• usd 409.19
  • eur 461.24
  • rub 5.67
  • cny 58.26

20 تامىز, 2019 news

وتاندىق كينوتۇسىرۋشىلەر قانشا تابىس تابادى؟

بۇگىندە وتاندىق فيلمدەر پروكاتتا ەڭ كوپ دەگەندە $500 مىڭ مەن $1 ملن قارجى تابادى.

بەلگىلى ءبىر شارتتاردى دۇرىس قولدانىپ, تاۋەكەلدى تومەندەتسە, كينو ءتۇسىرۋ سالاسىنا ينۆەستيسيا قۇيۋ ارقىلى جوعارى تابىسقا جەتۋگە بولادى, دەيدى "اناعا اپارار جول", "ەلباسى جولى" سىندى كوپتەگەن فيلمدەردىڭ پروديۋسەر ەرنار قۇرماشەۆ "كاپيتال.kz"-كە بەرگەن سۇقباتىندا.

ونىڭ ايتۋىنشا, بۇرىندارى "قازاقفيلم" جىلىنا بىر-ەكى جوبا عانا تۇسىرسە, ءقازىر جەكە ينۆەستيسيالار ەسەبىنەن تاۋەلسىز پروديۋسەرلەردىڭ كوپتەگەن كينوكارتينالارى جارىق كورۋدە. سوندىقتان كينوتەاترلاردىڭ جۇمىسىن رەتكە كەلتىرەتىن جۇيەنى قۇرۋ وزەكتى بولىپ وتىر. مىسالى, كورشىلەس رەسەيدە ءبىرىڭعاي اۆتوماتتاندىرىلعان اقپاراتتىق جۇيە جۇمىس ىستەيدى. ارنايى باعدارلاما كينوتەاتر جۇمىسىنىڭ مولدىرلىگىن قامتاماسىز ەتەدى. وسىنىڭ ارقاسىندا رەسەي كينوتەاترلار نارىعى 99 پايىزعا اشىق. بۇل رەسەيلىك كينويندۋستيانىڭ دامۋىنا ايتارلىقتاي ۇلەسىن تيگىزدى.

قازاقستاندا بۇل سالاداعى العاشقى قادامدار ەندى قولعا الىنۋدا. 2019 جىلدىڭ باسىندا كينو تۋرا زاڭ قابىلداندى. زاڭ ەلەكتروندىق بيلەت ساتۋ جۇيەسىن ەنگىزۋگە مىندەتتەيدى. جۇيە ەنگىزىلگەن كۇن كينووندىرۋشىلەر ءۇشىن تاعدىرشەشتى ءسات بولماق. ويتكەنى فيلم پروكاتتا ناقتى قانشا جيناعانىن بىلۋگە جول اشىلادى. سوندا كينوجوبالارعا ينۆەستيسيا سالۋ ۇلكەن تاۋەكەل تۋدىرمايدى.

"بۇگىندە وتاندىق فيلمدەر پروكاتتا ەڭ كوپ دەگەندە $500 مىڭ مەن $1 ملن قارجى تابادى. بارلىق تۇسىرىلگەن فيلدەردىڭ اراسىندا تابىستىلارى 15-20 پايىزدى قۇرايدى. فيلم تاپقان 500 مىڭ دوللاردىڭ 250 مىڭ دوللارىن كينوتەاترعا بەرەدى. قالعان 250 مىڭ دوللاردىڭ 5-7 پايىزىن ديستريبيۋتور الادى, وندىرۋشىدە قالعانى $230. 30 مىڭ دوللارعا جۋىق قاراجات ماركەتينگكە كەتەدى. بىزدە سوندا تۋرا 200 مىڭ دوللار قالادى. سوندىقتان شىعىنعا ۇشىراماس ءۇشىن فيلم بيۋدجەتىن وسى سومادان اسىرا المايمىز. بۇنداي بيۋدجەتپەن ساپالى كومپيۋتەرلىك گرافيكامەن فەنتەزي نەمەسە اتىس-شابىس ءفيلمىن تۇسىرە المايسىڭ. بۇل جانرلاردىڭ قازاقستاندا كەنجەلەپ جاتقانى سودان. جاڭاعى اقشا كومەديا مەن دراما تۇسىرۋگە عانا جەتەدى" ؛&ndash؛ دەيدى ول.

پروديۋسەر وتاندىق كينويندۋسترياداعى جۇيەلىك ماسەلەلەر شەشىلسە, 5-10 جىلدا فيلمدەر 5 ملن دوللاردان استام قارجى جيناۋى مۇمكىن دەگەن پىكىردە. 18 ملن تۇرعىنى بار نارىق الەۋەتى $15-20 ملن-دى قۇرايدى. ول ءۇشىن كينوتەاتر بيزنەسىن ءمولدىر ەتىپ, ايماقتاردا جاڭا كينوتەاترلار سالۋ قاجەت. سۋبسيديا مەن كۆوتا ءبولىنۋى ءتيىس.

"مەنىڭشە قازاقستاندا كينوتەاترلار كوپ بولۋى كەرەك. قازىرگىدەي 280 زال ەمەس, كەمى 700 زال بولعانى دۇرىس" ؛&ndash؛ دەيدى ەرنار قۇرماشەۆ.

رۇستەم ماساكوۆ

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر