديناميكاسى بىركەلكى ەمەس. وبلىستاردا جۇرتتىڭ كوبەيۋ كورسەتكىشى تۇراقتى تۇردە ءوسىپ جاتقان جوق. سوندىقتان, 5 وبلىستا 1,3 ميلليونعا جۋىق ادام ازايۋۋى قاتەرى بار. اتاپ وتسەم, اقمولا, قاراعاندى, پاۆلودار, سولتۇستىك جانە شىعىس قازاقستان وبلىستارىندا ادام سانى ءبىرىنشى جارتىجىلدىقتا عانا 8,3 مىڭعا كەمىگەن. كەلگەندەردەن قاراعاندا كەتكەندەر 21,4 مىڭعا كوپ. كوشىپ جاتقانداردىڭ كوبى 20-30 جاستاعىلار بولعاندىقتان, تابيعي ءوسۋ دەڭگەيى ودان ءارى تومەندەۋى مۇمكىن", - دەيدى "ەڭبەك رەسۋرستارىن دامىتۋ ورتالىعى" اق مامانى دميتريي شۋمەكوۆ.
دميتريي شۋمەكتوۆتىڭ مالىمەتىنشە, بىرنەشە ونجىلدىقتا ادام سانى بويىنشا ەلىمىزدە تەڭسىزدىك ورنايدى. ويتكەنى, قازاقستاننىڭ ءبىر بولىگىندە مۇنايمەن جان ساقتاۋعا ۇيرەنگەندەر كوبەيەدى. جاستار باتىس قازاقستانعا بارىنشا شوعىرلانىپ, وسى ايماقتىڭ دەموگرافيالىق احۋالى تۇزەلمەك. الايدا, مامان اتاعان اۋماقتاردا ءتۇرلى فاكتورلاردان جاستار, ءتىپتى ورتا جاس بولىپ ەسەپتەلەتىن 31-42-لەردىڭ دەنى باسقا ەلگە قونىس اۋدارۋى مۇمكىن.
مامانداردىڭ سوزىنشە, قازاقستاندىقتار ۇدەرە كوشەتىن ءبىرىنشى مەملەكەت رەسەي. كوپ جاعدايدا كوشى-قون ەتنيكالىق ماسەلەلەرمەن بايلانىستى بولادى ەكەن. الايدا, سوڭعى جىلدارى كورەياعا جۇمىس ىزدەپ سابىلعانداردىڭ سانى ارتقان. ماسەلەن, بيىلدىڭ وزىندە وسى ەلگە 7000-عا جۋىق وتانداسىمىز كەتىپتى".
"ماسەلەن, ۇلتتىق بانكتىڭ ستاتيستيكاسىنا سۇيەنەتىن بولساق, 2012 جىلدان 2018-جىلعا دەيىن جەكە تۇلعالاردىڭ قازاقستانعا شەتەلدەردەن اۋدارىلعان اقشا كولەمى 219 ميلليون اقش دوللارىنان 614 ميلليون اقش دوللارىنا ياعني 2, 2 ەسە وسكەن. ءدال وسى ۋاقىت ارالىعىندا وڭتۇستىك كورەيادان قازاقستانعا اۋدارىلعان اقشا كولەمى 60 ەسە ۇلعايعان", - دەيدى قولدانبالى ەكونوميكانى زەرتتەۋ ورتالىعىنىڭ اعا ساراپشىسى ءامينا باۋىرجان.
ساراپشىنىڭ سوزىنشە, سوڭعى ەكى جىلدا كورەياداعى اۋىر بولسا دا 1,5-2 مىڭ اقش دوللارىن تولەيتىن جۇمىسقا اڭسارى اۋعاندار قاپتاپ كەتىپتى. ءتىپتى, ايىنا 600-گە جۋىق ادام وسى مەملەكەتتەن ءبىراق شىعادى ەكەن. الايدا, بىلىكتىلىكتى قاجەت ەتپەيتىن ەڭبەك تۇرىنەن قۇقىعىن قورعاي الماي, وپىق جەگەندەر دە جوق ەمەس. ءبىراق, كەتكەندەردىڭ باسىم بولىگى كەرى قايتپايتىن كورىنەدى. بۇل پىكىرمەن الەۋمەتتانۋشىلار دا كەلىسەدى.
"ۇردىستىڭ وزگەرىپ كەتەدى, باسقا جاققا بۇرىلادى, وزگەرەدى دەۋگە نەگىز جوق. "نە سەبەپتى, كوشۋدى قالايسىز دەگەن سۇراققا كوبىنەسە ەكونوميكالىق سەبەپتەر ايتىلادى.مىسالى, جۇمىستىڭ بولماۋى , بۇنداعى تۇرمىس دەڭگەيىنىڭ تومەندىگى جانە دە كوشىپ باراتىن ەلدە جاعدايدى جاقسارتۋعا مۇمكىندىكتىڭ كوبىرەك بولۋى", - دەيدى الەۋمەتتانۋشى سەرىك بەيسەنباەۆ.
مامانداردىڭ ايتۋىنشا, اقمولا, قاراعاندى, پاۆلودار, سولتۇستىك جانە شىعىس قازاقستان وبلىستارىندا ادامنىڭ ازايۋىنا اسەر ەتەتىن جاعداي جەتكىلىكتى. ەڭ باستىسى, جۇمىسسىزدىقتىڭ سالقىنى بولسا, ەكىنشى سەبەپ تۋۋ كورسەتكىشى جىلىنا نەبارى 17 پايىزدى قۇرايدى ەكەن. ال, ءولىم كورسەتكىشى 41 پايىزدان اسادى. سوندىقتان, كۇردەلى كەزەڭنەن ءوتۋ ءۇشىن ارينە ەلدىڭ جاعدايىن جاقسارتۋدان باسقا شارا جوق - دەيدى ولار.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر